benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Fascia: les biblioteches recorda l dí dl liber dla UNESCO
scrit ai 13 April 2006 da les 15:26:32 da noeles

Fascia

 

Per recordé l valour dl liber, dla parola scrita

Manifestazions dles biblioteches de Fascia per recordé l Di dl liber dla UNESCO

L 23 de auril é vegnù declaré da la UNESCO desche "dí mondial dl liber": na giorneda de gran emportanza, aja che l liber, la parola scrita, é da secui n strument emportant y fondamental de conescenza y de promozion dla cultura y scontreda anter i popui. N valour, chel di libri, perchel che al é rie da giaté paroles aldò per descrive deplen sia emportanza tla storia dl om y sie percours cultural. Plu che mai à enscì bendebot de emportanza chesta giorneda dl liber che vegnirà recordeda ence tla Val de Fascia tres n program rich de scomenciadives endrezedes souraldut da les biblioteches de Moena y de Vich adum ence a cheles de Flem, plu avisa cheles de Pardac, de Tieser y de Ciavaleis.


 



              Les biblioteches de Fascia y de Flem colaboreia da agn adum per arjonje n sistem bibliotecar che ne é dutaorela nia istituzionalisé, ma che defat laora deberieda pro n mudl de scomenciadives. Per cie che reverda Fascia ne àn chesta outa nia abù problems organisatifs per tó pert a chesta manifestazion. La biblioteca de Cianacei fajarà endere empermò de mei na manifestazion per recordé sibe i 25 agn da sia fondazion che ence chesta giorneda dl 23 de auril. Per cie reverda les biblioteches de Moena y de Vich, les maioures biblioteches fascianes, saràl chest l program che vegn porté: a Moena végnel tegnù en sabeda, ai 29 de auril, la giorneda dles "portes davertes": da les diesc da doman enfin a les diesc da seira, na ocajion d'utl per la jent che ne à mai passé l lim de porta dla biblioteca per jí n iade ite y per se arvejiné a chesta strutura culturala. La biblioteca a Moena é daverta dal 1969 inant. A Vich liejarà dant depierpul en juebia, ai 27 de auril dantmesdì tla sala ex-Kinderheim, Massimo Lazzeri conties per i bec dles scoles mesanes y dles scoles autes.
             L'UNESCO à aclamé l 23 de auril desche "Di mondial dl liber", ajache rodunt en chest dí él mort leterars de renom mondial desche: William Shakespeare, Miguel Cervantes y Garcilaso de la Vega. La flour dla ruesa che é l simbol de chesta giorneda che vuel ester propi n omaje a la cultura y al bel dl liber tl sens lerch. L di vegn bele recordé dal 1926 encì, l prum iade tla Catalogna. Al sarà chest ann na giorneda valgamia emportanta ence per les biblioteches de Fascia che vuel recordé empera l valour de chest patrimone rich y gaiert desche moment de crescimonia per duta la comunanza. Domenico Volcan.

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.417 seconc