benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lois Trebo: esternazions meltentopedes
scrit ai 16 May 2006 da les 18:58:13 da noeles

Politica

 

"Chi che ne vuel nia ester talians y a chi che ala ne ti scusa nia chilò, po s'en tabaché viaifora"

Con chestes paroles scrites te na newsletter "Perlae Ladine" à l President dla Generela, Michil Costa, ficé te n vespé

Sce an damana la jent, sce ala conesc la Union Generela, spo sàla ben da dì che ala dà fora dal 1972 encà l foliet ladin - La Usc di Ladins; ma ala ne capesc nia, a cie moda che Bulsan o de chi dla SVP l'à su con la Generela; cindetant végnel envié via critiches che à puecia fondamenta. An à l'imprescion desche la SVP adora vigni mez ann na biescia rossa per podei dramé ju; con la SVP mini ie ladins dla SVP.

Da sen inant fírmel les newsletters desche Penna Libera J. MacLadimpede. 


 



Petizion y reazion
Al é da valch edema encà che an po lieje articui che la lascia gracé ju per la Generela; ai porta critiches che persones politiches dla SVP à fat. La gauja é la cherta che l'ostier dl hotel La Perla, Michil Costa, ti à mané fora a si clienc; te chesta àl critiché la firma de ombolc ladins sot a la petizion metuda dant dai scizeri per che al gnissa metù tla Costituzion dl'Austria - Viena romagn sconadoura dles mendranzes de Südtirol! Veir él che encuei ne firmassa deplù ombolc nia plu la petizion, davia che ala ne fova nia metuda ju per i ladins (Cf. La Usc 04.02.06 Firmes dai ombolc - n scandal?). Tles chestions di todesc ne nes ficionse nia ite. Cie che l'ostier de La Perla à ciamò scrit (a chi che ala ne ti scusa nia chilò, chi po s'an tabaché viaifora) é dessegur stedes paroles melentopedes. Na talpina ti à mané chesta cherta a zachei de Bulsan y chestes paroles á fat gran stuep pro i todesc. La chestion é ruveda tl Consei Provinzial da pert de Franz Pahl y l'assessour ladin à messù ti respone. Pahl damanova enfinamai, sce al fossa ben ciamò l caje da ti dé contribuc a la Generela - na domanda che ofen i ladins. Mussner à metù fora che Michil Costa ne conesc nia la storia y n'à nia tout su la cherta desche cherta dla persona privata Costa.
Ne fossa Michil Costa nia tl medem temp sourastant dla Generela, ne essa degugn dit nia de sia cherta ironica. Va ben, n malentop pò ti suzede a duc y Michil Costa se l arà dessegur scrit do les oredles. La domanda de Pahl sun i contribuc a la Generela desmostra che al ne sà nia cie che la Generela à fat y fej dutaorela per i Ladins. I podon ti mané a Pahl l liber de
Cristina De Grandi sun la storia dla Generela, spo podéssel s'informé sun la funzion dla Generela per la salvanza dl grup ladin dles Dolomites. Ma chest liber fajessa ben a duc i Ladins, nia demé a chi dla politica da se lieje fora; spo la pensàssei autramenter defront a la Generela y se sentissa desche ladins cotant plu bravi.

Daidé demé i prosc?
Na pert ite a Bulsan à n burt sistem: sce te me criticheies, spo ne te dài nia plu contribuc! Pu, de chi é pa i scioldi di contribuc? Al é nostes coutes che i paion ite y na pert miena da i podei partí fora a chi che ti é l plu simpatics, a chi che ti fej les beles - i autri dess gni ciastiés! Pu santa stopa, i ne saron mine tant inant? Co ti dijòven olache al gniva pratiché regolarmenter chest sistem? Viadò la cortina de fer! Chela é sparida y an spera che chi sistems sie ence morc fora per tres. La Generela à fat n bel gran laour: daidé tegnì adum la popolazion ladina che fossa cotant deplù spidiceda su zenza Generela. Che ala dà fora da 34 agn encà l foliet ladin, chel é dret n gran merit; rodunt chi che criticheia la Generela ne sà nia, cie sforc che al é gnù fat, cie combatudes che al à volù ester. Chest ves dij na persona che laora dal 1966 encà per l foliet ladin y n'é dutaorela nia bona da zede, aja che la salvanza di Ladins ti stà massa a cuer. I Ladins y sies istituzions y lies adora l'aiut dla man publica che ne dess nia ti cialé tl mus a la istituzion, ma a si fins.

