87 concorënc s'ŕ mosoré söla pista naturala - In chësta sabeda, 15 de forŕ "Ladinia Cup" de nöt sön pista iluminada
de Mario Clara
Inier, domënia ai 9 de forá, él sté a Lungiarü sön la pista nöia "Dô Juvel" la pröma gara dles liöses por mituns cina a 14 agn a livel regional. La gara valô ince sciöche finala dl campionat liöses por mituns sön pista naturala che se disputâ danter trëi gares: SV Jaufental, SV Mölten y US Lungiarü. 87 concorënc se á presenté a chësc apuntamënt y ince in chësc iade á dit la süa la scuadra dles liöses dla Uniun dl Sport da Lungiarü söles nëis de ciasa.
Hannes Clara á fat registré le miů tëmp dl dé 41 :69 arjunjon insciö le pröm scalin tla categoria aliefs. La neo-campionëssa taliana Marisa Clara á salpü da confermé süa buna condiziun fajon le pröm post tla categoria alieves cun n tëmp de 43:64.
Chisc dui mituns á intrami ince arjunt le cé dla classifica de dötes trëi les gares. Andy Clara dla categoria "mëindri" é sté bun da arjunje le 4 post tla süa categoria.
La gara s'á trat fora por döt le dé y l'organisaziun dl Uniun dl Sport da Lungiarü č stada indertöra. I concorënc rová adalerch en pü da döta la provinzia á laldé la bela pista y les bunes condiziuns dla dlacia.
In chësta sabeda che vëgn ai 15 sarŕl sön la pista "Dô Juvel" la pröma garejada de nöt cun iluminaziun artifiziala, le "Ladinia Cup".
Por informaziuns plü avisa sura les gares o i nce por anuzé la pista, bŕstel telefoné al diretur dla Seziun Liöses dla Uniun dal Sport da Lungiarü, Domenikus Clara ai numri 348 7043049 o 0474 590060.
Jě cun la liösa é sann!!
