benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Gares de schialpinism cherda adalerch tres deplù jent
scrit ai 31 March 2006 da les 17:21:25 da noeles

Fascia

 

Garejedes de schi-alpinism cherda adalerch trueps apascionés

Te Fascia él sen does sozietés i "Bogn da Nia" y "Bela Ladinia" che abina adum i sportifs dl schi-alpinism

de Domenico Volcan
 
Anter i sports alternatifs nuefs envers al schi tradizional  veiden ti ultims agn te Fascia n aument dla pratica dl schi-alpinism, dl enscidit "jí con les pels". Al é n fenomen sportif che an pò lieje da n pont de veduda soziologich, fajan desvalives consciderazions.

Partezipanc dla gara de nuet sot a les steiles de chest ann "Ski Sella Marathon".



       Dantaldut él almanco 10 agn che al é vigni ann tres deplù jent che à arbandoné l schi tradizional per fé schi-alpinism, souraldut per se mete a la proa ence tl ciamp dl agonism te garejedes de nuet sun pista ma ence tres garejedes desche la "Sellaronda Ski Marathon" o "la Pizolada". Sce n iade fòvel trei o cater garejedes "sot les steiles" al ann en él encueicondì  bele entourn trenta tl zircuit dolomitan, ma de chesta sort de garejedes en él entant dut stroz mingol dlonch.
Dantaldut te Fascia él gnù fat gares de schi alpinism agonistich con temps cronometrés. Donca él n fenomen che an veid plu che autró y al va debujegn tres deplù da savei da despartí l spirit dl schi-alpinism y agonistich da chel dla pratica dl sport sun les montes y tla natura.

      Te Fascia él nasciù a pontin tl'auta val ben does sozietés, i "Bogn da Nia" y "Bela Ladinia" che fej esclusivamenter ativité soziala y sportiva lieda al schi alpinism. Les does sozietés dombreia passa  200 scric ite, testemonian bendebot de gaissa per chest sport, per les garejedes y per se bate ence sportivamenter un con l'auter. Te chest biteboi ne màncel nience les eles bendebot gaierdes y ence cheles te na bela cumpeida. Soziologicamenter podéssen rejoné de n sport "trasversal" che se deura a vigni persona y a vigni livel sozial, cultural, economich. Dut chest tofa ence n pue do moda, ma a la fin dles finedes nes dà i numers la conferma de chest gran interes entourn al schi alpinism, souraldut chel dles garejedes.

      Y con chest spirit che é tamben l spiedl dla "competitivité" dla sozieté de encueicondí él gnù metú a jí en mercui passé sun l Jouf de Federa (Fedaia) la terza proa dl Trofé Cianci, do la garejeda dl Ciampac y chela de Poza. Ben 174 atlec é piés via da les ot da seira da Federa enfin sun Plan di Fiacconi, testemonian rodunt chesta gaissa de agonism y de sport. A les trei garejedes àl tout pert beleche 600 atlec, na cumpeida che dij avisa tant gran che al é l interes per l schi alpinism.Per cie che reverda i miours ciamò na venta de Carletto Battel dl grup fascian "Bogn da nia" y  tla categoria dles eles de Zanon Sabrina de Juian. Tla classifica finala dles trei garejedes depierpul venta per i fascians. Carletto Battel y Gross Annemarie garejova per i grups "Bela Ladina".

      Na sajon che vegn metuda te archif con n bilanz plu che legrent y con n numer de atlec che avaneia da ann a ann semper deplù. I apascionés dl schi-alpinism va trueps iadesc de di o de nuet sun pista a se alené y mess se fé lerch anter proibizions y normatives. L schi-alpinism é samben nasciù per jí fora de pista, ma dassen na
dreta fóssel da ne la vedei  nia desche na gran contradizion mete a jì na garejeda desche la Sella Ronda Ski Marathon sun pista entourn i cater joufs, y dl auter vers ne podei nia jí sun pista a se enjigné ca. Al se trata de n apuntament bele segur ence en auter ann 2007 con a la pert atlec tres plu motivés de tó pert a valch garejeda nueva. L schi é valch deplù, sce al é schi-alpinism.


 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 3.5
Oujes: 6


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Gares de schialpinism cherda adalerch tres deplù jent (ponc: 1)
da bormalan ai 07 April 2006 da les 08:52:14
(Infos sun l utilisadour | Ti mané n messaje privat)
malan, tlo êl pö sté comentars, düc taiês fora, can che val ne se scüsa nia a os, fajeise zensur.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.365 seconc