benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Enconteda di ombolc de messel o da d'auton
scrit ai 03 June 2006 da les 23:05:27 da noeles

Politica

 

Enconteda di ombolc, ma ingert

Demarevueia: Mussner cherdarà ence ite l ombolt de Lusern y chel dla Val dei Mocheni 

Canche an fej valch ingert, spo ne jòvel nia, ala à duré die, ma nience l assessour Mussner ne pò se tré sotfora per tres. La "enconteda di ombolc" ti stà sun l magon, ma ala é endò tl aier. Sburles da la tegnì finalmenter é ence vegnudes da souramont, ma an ne sà nia ciamò can (de messel o da d'auton), ciuldì y con ciun orden dl dí. La ultima de setember dl 2005 fova juda fora con de beles empromiscions, ma essenzialmenter a vuet.  Una na cossa pèr endere segura, la Generela ne vegn nia touta ite, n nò dezidù de Durnwalder. El tegn les avisenes tles mans te chesta chestion.  Nience i doi cuers de arjila che ti é vegnus scinchés a inom dla Generela dal diretour David Lardschneider te na enconteda de chisc dis  a Bulsan ne à smonejelé les posizions.



      Ma al é ence valch sciold tla ola dla lege nazionala 482/99 a chi che an volessa zenzauter ti ruvé permez. Per brancé do vàl endere debujegn de n "comité de coordinament" reconesciù da les provinzies desche la lege 482/99 scriv dant. Chest reconesciment se ova damané la Generela; da Trent y Belun ti fòvel en prinzip gnù dé lum verda, ma a Bulsan àla enconté lum cuecena. Durnwalder y la SVP "ladina" tegn sun chela che la dreta raprejentanza di ladins é i ombolc lités da la popolazion, donca na raprejentanza politica, enceben che la lege 482/99 ne veid nia dantfora chesta restrizion, ma demé n "organism de coordinament" reconesciù da les provinzies. Les mendranzes fora dla region a statut spezial dl Trentin-Südtirol, se nuzeia bele codie di mesi finanziars dla lege  482/99, ence i ladins tla provinzia de Belun che paia empera projec metus a jì dal Istitut Ladin Cesa de Jan. La region Trentin-Südtirol mess empermò se acredité y dé sia adejion a la lege.
 
      La cossa plu demarevueia él che Mussner á declaré de volei cherdé ite chest iade laprò l ombolt de Lusern y chel dla Val dei Mocheni, donca doi ombolc de does de piceres comunités todesces tl Trentin. A chestes  ti àl perauter out permez bendebot de mesi finanziars dla Region entratant sia enciaria da assesssour. Al se trata de does comunités con chi che i ladins ne à degugn liams particolars, no storics, no soziai y tl cheder dla lege 482/99 ence legalmenter nia dret.
 
      La chestion é rodunt chesta: ciuna é pa la gauja dla cherdeda di ombolc de Lusern y dla Val dei Mocheni, de does de piceres ijoles todesces tl Trentin? Chestes à scemai n partner diret tla SVP todescia de Bulsan. Cler él che al se trata de na mueta per arlujié la enconteda di ombolc ladins enstessa y de ti tó chela legitimazion deda da la lege 489/99 che veid dantfora n "organism de coordinament" per mendranzes spidicedes sun deplù provinzies o regions per podei coordiné sies iniziatives y ence ruvé pro valch meso finanziar. An sà che i ombolc de Gherdeina veid chesta enconteda con gran dejinteres, per ne dì nia desche valch che ne ti scusa daldut nia y Mussner ne é nia la ezezion, ma sie portaousc. An sà ence che Mussner y nia demé el, pensa dassen che i ladins sie na rama dl "grup todesch" aldò dl famous conzet dla SVP "ladina": "Minderheit in der Minderheit" (Mendranza tla mendranza).
 
 
Enjonta:
Tla lege cheder sun les mendranzes n. 482/99 ne él scrit inió valch de raprejentanza politica. Chesta é na invenzion dla SVP per boicoté la Union Generela. Tla lege végnel rejoné de "organisms", de "raprejentanza politica" ne spieien nience una na parola. Tla lege 482/99 stal scrit che comunités de lingaz spidicedes sun deplù provinzies pò mete en pé "organisms", al ne é scrit net nia che chest organism dess ester na raprejentanza politica o che ala dess vegnì entenuda enscì. La Union Generela é bele n tel "organism" y ala deida bele endeblì l tort tla tripartizion fascista. Mussolini à lascé spidicé su i ladins sun trei provinzies per i assimilé plu saurí. La lege 482/99 pieta sen la poscibelté de reconesce na organisazion souraprovinziala che deida devenje chesta tripartizion. La Union Generela é la soula organisazion che va soura la tripartizion.  (trad. te LS).
 

