benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Trentin: lege nueva sun la protezion zivila
scrit ai 03 June 2006 da les 18:44:39 da noeles

Fascia

 

Reforma dla protezion zivila y di corps de studafuech

I studafuech y prum aiut sun l teritore é na vedla tradizion te nost raion, ala ova endere debujegn de vegnì regolamenteda miec 

Anter les truepes chestions debatudes tla provinzia de Trent se recordaràn dl ann 2006 dessegur per cie che reverda la reforma dl servisc de protezion zivila y di corps de studafuech volontadifs.
 
I studafuech da Vich entratant na desfileda.


I corps de studafuech y dl socours sun l teritore é na vedla tradizion te nost raion y samben àn messù mudé tl temp ence les normatives, i regolamenc y dut cant cie che tegn adum chest patrimone de volontariat che vegn reconesciù - con na certa envidia- ence autró tla Talia y foradecà. Al se trata de n patrimone de ideai y de persones che à sapù tres i secui de ti ester dagnora apede a les persones y a les comunanzes tl caje de desgrazies, de meldefuesc o de agajons.Via per l an 2006 déssel jí en doura la lege de reforma de chest mond dl volontariat con l  obietif de ti dé a duc i studafuech na valorisazion, entenuda desche reconesciment de rejons emportantes per sie impegn y sia responsabelté. Te chest cheder arà bendebot de emportanza duc i comuns che vegn metus te na posizion zentrala. La comiscion de laour, metuda su aldò, à laoré fora do n confront de ben 5 agn con les istituzions na reforma che dà l vare con i temps de encuei y donca flé de jí inant. L pont de maiour emportanza é belavisa la figura di comuns che vegn a tó ite na funzion zentrala per les comunanzes y che sourantol en pruma persona la protezion zivila y ence la defendura dl teritore enfin a l'urbanistica, donca na aisciuda nueva ence per i studafuech y la protezion zivila, samben tres tl spirit de servisc a la segureza dla jent. La lege nueva jiva debujegn y te 29 normes transitores aràla da vegnì traponuda damprovia tla pratica. Encuei él tl Trentin 239 corps de studafuech, 13 grups teritoriai, 1 na federazion provinziala, 3.987 studafuech volontadifs, 239 comandanc, 239 vizecomandanc, 444 cefs de scuadra,131 cefs de ploton, 489 studafuech onorars y sostegnidours, 932 arlefs, 13 ispetours distretuai,1 n diretour dla federazion y 1 n president dla Federazion per n total de 6.500  unités. Domenico Volcan.

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.367 seconc