La Generela fej politica
Samben che la Generela à fat y fej sia politica. Ala é gnuda y vegn sforzeda de la fé, davia che i partis - la SVP, ma baudi ence i ombolc se lava les mans defront ai problems ladins, ai ciala demé dla economia, ma nia dla etnia ladina, dl popul ladin che viv tles cinch valedes. Fajessa pu i ombolc politica ladina y se cruziàssei pu di problems ladins, la Generela fossa la pruma a ester plu che liegra de nia plu messei se festidié di problems politics ladins. Ai cie bel, sce ala essa demé bria da se interessé dla cultura ladina!  Al é meisc che Durnwalder à cherdé ite i ombolc ladins, ma ai ne é nia bogn da levé su de sie scagn y da se senté adum per analisé les chestions ladines davertes y tantes che al en fossa. Ai n'á nience l coraje da dì - nos ne fajon nia politica ladina, fajede demé vos inant. I spere che zachei di ombolc se dae da fé - enscì ne vàla nia inant, al é gran ora, i ladins vegn coienés sce i la lascion jí inant enscì - zenza ne fé nia!
Dedeves na sburla, pensede al ben de vosta jent; ence l partì fej na burta figura, sce si membri ne se dà nia da fé per la comunité ladina.

Lois Trebo

 

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Lois Trebo: esternazions meltentopedes (ponc: 1)
da travers ai 16 May 2006 da les 22:34:03
(Infos sun l utilisadour | Ti mané n messaje privat)
Te sie articul fej Lois Trebo n valgunes conscidrazions dret enteressantes sun la fomousa „newsletter“ de Michil Costa y sun la reazion de Franz Pahl che ova damané de ti taié i contribuc a la Union Generela di Ladins. La comportament de Pahl y de cerc ladins dla SVP vegn samben refudé zenza pesimes ma al é empò enteressant da vedei coche chisc fac vegn interpretés. Da una na pert, responan a la declarazion de Pahl, dij F. Mussner che M. Costa ne conesc nia la storia. Da l’autra pert mina Lois Trebo che Pahl „ne sa nia cie che la Generela à fat y fej dutaorela per i Ladins“ y al ti consieia perchel de lieje l liber de Cristina De Grandi sun la storia dla UGL.

La ignoranza dla storia ladina vegn enscì trata ca per splighé o magari vertolé fora tamben l’esternazion melencompra dl president dla UGL (da Mussner) che la reazion fora de mesura de F. Pahl (da Trebo). A pert l fat che l’ignoranza é na scleta vertola, ie ne creie nia che F. Pahl y M. Costa ne conesce nia la storia di ladins y dla UGL. L prum à abù cotant da fé con i ladins sibe canche al fova president dla Consei provinzial y regional sibe sciche esponent dla SVP; sia touta de posizion va veduda plutost sciche na esprescion dla alergia endemica dla SVP dl vers dla UGL. L segont, M. Costa, à dessegur liet “I ladini alla ricerca dell’unità perduta” ma an pò se damané sce al se à veramenter cruzié de cie che nes ensegna l liber de C. De Grandi. Sceben che la Generela ae finanzié la publicazion de chest liber en gaujon dla festa per i cent agn dla Union di ladins, ne àla fat puech y nia per ti fé conesce l liber a la jent ladina y nia ladina, y tres chesta opera la storia dla UGL. Ala ne ti à fat praticamenter degun reclam sun i media, nience sun La Usc. Degun enteres per l passé, miopia politica-culturala, mancianza de vijion? Perauter, da la direzion nueva dla UGL onse audì fina sen plu paroles generiches che idees y programs concrec per l davegnì dla Ladinia.

Sceben che la UGL ae na “miscion” dantaldut culturala àla dagnora messù rejoné con les autorités politiches, sibe con la SVP a Bulsan che con i partic al govern a Roma. Fé politica ne vuel nia demé dì ghiré con forza siei derc ma ence se mueve con comportament acort, dantaldut canche an é te na posizion de debleza. L “scandal” dles esternazions de MC – nia demé de cheles contegnudes tla “newsletter” – vegn dantaldut da na mancianza de diplomazia, de respet per la (iper)sensibelté (p.ej. per l’esperienza dl fascism) de chi che sta da l’autra pert dla meisa, te chest cajo la jent todescia y sie reprejentant politich, la SVP. La “newsletter” fova, al é veira, na comunicazion privata ma te nost mond mediatisé él rie da tegnì destaché un dal auter enteresc privac (de hotelier) y funzion publica (de president dla UGL). Per ester cler, Pahl y siei compagns tla SVP ne ova y ne à deguna rejon de manacé de taié contribuc publics a chi che la pensa autramenter ma ajache “la realté é coche ala é”, sciche dijova De Gaulle, fejessa l president dla UGL dret de tegnì cont ence te sies esternazions privates di enteresc dla UGL y dla Ladinia. Chi che risc’ia de paié l dann de de tel declarazions melencompres ne é nia l hotel La Perla ma ben la UGL y plu en general i Ladins.




