benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Normes per daidé la familia
scrit ai 12 April 2006 da les 12:09:51 da noeles

Fascia

 

La lege regionala a ben dla familia

I ofizes periferics dla provinzia de Trent o l Comprensore Ladin sporj informazions

Al é na lege dret emportanta chela per la famila aproveda dl 2005 da la Region Trentin-Südtiroler y juda en doura ai 4 de jené en chest ann con dutes les desposizions contegnudes. Al se trata de na lege bendebot relevanta per la familia, ma dutaorela nia dret conesciuda encantourn. La lege "Pachet familia y prevedenza soziala" veid dantofra n zacotan de normes a deidament a les families tla provinzia che é te condizions particolares sibe de orden economich che tl numer de fis.

 



La lege preveid n grum de nornes che an pò se lascé splighé dai ofizes periferics dla Provinzia a na moda de avei  informazions plu cleres. Per cie che reverda la Val de Fascia pòn se ouje a la senta dl Comprensore Ladin de Fascia a Poza. La lege preveid anter l auter n assegn regional a les families che à plu debujegn; samben méssel vegnì stabilì dutes les normes per capí chi che à realmenter debujegn y chel aldò dl patrimone y dl enrediment dla familia. I ofizes periferics dla Provinzia, te nost caje l Comprensore Ladin de Fascia, podarà sporje dutes chestes informazions a na moda che an sae, sce an pò ruvé ite tla categoria che a l dert a chest assegn. Anter l auter podaràn dé ju la domanda con la inidicazion clera dla condizion economica ai zentri CAF-zenter, asistenza fiscala acredités da la Provinzia de Trent, che à vedù dantfora apede a les normes regionales, sun interessament dl'assesoura a les politiches soziales, ence strumenc economics per corí la prevedenza can che an sta ju dal laour per i fis enfin ai trei agn, intervenc per la prevedenza a sostegn de laours de carater precar y contribuc per la pension complementara souraldut per les femenes che laora te ciasa. N bel grum de normatives donca che vuel ti dé na resposta de carater pratich a les families y che pò ester dassen aiutoules per ti cialé inant al davegnì con maiour creta y con normes che é vegnudes metudes dant a pontin per ester plu davejin al ben zentral dla sozieté y dl convive zivil: la familia. (Domenico Volcan)

 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 3
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.462 seconc