benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Fascia: les tradizions de fé pan te ciasa
scrit ai 19 May 2006 da les 18:10:03 da noeles

Fascia

 

Coche an fajova pan zacan

Te 12 agn à entourn 10.000 persones tout pert a la escursion sun la tradizion de fé pan - N develpaie ai promotours y ai volontadifs

Al é sen temp de gran laour per duc i comités de manifestazion de Fascia per perduje de finì via l program y les propostes che sarà a leta souraldut per i ghesc' via per l'isté che vegn. Desche dagnora n grumon de ocajions: chest ann endere manciaràl dassen n apuntament che tl temp é sté n moment de conescenza dla storia materiala de Fascia: la storia dl "fé pan" che vegniva spligheda sun la frazion de Pian a Ciampedel. Na scomenciadiva apriejeda y che ti à fat conesce vigni ann a milesc de persones l'anima de Fascia, la storia scempla dl'arpejon de nosc vedli.



Do tanc de agn ne vegniràla da chest ann inant nia plu tegnuda tla vedla ciasa con fourn de Pian, ajache al vegn fat laours de derturament. Per chesta gauja tòmel demez chesta scomenciadiva pieda via dant da 12 agn sun iniziativa de Mario Rasom, Paolinetti Giuseppe y Roberto apede a Valle Sergio, n clap de amisc de Fascia liés deberieda da esperienzes personales che à sapù vive y mete dant chesta bela scomenciadiva. La manifestazion ti meisc da d'isté pontova via na outa a l'edema: l'apuntament fova sun plaz de Ciampedel per ruvé enfin a sun Pian do la bela via Crucis. Bele chest pice trat da jì pé fova na ocajon per ti conté ai ghesc' la storia de Fascia, i sacrifizes y la forza dla jent da zacan. Ruvés sun Pian fova la vedla ciasa con l fourn na ocajon per i amisc de Ciampedel de ti fé vedei ai ghesc' materialmenter co che al vegniva fat l pan y dutes les prozedures de laour. Sun l plaz de Pian vegnìvel dedò dé fora na cercia de speises da zacan per capì ciamò miec chi temps dalonc, ma nience tant. An pò dì che te 12 agn él ruvé sun Pian plu de 10 mile persones y che l laour fat con la "storia dl pan" y sté prezious, emportant y de gran fascinazion per chi à podù vive pera chesta bela scomenciadiva. Al bastova rejoné con i ghesc' che ova tout pert a la sereda sun Pian per sentì complimenc y marevueia per chest contat fon con l mond da zacan. De chesta scomenciadiva réstel sen demé recordanzes, ma propi tl prum isté zenza chest apuntament dla edema él dret recordé l gran laour fat dai volontadifs ti agn, n laour fat demé de pascion, zenza degun auter interes. Rodunt chest tant fòvel dret recordé y speré che dut chest  laour entourn al "mond dl pan" ne vae nia a perde, ma che al pode renasce tres les tecniches de encueicondì. Ence sce l calender dles manifestazions sarà chest isté toch y plen de apuntamenc réstel n pue de manconia per la "storia dl pan" che ne sarà nia plu da vedei sun Pian de Ciampedel. Ai volontadifs ciamò n develpai per l servisc che vos eis fat te chisc agn per nost ambient y nosta arpejon de Fascia. (D.V.)

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.380 seconc