benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Michil Costa y sie viade proibì
scrit ai 20 March 2006 da les 18:30:32 da noeles

Politica

 

N segn pericolous: l assolutism politich

N comentar de Carlo Willeit: les afermazions de Costa se meritova al plu valch contraposizion, ma nia azions de ciastighe

Per sia minonga sun la petizion di scizeri y ombolc, massa filo-taliana y massa puech patriotica  tiroleisa todescia él gnù metù en ciastighe y sclut fora da la delegazion provinziala che jiva a giaté l Dalai Lama. Duc à podù dí cie che ai à volù, enfinamai i ombolc che à sotescrit na petizion taieda pro plu sun la mendranza todescia che sun chela ladina dijan doprò che ai ne ova nia liet avisa y che al fova sia liberté costituzionala sostegnì chesta o chela idea politica.
La Presidenta dl Consei Provinzial, Veronika Stirner-Brantsch, à dejenvié Costa dal viade tl'India do sies declarazions te na newsletter de hotel ("perlae ladines"). La SVP se à fat entene y nia demé chilò, a risch sen ence i contribuc a la Generela.
 


Resserves y critiches da n grum de pertes, ma da ciastié él demé un soul, Michil Costa y con el la Union Generela, y con ela i ladins. Che el à prové da aboní  valch talian, anter chisc ence i  sciors, plutost enzafagnés con i comuns, tiran ca valch dit manco plajoul, ma laudan la provinzia y la autonomia y envian la jent a vive adum en pesc, fova ben cler y se meritova al plu valch contraposizion,  ma nia azions de ciastighe desche chel dl iade tla India y d'autri. I fac é dassen pesoc y da refudé, ajache l ciastighe vegn da la Presidenza dl Consei Provinzial , clermenter do a prescion politica, da la istituzion plu auta che messessa raprejenté y garantí per pruma la liberté di zitadins; n segn pericolous che nosta democrazia passa da la partitocrazia al assolutism politich. 

 

 
 



 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Michil Costa y sie viade proibì (ponc: 1)
da MateoTaibon ai 20 March 2006 da les 16:37:48
(Infos sun l utilisadour | Ti mané n messaje privat)
la liberté d'opiniun val mâ por la SVP y por le nazionalism todlesch, che pò dí döt - Zigeunerspruch, Holocaust-Verharmlosung, pulizia etnica dla provinzia (ideologia de n Südtirol porì todesch), criminalisaziun de chi che la pensa atramenter da pert dl partí y dl foliet "Dolomiten" (sarà argoment te pogrom), liams strenc con estremisc de man derta tla Ciarencia o a Viena, sciöche l Abwehrkämpferbund, o i liams con le scior Scrinzi ... mo castié ven mâ un su: Costa y la Generela.

Democrazia storpiada, lapró ince na bona porziun dl vedl razism che à dagnera bele caraterisé i tirolesc - con senn y despet por döt ci che é neolatin, a chel che al ne i ven nia reconesciü söes rajuns.







Re: Michil Costa y sie viade proibì (ponc: 1)
da MateoTaibon ai 21 March 2006 da les 09:55:24
(Infos sun l utilisadour | Ti mané n messaje privat)
l plü bel é pa ciamó che can che ara va da scroché, salti pa düc alerch. La cëna por i 40 a gn dla strada metüda a post indô dla jënt dla valada (nia dla provinzia) ... önn endô l'ater a scroché. Y tl medem momënt con la lëtra privata dl Hotel La Perla te gofa por l recat y la manacia.






Re: Michil Costa y sie viade proibì (ponc: 1)
da amich_dl_dolomitan ai 22 March 2006 da les 13:02:39
(Infos sun l utilisadour | Ti mané n messaje privat)
Valch de tel pò la SVP se permete demé con i ladins y valch de tel se lascia "gefallen" demé i ladins



Re: Michil Costa y sie viade proibì (ponc: 1)
da Claudio ai 22 March 2006 da les 19:43:41
(Infos sun l utilisadour | Ti mané n messaje privat)
Al é ben da capí che al à prové da sboné i ghesc', cie ti àl mo scrit ai ghesc´ todesc me damani: Wir sind glücklich Deutsche zu sein, wer die Automie nicht schätzt, der soll gehen.



Re: Michil Costa y sie viade proibì (ponc: 1)
da Claudio ai 22 March 2006 da les 20:38:36
(Infos sun l utilisadour | Ti mané n messaje privat)
Mateo, chilò la vegheste n pue massa. Chestes paroles é vegnudes atira condanedes ence da la Svp y sce te les metes sun l medem scialin de cheles de MC confermeieste demé la gravité dles paroles MC. Do mia minonga ne éles nia tant grieves tant inant che ales ne deventa nia n slogan dla G.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.396 seconc