benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La cherta di toponims storics vedus dai todesc
scrit ai 12 June 2006 da les 17:41:18 da noeles

Desvalives

 

N laour da Valgrata

Les majeres unions todesces: Schützenbund, Heimatpflegeverband, Alpenverein y e.i. se ghira dlonch toponims todesc, ence tles valedes ladines - Furcia deventa "Furkelsattel"

Dant da n valgunes edemes ŕ na "comiscion per la toponomastica" componunda da raprejentanc dl "Schützenbund", dl "Bauernbund", dla "Bauernjugend", dl "Heimatpflegeverband", dl "Alpenverein" y d'autres prejenté con gran resson mediatich na cherta con i "toponims storics" de Südtirol. La comiscion se ghira che les traduzions de Tolomei vegne toutes ju y che demé i toponims "storics", ence chi talians, dess avei valuta ofiziala.  La comiscion dij de no a la proposta de Durnwalder. Aladň de chela dess entourn 550 macro-toponims resté ence per talian (en pratica dutes les majeres localités y i majeri creps). La cherta enstessa é vegnuda elaboreda da Cristian Kollmann, linguist  y "espert de toponomastica". Aladň de chesta proposta metuda sun cherta dess demé 200 toponims talians valei ofizialmenter.  N laour da Valgrata.



La cherta é vegnuda stampeda te ben 35.000 ejemplars y dess daidé da ti fé reclam a la proposta dla comiscion ti grems politics. Degun raprejentant ladin ne fova laprň. Da pert ladina pňn demé dě "nia da creie cie che chesta jent se permet". Ghiré na soluzion per la toponomastica, ma pestan sot tl medem sot chela di autri. 
A pert che tles valedes de Badia y de Gherdeina figureiel sun chesta cherta feter dlonch i toponims todesc (enfinamai "Kurfar" vegn fat ressorě; al se trata de esonims todesc tles valedes ladines), ne vegn feter degun esonim ladin fora dles valedes ladines tout en consciderazion. Ma la chestion é cotant piec: ence pro toponims tles valedes ladines, o sun l confin, végnel metů dantcŕ la dizion todescia y empermň sotvia la dizion ladina, aluesc végnela ence lasceda demez, enscí p.ej. "Bad Untermoi" y nia "Al Bagn". Cie dij pa i "Scizeri da La Pli"  (che fej enstesc pert dl "Schützenbund) che an ŕ p.ej. lascé demez sun chesta cherta che se proclameia "cherta di toponims cherscius storicamenter" enfinamai "Furcia" (luech deplen sun l teritore comunal de Mareo); al vegn demé reporté la dizion todescia "Furkel-sattel". Anter l auter pňn plu inant demé lieje "Würzjochhaus" y nia "Ütia de Börz", "Maurerberg y Lüsner-Joch" y nia les dizions ladines "Chi Jus d'Alfarei" y "Forcela de Nambladei", demé "Seekofel" y nia ence "Sas dla Porta". La lista di ejempli ne se ruva nia plu.
L statut de autonomia rejona dret cler: toponomastica bilinga y respet dla toponomastica ladina zenza restrizion particolara, nience teritoriala, tl raion de Sudtirol  (Art. 102): "Le popolazioni ladine hanno il diritto al rispetto della toponomastica (...)". Sce al dess vegně scrit dant generalmenter i esonims todesc y talians per les valedes ladines, spo ŕ ence i ladins la medema rejon de fé a valei si esonims fora dles valedes ladines. Chisc esonims é d'enjonta a desvalivanza di esonims todesc y talians d'inrer adatazions alangrovia ("Verballhornungen" per todesch): chest scriv l dr. Craffonara tla Ladinia XIII a plata 49. Samben ne vegn chest conzet nia vedú ite da la comiscion che reporta ben esonims todesc tles valedes ladines, ma degugn esonims ladins deforavia. Ma la cherta é ciamň piec, ala va n vare plu inant: ala reporta ence tles valedes ladines esonims todesc dlongia i inoms ladins con l todesch al prum post, na desfrunteda che ti tol vigni credibelté a la iniziativa.

Ladin Standard
 

 
Liams emparentés
· Deplú sun l tema Desvalives
· Chier te noeles


L articul plu liet te chest tema Desvalives:
Aiut Alpin Dolomites: sajon da d'isté dant porta


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: La cherta di toponims storics vedus dai todesc (ponc: 1)
da MateoTaibon ai 12 June 2006 da les 20:04:31
(Infos sun l utilisadour | Ti mané n messaje privat)
cösta jont fej con le ladin rodunt chel che ai i tira dant der dalalt desco "fascism" ai atri. "Zweisprachigkeit heißt nicht Zweinamigkeit" dijai. Mo por i enoms todesc por i posc ladins ne val cösc nia.



Re: La cherta di toponims storics vedus dai todesc (ponc: 1)
da MateoTaibon ai 14 June 2006 da les 05:23:36
(Infos sun l utilisadour | Ti mané n messaje privat)
i oress mâ ince indiché n articul ch'i ŕ scrit por pogrom:



http://www.gfbv.it/3dossier/eu-min/recht-st.html


"Faschismus stört nur, wenn er italienisch ist."

Bel chel val ince por la toponomastica.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.365 seconc