benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Museum Ladin Ciastel de Tor: publicazion sun
scrit ai 24 April 2006 da les 18:26:48 da noeles

Val Badia

 

"Jí en Jeunn", publicazion de Lois Craffonara

Prejentazion en vender, ai 5 de mei, da les 18.00 tl Museum Ladin a San Martin de Tor

Chi ne la conesc pa nia la prozescion sun Jevun che vegn fata per tradizion bele da cenc de agn dai abitanc dla Val Badia. L pelegrinaje a la gliejia dla Santa Crousc de Jevun é na componenta fondamentala dla vita religiousa y culturala di ladins dla Val Badia. Chesta fova la rejon dla realisazion de na mostra metuda a jì dal Museum Ladin Ciastel de Tor tl 2003, en gaujion di 500 agn da canche la prozescion é gnuda documenteda per l prum iade, ma che é en realté ben cotant plu vedla.



Enlaouta fòvel gnù enciarié l dot. Lois Craffonara de cialé do ti archifs y de studié la storia dla prozescion. Na pert di resultac scientifics fova gnus trac adum te n pice codejel, publiché te trei lingac, che ova la funzion de acompagné l vijitadour tla mostra sciche sostegn didatich.

Pervia di resultac scientifics dret interessanc gnus a lum ne n’é l argoment mai gnù sburlé da na pert. Les enrescides storiches é gnudes aprofondides y, detai per detai, liedes adum te un n cheder soul, tant da avei aldidancuei na vijion generala dla storia dla prozescion. Al é bele gnù scrit y dit truep, al é gnù realisé n grum de films ti agn passés sun l fenomen de chesta prozescion, ma mai n’él gnú analisé la cossa te na vijion critica y te na maniera tant interdisciplinara. I ciamps afrontés ne se limiteia nia demé a informazions de archif o a notizies giatedes a ousc da chi che tol pert bele da n grum de agn a la prozescion.

La linguistica, la storiografia, l’analisa dla prozescion sciche fenomen religious y l confront con d’autri pelegrinajes é les colones sun cheles che la publicaziun che porta l titul "Jì en Jeunn, die Wallfahrt der Gadertaler Pfarreien nach Säben" se baseia. L liber é partì su te de plu pertes: la pruma é dedicheda a la storia dla cristianisazion de nost raion y al insediament dla Val Badia; la seconda al fenomen dla prozescion, al temp de sia orida y a les rejons dl nasce de truepes prozescions; l terz capitul reverda fac documentés dla storia movimenteda dl "Jì en Jeunn". Enultima végnel porté la trascrizion de trueps documenc liés a chesta tradizion religiousa. Dut l laour vegn acompagné da truepes anotazions y spezificazions, n segn che l dot. Craffonara à laoré avisa se tolan a cuer vigni argoment traté.

 

 

 Passa 1000 pelegrins ladins dla Val Badia é jus en Jevun


 
Liams emparentés
· Deplú sun l tema Val Badia
· Chier te noeles


L articul plu liet te chest tema Val Badia:
Mareo per i maroi: na Talsprache nueva


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.410 seconc