benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Scomenciadiva endrezeda via dal Istitut Ladin de Fascia
scrit ai 15 May 2006 da les 20:16:39 da noeles

Fascia

 

L'edema dla didatica

A duc i mutons che à tout pert al concurs ti vegniràl dé l "Dizionar Ladin" ilustré per ti fé conesce l ladin standard

L’Istitut Cultural Ladin "Majon di Fascegn" endreza via ence chest ann na edema dedicheda al mond dla scola, con chela de slarié fora y de smaioré i raporc dl Istitut y dl Museo ladin anter ensegnanc, scolés y istituzions scolastiches.

La senta dl museo ladin de Fascia.


 



       Dai 23 ai 31 de mei, tla Sala Multimedia "L. Heilmann" saràl da vedei la bela mostra di laours fac dai scolés de Fascia per l concurs "Berlìkete", personaje dl teater di pops da n’outa che encueicondì vegn porté a vita nueva de gré a la fantajìa y a la creativité de nosc bec.


      En vender ai 26 (da les 14.00) y sabeda ai 27 (da les 9.00), dagnora tla medema sala saràl ence la premiazion di laours che à vent l concurs, y trei raprejentazions dl spetacul de buratins endrezé via aposta per i bec y porté dant dal "Teatrino dell’Es" dal titul "Bertoldo, Bertoldino e l’allegra Brigata", olache al comparirà per la pruma outa ence nost "Berlìkete", realisé da Marco Paci y da Vittorio Zanella, aldò di dessegns y di scric laorés fora dai scolés.

      A pert i pesć metus a la leta dal concurs, endrezé via tres la colaborazion dl’OLFED (Ofize ladin de Formazion y Enrescida Didatica), a duc i bec che à tout pert al concurs (y al n’é sté bendebot de mudl!) ti vegniràl sport en don na copia dl nuef "Dizionar Ladin" ilustré, na blota publicazion che contegn passa 1000 paroles per Ladin Dolomitan con sie bel dessegn apede ju, deda fora adum a l’Union Generela di Ladins dles Dolomites con chela de arvejiné i scolés a chel che dovessa ester l lengaz de scritura de duc i Ladins.

      Da en ultima, en juebia ai 25 de mei, da les 16.30, tla Sala Multimedia "L. Heilmann", tl Museo Ladin a Sen Jan, saràl la prejentazion dl liber "Misteres", de Sofia Brigadoi, olache al tolarà pert l’autoura, les tradutoures y la scritoura y critica leterara Federica Mormando, da Milan. Al se trata dl secont liber dla morona "L Dragonzel – Letradura da encueicondì", metuda a jí en colaborazion con l’Union di Ladins de Fascia con l fin de slarié fora la prejenza dl ladin scrit te anter i joegn y i scolés, a na vida plajoula y moderna.
      An spera che ence chisc libri posse vegní touc su desche strumenc de letura y de aprofondiment en cont de lingaz (y lingaz leterar), souraldut tles classes plu autes de nostes scoles.


 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.403 seconc