benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Nuovo Atlante Ladino: nia dut ne plej
scrit ai 24 May 2006 da les 21:14:04 da noeles

Cultura

 

Tesc'  aboc interessanc, ma de scletes fotografies

... truepes fotografies dà n cheder folcloristich dla Ladinia - al mancia na cherta dla Ladinia - chestions atuales desche toponomastica y d'auter nia da afustié

En general tesc' interessanc, ma te deplù capitui de scletes fotografies: l Atlant Ladin, dé fora da la Region Trentino-Südtirol y prejenté chisc dis é metù ju per talian dess ence gní dé fora defata ence na verscion todescia. Sot a n atlant ladin s'éssen endere perdret aspeté dlongia les truepes informazions che vegn dedes ence n valgugn dac concrec sun la populazion, sourasperses, splighés tres grafics. Al mancia ence na scempla cherta teritoriala dla "Ladinia" con toponims che  ti fossa dassen d'utl al letour. 

 


Pro n atlant tol ite les fotografies na luegia bendebot emportanta y ales deida sporje n cheder realistich y senzier. Baudi é la lita dles fotografies melgarateda te deplù pertes, tout fora dantadut chela sun la pert artistica: valch fotografies giàten oramai te deplù libri dés fora ti ultims temps y valch é true massa vedles y sfauza enscì la realté (feter dlonch veiden ciases vedles da paur y viles, y ence chestes te fotografies da zacan aluesc), valch iade ne veiden nience degun referiment con l test dlongia. Scialdi "a la slobra"  la lita dles fotografies tles does ultimes pertes sun "les dinamiches soziales" y la economia, chesta ultima met man con n retrat de guides alpines  y se scluj ju con n el che zipla biesces de legn, fotografies che ne fej nia auter che renforzé l efet folclorisazion. Da moié ajache l test é aboc bendebot interessant. Sciche dit màncel plu outes dac spezifics: zifres dl moviment turistich, informazions plu menudes sun les ativités artejanales, infrastrutures turistiches, gré de emplei, laoranc da foradecà y e.i. Mancé mancia, desche ence l articulist tla USC ova critiché, valch proietazion tl davegnì o n capitul con dac giuridics. Deguna pedia nience dla bandiera ladina.  Dut adum fotografies che ti dà dut entourn al letour da foradecà chel cliché folcloristich che ti plej "i ladins che viv te valch vila vedla amesa la natura, che laora da paur, che se viest guant da zacan,  se tegn a les tradizions y che sighita a ziplé". (pi)

 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Nuovo Atlante Ladino: nia dut ne plej (ponc: 1)
da Jepele ai 27 May 2006 da les 12:35:39
(Infos sun l utilisadour | Ti mané n messaje privat)
Te n articul sun la Dolomiten (24.05.06 a pl. 15) à Mussner bravé che al é vegnù spenù dal 2004 al 2006 9,078 milions de euro per les mendranzes dla region. Con chest gran import voléssen dí che ala fossa juda ence da mete ju na cherta dla Ladinia da mete ite tl Atlant. Al resta la domanda, sce an à fat aposta de la lascé demez per ne desturbé nia l "cheder folcloristich" di ladins y ne fé nia vedei la plaia la tripartizion.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.381 seconc