benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Tres deplù particolars fej odei l scandal dla delibera
scrit ai 08 February 2003 da les 21:39:22 da noeles

Ladin Standard

 

Bries y scioldi spidicés te vocabulars idiomatics empede tl standard - Duta la polemica y stritaria envieda via da la SVP de Gherdeina

La delibera de Mussner y l arat dl Istitut fej tres plu marevueia ence ai todesc tla provinzia. An vegn ence a conesce  deplú particolars che rejona contra la delibera y contra l'empostazion dl Consei dl Istitut. Per ejempl la Fondazion dla Cassa dl Sparagn che ti à dé milions al Istitut Micurà de Rü per dé fora i vocabulars idiomatics ladin Val Badia y Gherdeina, dessegur de utl y n gran laour. La Fundazion à endere racomané plu iadesc - ciamò tres sie vedl president Hans Rubner - de mete al prum post finalmenter l laour sun l standard ladin, sun "eine ladinische Schriftsprache/einheitliche Schriftsprache", "recordedeves chest dess ester l travert final" àl dit.  Chest àn podù audì dai medems interessés che à laoré pro l vocabular. Rubner à propi racomané de ne sciuré nia demez scioldi te publicazions che sarà tost sourapassedes n iade che al sarà dantman l lingaz standard y a chest déssen souradut pensé per ne fé nia laours dopli.  I todesc de Sudtirol che adora ence n standard scrit, l "Schriftdeutsch", conscidreia la soluzion dl standard sciche la cossa plu naturala al mond y a l'auteza di temps. La presidenta dl Consei Provinzial Alessandra Zendron se à damané l standard per la prejentazion dl Consei.



Dla medema minonga ence l president dla jonta Durnwalder che à dé pro entratant la prejentazion dla delibera che al se trata de na soluzion provisoria y perchel déssen pensé al standard. An veid che la SVP todescia ne n'à degugn problems de chest vers y che duta la polemica y stritaria é pieda via y depen da chi dla SVP de Gherdeina con sies posizions estremistes per cie che reverda l ladin. L sclaf plu gran a Mussner y Istitut vegn propi dal  Consei Provinzial che à dé fora l'ultima brosciura de presentazion sul Consei y sun sies ativités propi tl ladin standard. A cie moda ne é pa na tel delibera che azica tant damprò te sia natura duta la mendranza ladina, nia vegnuda prejenteda denant al Consei Provinzial che à bele anuzé dantfora desche ofizial l standard. Cler che Mussner met plu averda ai amisc de Gherdeina che ti darà la ousc che no ai membri dl Consei Provinzial.


 
Liams emparentés
· Deplú sun l tema Ladin Standard
· Chier te noeles


L articul plu liet te chest tema Ladin Standard:
Dal latin al ladin: storia dla evoluzion dl lingaz ladin


Valutazion dl articul
Cumpeida mesana de oujes: 4.33
Oujes: 6


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Tres deplù particolars fej odei l scandal dla delibera (ponc: 1)
da travers ai 11 February 2003 da les 20:04:56
(Infos sun l utilisadour | Ti mané n messaje privat)
Les racomanazions de H. Rubner y la dezijiun de A. Zendron n'é pordërt nia ater che na espresciun de bon sens, mo ajache le bon sens ti fala gonot ai raprejentanc ofiziai dla cultura ladina, él dërt che de te' tutes de posiziun vëgnes metüdes sun la prüma plata di media. La sciënza y n pü düc i nia-ladins che s'interessëia dl problem ladins é a üna che zënza n standard ne à l ladin degun dagnì.
Le assessur ala cultura da BZ, le consëi d' istitut MdR o miec sü membri che à benedì la famoja delibera antiladina se lascia aldì tres plö gonot cun dezijiuns non sens.



Re: Tres deplü particolars fej odëi (ponc: 1)
da giatfosch ai 08 February 2003 da les 22:20:52
(Infos sun l utilisadour | Ti mané n messaje privat)
... y Mussner n'é gnanca jü ala prejentaziun di resultac de laûr dl spell. Insciö ne s'àl nia informé söi laurs; y al n'á gnanca comuniché cun i colaboradus dl spell danco tó chesta dezijiun scandal. sciöche n dotur che scri dant na medejina y ne i à gnanca ciaré al pazient.



Re: Tres deplü particolars fej odëi (ponc: 1)
da Dolasila ai 08 February 2003 da les 23:58:43
(Infos sun l utilisadour | Ti mané n messaje privat)
atra proposta: sce l'IL se met se lascia strumentalisé da chi che á dagnera lauré cuntra l ladin, ciodí spo inant n tel istitut? l tolun jö!
tolun jö l Istitut Ladin, él pu pur nia.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.372 seconc