benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Microsoft Office per Rumantsch Grischun (Liam nuef)
scrit ai 29 June 2006 da les 20:15:46 da AutoStory

Liams y desçiaries
Titul: Microsoft Office per Rumantsch Grischun
Descrizion: Sen éla tant inant: la Microsoft Office met a desposizion debant ence per lingac manco deslariés n valgugn de si programs: enscì àla p.ej. dé fora na edizion gaelica, na edizion basca y e.i. Sen él gnù sclut ju i laours pro la verscion rumancia y vignun pò desçiarié ju la enjonta al program da internet sot a chest liam Microsoft Office.
Author: (Noeles)




Articul publiché sun Noeles.net en l ann passé canche an ova metù man i laours: MS Office empara Rumanc Grijon
scrit ai 28 March 2005 da les 14:03:34 da noeles

Microsoft Office rejonarà ence Rumanc Grijon da chest ann inant

La MICROSOFT americana realiseia y finanzieia tl cheder dl "Local Language Program" na interfacia y n program de comedura ortografica per MS-Office per Rumanc Grijon - Download debant da d'auton dl 2005

La Microsoft realiseia tl ram de sie "Local Language Program" adum con la Lia Rumantscha y l Cianton Grijon na interfacia rumancia per i utilisadours per un de si programs plu conescius, l Microsoft Office y laprò n program de comedura ortografica. I aplicatifs vegn svilupés sun la basa dl lingaz de scritura unifiché, l Rumanc Grijon (che corespon al Ladin Standard o Ladin Dolomitan chilò da nos), y sarà a desposizion da d'auton 2005 tla forma de n download debant. Vedei chisc svilups tla Svizra sotrisseia endò n iade tant assurda che la dezijion dl Assessorat Ladin tla provinzia de Bulsan y dla politica SVP é de mete sun na pert y de sofoié ju l Ladin Standard.



L «Local Language Program» dla Microsoft dà l muet finanziar de realisé interfaces da utilisadour di produc Microsoft ence per lingac manco deslariés. La precondizion per realisé chest projet, finanzié da la Microsoft enstessa, é samben steda l'esistenza de n lingaz standard ofizial da scritura, vuel dì l "Rumantsch Grischun" (Rumanc Grijon), reconesciù dal Cianton y da la Confederazion y sie interessament per avei chest strument.

La pert linguistica é vegnuda elaboreda da la Lia Rumantscha, l'organisazion da tet  dles unions linguistiches y culturales rumances, sun enciaria dl Cianton Grijon. Al se trata de n lexicon y de n glossar tecnologich de terms rumanc ti ciamps dl'informatica y dl computer. Tl meis de fauré  2005 é n colaboradour dla Lia Rumantscha bele jolé a Seattle, senta dla Microsoft ti Stac Unis, per dé inant les istruzions linguistiches. L'aplicazion rumancia podarà vegnì integreda ence te programs dla Microsoft Office bele instalés, sibe per cie che reverda la interfacia che l program de comedura ortografica. N download gratis de chisc programs suplementars sarà a deposizion da d'auton dl 2005.
"La colaborazion anter la Microsoft Svizra y l Cianton Grijon é n vare emportant per renforzé y deslarié la doura ativa dl lingaz scrit unifiché", dij Claudio Lardi, cef dl departament d'educazion, de cultura y dla sconanza dl ambient dl Cianton Grijon, enjontan che  "L fat che les aplicazions da Microsoft Office pò vegnì tost adoredes per rumanc, sostegn dassen l Cianton Grijon te sies bries da mantegnì a longia veduda l rumanc tla vita da vigni dì desche realté vivuda." Chestes massaries linguistiches jirà plu inant dret de uega pro la introduzion dl Rumanc Grijon te scola.


 
Liams emparentés
· Deplú sun l tema Liams y desçiaries
· Chier te AutoStory


L articul plu liet te chest tema Liams y desçiaries:
Microsoft Office per Rumantsch Grischun (Liam nuef)


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Microsoft Office per Rumantsch Grischun (Liam nuef) (ponc: 1)
da MateoTaibon ai 04 July 2006 da les 10:08:34
(Infos sun l utilisadour | Ti mané n messaje privat)
chilò veigon ci progrès co ven fat sc'an à n lingaz standard.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.373 seconc