Re: Lois Trebo: esternazions meltentopedes (ponc: 1)
da Jepele ai 17 May 2006 da les 08:02:45
(Infos sun l utilisadour | Ti mané n messaje privat)
Caro Flori, sotterra la ascia di guerra, fumiamoci un buon sigaro. Na touta de posizion de M.Costa sun l ALTO ADIGE di 12.05.2006

Torno appena da un mio viaggio in India - avrei dovuto andarci con la delegazione della presidentessa Stirner, ma poi terribili dolori allo stomaco mi hanno costretto a restare a casa. Nuovamente qualcosa é cambiato in me,
d'altronde chi non cambia si trasforma in pietra. Spero almeno in pietra... dolomitica. Come già disse un vecchio indiano: "The traveller has tales to tell" ovvero "Un viaggiatore ha storie da raccontare". Così povero e sporco è a volte questo mondo. E noi sudtirolesi... Già, noi sudtirolesi pensiamo proprio di essere l?ombelico del mondo. Eppure sarebbe così facile.
Basterebbe essere un poco più filantropici. Certo che un?educazione umanistica non guastarebbe...
Trovo, sinceramente, che il dr. Mussner sia una persona cara, oltremodo pragmatica, e un duro lavoratore. Gli voglio bene, a differenza di lui che non mi sopporta. Ma non é grave. Come detto: mille volte c'é di peggio. Gli scorsi giorni sono stato insieme a Jetsun Pema, sorella di "His Holiness" Sua Santità il Dalai Lama, mi raccontava dell'importanza di "reducing destructive emotions...", ridurre le emozioni distruttive. Di Lei mi sono segnato un pensiero: "All humanity shares the sunlight. That sunlight is neither yours nor mine. It is the life giving energy, which we all share. The beauty of a sunset, if you are watching it sensitively is shared by all human beings". Che significa più o meno: "Tutta l'umanità condivide la luce solare. Quella luce solare non è né tua né mia. E l'energia della vita, che condividiamo tutti. La bellezza di un tramonto, se lo guardate con apertura e ricettività dei sensi, é condivisa da tutti gli esseri umani". Caro Flori, non sentirti sempre così attaccato. Sotterra finalmente la tua ascia di guerra, fumiamoci un buon sigaro. La newsletter contiene situazioni socio-politiche e in particolar modo si riferisce alla petizione proposta dagli Schützen e firmata dai sindaci del Südtirol, ad eccezione di tre di loro, uno dei quali di Corvara. Contiene anche una mia posizione critica perché non tiene conto dell?Unione ladina delle Dolomiti.
Certo, la posizione é delicata, alcuni passaggi avrebbero potuto essere formulati diversamente, ma non tema, caro assessore, la storia la conosco.
L'incomprensione che c?é stata non le permette di catalogarmi come fondamentalista, tutt?altro. Ho profondo rispetto per gli abitanti di questo paese, e rispetto la cultura ladina. Nessuno può fregiarsi del titolo di garante unico e assoluto della ladinità. Io sono solo parte di essa, e quale presidente della Union Generela vorrei dare il mio parziale supporto a seconda delle mie capacità. Il nocciolo della questione non viene però preso in considerazione. La ladinia verrebbe suddivisa in due diversi stati. Sarebbe la fine per il popolo ladino. E? vietato ordunque difendersi da quella che sarebbe una spartizione definitiva? Pahl dice di non voler più dare sostegno finanziario alla Generela: così facendo dimostra proprio di non avere quella sensibilità che egli stesso richiede agli altri. Volentieri accetto le critiche di Pahl e Mussner, ma rimango convinto che ogni persona debba e possa avere una sua libertà d'espressione, e che anzi, proprio questa libertà può aiutarci a crescere prendendo in considerazione taluni spunti che possono rivelarsi di grande importanza. La vita é troppa bella e corta per non poter esprimere le proprie opininoni. «What we play is Life» (Louis Armstrong).
Michil Costa (*) presidente Union Generela



Re: Lois Trebo: esternazions meltentopedes (ponc: 1)
da MateoTaibon ai 17 May 2006 da les 11:12:12
(Infos sun l utilisadour | Ti mané n messaje privat)
Lois Trebo toca le ciodo der bel amez!

Damané de i tó ala Generela i finanziamenc mostra na mentalité totalitara: mâ ci che i scüsa ala SVP ciafa finanziamenc publics. ô dí la vita publica i ven sotmetüda ala logica de un n partì su, y chera è la definiziun de totalitarism (morjel o dür o fariseich ch'al sii).

ciamó niade: olá ea pa Pahl con söes protestes can che sü colegs de partì dijô cosses de estrema man derta? L scior Maran da Kaltern? L scior da Balsan co â cunté valch de "Zigeuner" & "vergasen"? Y ci à dit Pahl can che i scizeri s'á damané con i ombolc che la Ladinia gness despartida te dui stac ? Y ci ne j dij Pahl dles posiziuns estremistes te uniuns todesces? nia. Mo sce la Generela gness sofiada jö ti plajess:
samben oress ince Pahl daidé raforzé la tripartiziun.
Tort fascist, messon sotlineé.



News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.493 seconc