benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Cinch compact discs con cianties ladines
scrit ai 07 April 2006 da les 14:25:22 da noeles

Cultura

 

22 cors da la Ladinia cianta 70 cianties

Prejentazion en sabeda, ai 8 de auril 2006, a Urtijei tla Cesa di Ladins

Belau trei agn a la longia él gnù laoré sun chest projet. La Union Generala di Ladins dles Dolomites à vedù de bon uedl la proposta de fermé y de tó sun CD les cianties plu conesciudes y classiches, ma ence cheles plu nueves, ciantedes con gran pascion y savei da desvalifs cors y de mendri grups dla Ladinia. Les cianties é gnudes ciantedes ti desferenc idioms de valeda y rodunt perchel é l valour cultural y linguistich ma ence sozial de chesta opera nia da sotvaluté.

Egon Vinatzer, president dla Union di Ladins de Gherdeina, se à festidié de duta la produzion.



      La majera pert dles 70 cianties é gnudes toutes ti studios de produzion dla Sisi Records a Urtijei, ma truepes é ence gnudes laoredes fora te gliejies o salamenc fora per les valedes.

      N laour zite y nia saurì. Tecnics, produzenc y organisadours à datrai ence passé dis entiers te sales freides y te condizions de temperatures nia plajoules da tegnì fora, sibe per i strumenc scialdi sofistichés ma ence per i ciantarins. Valch ciantia é ence gnuda touta su tla Val Badia da pert dl studio Davide Records. L ideadour y l coordinadour é sté Egon Vinatzer de Gherdeina, anter l auter bele promotour de ben d'autri ot CD’s de cianties y de mujiga ladina de bendebot de suzes.
Al se trata de na produzion y de na composizin unica te sia ampleza y completeza. Les cin Unions di Ladins à chirì fora i grups y i cors che se à pité de fé pera y l rest é ju do program. Anter i cin CD's en él un con cianties demé da Nadel, n auter con cors de pici mutons y mutans y i autri trei é mescedés de cors y de mendri grups da dutes les valedes ladines.
I savon che cianté é dagnora bel, al nes fej legreza y scinca inant contenteza.
      Tres chesta majera produzion con a la pert 22 cors á fat pera n grumon de ciantarins y ciantarines, pici y gragn, ma ence sonadours y tecnics dagnora con pascion y savei, desmostran che an pò zenzauter laoré adum te na bona armonia anter persones de desferentes valedes de duta la Ladinia, fajan nasce enscí na pert emportanta a livel ence de sozialisazion.
"Sce dut chest é garaté coche an se l aspetova spo él da rengrazié duc chi che à daidé pera, dantaldut ence la Union Generala che à cherdù da empruma encà te chesta idea. N gré particolar ti va a les cin Unions di Ladins y samben y dantaldut a les persones per la creta deda.
      "I speron de avei enjonté n contribut de valuta a la rejoneda, ciantia y cultura ladina, te si idioms y storia y i ves embince n bon scuté su y legreza con i CD’s "Cors Ladins", dij l coordinadour y ideadour dl projet Egon Vinatzer.
La colezion di CD’s vegn prejenteda en sabeda ai 8 de auril da les 8 da seira tla Cesa di Ladins a Urtijei. Te chesta gaujion saràl da audì almanco un n cor a rode per valeda, al se trata de:


Cor di Pitli Mutons (Gherdëina)
Coro Giovani in Festa (Anpez)
Terzet Soreghina (Val Badia)
Cor da Bula (Gherdëina) - Sebald Goller
Coro Fodom (Fodom)
Coro SS.Piere e Paol de Soraga (Fascia) -
Trio d’ëiles (Gherdëina)


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.356 seconc