Do les coltrines dla "West Side Story"
Film de 20 menuc de Mateo Taibon y de Helmut Lechthaler - L musical vegn raprejenté dai 14 ai 30 de mei da les "Vereinigten Bühen Bozen"
En chesta domenia éla tant inant: les "Vereinigten Bühnen Bozen" enaudeia sia sajon de raprejentazions con na inscenazion dl conesciù musical, "West Side Story". La RAI-Sender Bozen mostrarà en doman da seira, da les 20.25, n film "Hinter den Kulissen. West Side Story" che à acompagné per 7 edemes a la longia les raprejentazions de proa. L film é gnú metú adum da Mateo Taibon y Helmuth Lechthaler.
West Side Story, n classich di musicals, sen a Bulsan te raprejentazions dai 4 ai 30 de mei 2006.
Mateo Taibon (scienzes dl teater y profescionist medial) y Helmut Lechthaler á acompagné l nasce dl musical te n grum de particolars. Sia camera é juda do les coltrines, ai à fat intervistes y à filmé dut cie che al suzed viadedò per fé garaté les raprejentazions. L film de 20 menuc vegnirà trasmetù en doman da seira sun l Sender Bozen, da les 20.25.
„Maria“, „Tonight“, „America“, „Somewhere“ o „I feel pretty“ é demé n valgunes dles composizions dret famouses de Leonard Bernstein te „West Side Story“ che conta tres la mujiga, l ciant y l balet na verscion moderna dl tema "Romeo y Giulieta". Tony y Maria fej pert de does bandes revalisentes a New York ti agn '50 y ai se enamoreia. Tost desdruj endere senn y violenza chest amour. L messaje de "West Side Story" é empò la speranza: al é na cherdeda a vive en pesc soura duc i confins "etnics".
Tickets y informazions sot al numer 0471/32 79 30 (VBB), Tel. 0471/30 41 30 (Cassa dl teater) o sun www.theater-bozen.it.
