benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Poza de Fascia: sfuei nuef de comun
scrit ai 24 May 2006 da les 22:01:11 da noeles

Fascia

 

"La Roda dal Molin" 

L comun de Poza vuel informé con chest strument nuef miec la popolazion sun i projec y la vita dla comunanza

N strument  nuef de informazion é vegnù fora te Fascia per endrez dl Comun de Poza y de sia aministrazion comunala con a cef la ombolta Alessandra Cloch, la pruma ela te Fascia a ruvé sun l scialin plu aut de na aministrazion comunala fasciana. L  sfuei nuef vuel samben ester n strument de informazion per i zitadins de Poza che a chesta vida pò vegnì informés plu dalvers desche ai va inant i projec y i laours de sie comun.

L paisc de Poza.



      L prum numer dl sfuei dal inom "La Roda dal Molin" vegn prejenté da la ombolta Alessandra Cloch che confermeia la volonté dla aministrazion comunala de se daurí tres deplù a la jent tl segn de na ciasa de viere che ne à nia da ascone, che vuel ester davejin a la comunanza scutan su sies propostes y rejonan con les categories sun i desvalifs problems. N strument d'utl de informazion y de confront che per l'aministrazion, videda da Alessandra Cloch, vuel ester n moment emportant de comunicazion.

     Tl prum numer végnel rejoné dl'université dla Jent de eté, dles scomenciadives da d'isté per i bec, dl servisc dla "oma dl dí/Tagesmutter", di gragn laours publics desche la ciasa nueva dl Comun de Pozza y dla senta nueva di studafuech con chela che nia duc é a una che ala sie logheda a Vac. Desche al vegn recordé sun l sfuei ne él nia sté meso giaté d'autres alternatives y donca tl temp de 700 dis che la firma che a vent la garejeda de apalt arà da finì i laours dal cost final de 5.186.000 euro. Plu inant végnel porté dant d'autres informazions en curt. I promotours se augureia che tl davegnì l sfuei posse vegnì metú ju per ladin y ester lié enscí a la tradizion locala. Domenico Volcan.


 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.377 seconc