 

 L consei di ombolc - enfin a sen deguna convocazion ciamò

 Souramont: speranzes nueves con la lege 482/99

 Devers l organism de coordinament 482/99: propostes da Trent
 Comentar sun n referendum y la lege 482/99
 L ombolt de Col Santa Lizia peia via
 La lege 482/99 - Contegnus
 La posizion de Bepe Detomas sun la lege 482/99 *** letura dret aconsieda
 Devers l organism de coordinament 482/99: propostes da Trent
 Letra daverta dl president dla Comunanza Ladina a Bulsan
 Comunicat stampa dl ofize stampa de Bulsan: conferenza di ombolc
 Union Generela di Ladins dles Dolomites saluda con plajei i ombolc
 La GJ dla SVP de Urtijei tol posizion
 Enconteda di ombolc ladins y di sourastanc dles provinzies
 Lites de comun 2005: i ombolc mess declaré sies intenzions
 Lege 482/99 - La Generala se muev
 Union Generela: stop a Bulsan  con test integral dla lege 482/99
 Generela: enconteda con les autorités provinziales de Belun
 Abineda di ombolc ladins d'otober 2004
 La lege 482: an s'entardiveia
 Pensiers soura l'assemblea dla Generela
 Union di Ladins de Fascia: touta de posizion
 L apel dl ombolt de Col Santa Lizia
 Comité interregional ladin - n comentar
 Intervista al ombolt de Col de Santa Lizia Paolo Frena
 Consei di ombolc: intervista al ombolt de Santa Cristina, Bruno Senoner
 Intervista al ombolt de Fodom Gianni Pezzei
 Comentar: poester renunzieien enfinamai a la 482/99
 I ombolc de Cianacei y de Moena respon

 Les respostes dl ombolt de Badia
 

 La lege 482/99 y i ladins tla provinzia de Bulsan
 Ressoluzion dla Union Generela di Ladins dles Dolomites

 Enconteda anter Union Generela di Ladins dles Dolomites y Durnwalder

 La tripartizion, l'arpejon de Benito Mussolini: Bulsan, la lege 482/99 y l organism de coordinament
 Lege 482/99 - I ombolc ne se á mai tout la bria
 Enconteda Durnwalder-Generela: la verscion ofiziala
 Lege 482/99 - Trent meina do - Bulsan arfera
 L consei di ombolc - enfin a sen deguna convocazion ciamò
 Comité interregional ladin - n comentar -  *** letura dret aconsieda 
 Lege 482/99 - I ombolc ne se á mai tout la bria
 Intervista a Pepi Dejaco: n organism interregional: manco ombolc y plu esperc y dialetica
 Di dla Unité Ladina: unité combatuda
 Cianacei: Di dla Unité Ladina - La fana é sun l fuech
 Di dla Unité Ladina: les prumes imprescions
 La relazion de Bepe Detomas
 Durnwalder á enconté dantenier l president De Bona de Belun

 Intervista al President dla Generela Nani Pellegrini
 
 Publicazions: Ladiner: eine Minderheit in der Minderheit
 Mendranza te na mendranza: titul ne plej daldut nia
 Convëgn dla Regiun, ai 22.11.2002
 Comentar al Convëgn da in vëindres
 

 
 
 

 

 

 

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Enconteda di ombolc de messel o da d'auton (ponc: 1)
da giatfosch ai 04 June 2006 da les 21:34:24
(Infos sun l utilisadour | Ti mané n messaje privat)
l tipich boicotaje de Mussner cuntra döt ci che à n pü' de saù de unité ladina. Mprüma ntardié chest "organism" y lascé ite mâ i ombolc, spo meter pormez ombolc todesc, segn che Mussner ne n'ô nia reconesce la mendranza ladina sciöche tala. Tla lege ne stal nia scrit val che plü mendranzes se metes adöm te n organism, mo che na mendranza spidiciada po' meter sö organisms por lauré deboriada. Meter i todesc pro i ladins ô scemplamenter dí nia reconescer i ladins, mo i odei sciöche pert dl grup todesch y nia i lascé vire sciöche grup por se.



Re: Enconteda di ombolc de messel o da d'auton (ponc: 1)
da Jepele ai 05 June 2006 da les 10:08:01
(Infos sun l utilisadour | Ti mané n messaje privat)
A chest pont ciuldí pa nia cherdé ite ence i neo-ladins dla Val de Non a chi che dant les lites provinziales àl prié do sie sostegn lital con letres aposta .... Na politica nia da capí



Re: Enconteda di ombolc de messel o da d'auton (ponc: 1)
da Joepl ai 06 June 2006 da les 14:23:16
(Infos sun l utilisadour | Ti mané n messaje privat)
I metessa pench che la USC ne scrivarà net nia de chest, nience sun la cherta trilinga ladina. Apeina che al é valch de politicamenter zite féjela na gran outa entournvia, empede ti jì permez al argoment.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.373 seconc