benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Fascia: la cultura é moment de promozion
scrit ai 14 March 2006 da les 10:09:14 da noeles

Fascia

 

Fascia se enjigna al isté 2006

D'isté vuel i sciors conesce plu avisa la storia y la cultura de n teritore - d'invern vuelen depierpul plu slisolé sun la neif y se la dé bona 

de Domenico Volcan

Cultura desche moment natural de conescenza, ma souraldut, te nostes valedes ladines, cultura desche moment fon y fort de promozion dl turism y donca dl’economia entourn al Sela. Sce la cultura de n popul é sie segn fon, po chesta ester dassen ence moment de promozion de n teritore, de n produt, de na firma. L invern é depierpul scialdi lié al mond dl ski y al rodolé per plajei da val en val.

 




Ence chilò n mudl de robes muda y vegn inant con domandes alternatives. L isté é da dagnora chela sajon olà che la jent damana de conesce plu a fon n teritore, sia storia y sia cultura. Donca él belavisa via per l isté che al vegn endrezé jacotantes manifestazions de carater cultural, artistich-musical y sportives: ativités che ti dà l muet ai ghesc’ de conesce l paisc y la val de sia vacanza. Te Fascia vegn chest laour emportant porté inant dai comités de manifestazions comunai che da Moena a Cianacei porta dant souraldut ti meisc de messel y de aost jacotantes scomenciadives. Te chisc comités él laite raprejentanc dles aministrazions comunales y di grups culturai y de volontariat de vigni paisc y a chesta vida é dut l tiesciù cultural dl paisc raprejenté y dutes les esprescions culturales ciafia de avei sia raprejentazion.

Ma fé n calender dles manifestazions vuel dì che souraldut na persona - mesanamenter l president o na persona che laora per el - mess pensé a programs che vae ben per gragn y pici y souraldut che posse ester de interes al ben dl ghest, vedù che dutes chestes manifestazions vegn fates per la promozion dl turism, dl teritore y dla cultura de chest teritore. Donca manifesatzions liedes a la Val de Fascia, a la Ladinia y a sia storia, cultura y folclor, desche moment zentral y emportant de duta la programazion. Enscì saràl ence via per l isté 2006, canche vigni Comité de manifestazions, da Moena a Cianacei, portarà dant n sie program, ma tl medem temp lié desche proposta te n program unich che po vegnì vedù desche n program general de valeda.
 Na poscibelté donca de podei avei sot a uedl zacotantes manifestazions da Moena a Cianacei per na programazion ricia, feruscola y de gran interes. Fosc màncel ciamò la vueia de se enconté dantfora y donca de podei avei valch lingia de basa sun valch spetacul o valch proposta ence sce la programazion che vegn fata bele da agn sun i buratins é n ejempl de colaborazion soura fora les seides di paisc y di ciampanii. Entratant via per l isté 2006 é i comités de manifestazion de Fascia al lurier per i programs che sarà dedò a la leta di ghesc’.
Te Fascia ciamò na outa la programazion de duta la val per i Buratins, la Festa “Te anter i Tobiè” tl meis de messel a Cianacei y dedò la Gran Festa da d’isté de setember sarà n valgunes dles manifestazions plu fortes y de reclam. Ma entourn via a chestes manifestazions plu conesciudes n grumon de scomenciadives piceres y emportantes che fej conesce nosta Val y nostes tradizions.
 Da l’autra pert l turism da d’isté sarà tres de plu n turism fat da ghesc’ che vuel conesce a fon l teritore, sia storia y sia cultura. Per chest é la promozion culturala y de animazion di comité manifestazions de gran valuta y à gran emportanza tla paruda de na vacanza tles Dolomites y sa mont. Donca cultura, che a la fin vuel dí ruvé tl’anima de n ambient uman y natural, y che te nosta Val y te nostes Dolomites vuel dí ence turism, laour y economia.

 


 
Liams emparentés
· Deplú sun l tema Fascia
· Chier te noeles


L articul plu liet te chest tema Fascia:
Publicazions nueves: biografia sun Tita Piaz


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


tema colié / temesc coliés

CulturaManifestazions

Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.368 seconc