L ladin tles aministrazions comunales

Curs de 20 ores per ensegné i terms aministratifs per introduje de gre en gre l ladin tles aministrazions publiches

L Istitut Cultural Ladin "Cesa de Jan" sighiteia ence chest ann con les ativités de formazion, en atuazion di projec finanziars conzedus da la lege n° 482/99. Eniann végnel metù a jí n curs de lingaz per chi che laora tles aministrazions publiches y per duc i  interessés. Les lezions é finalisedes a renforzé y amplié les competenzes tl ciamp dl lingaz aministratif con l ensegnament di terms de uega.

L program dl curs per l'aisciuda 2006 se tol dant chisc obietifs:
adatament y ciancé tl ladin tesc' aministratifs curc;
enjigné ca schedes, formulars y modiei per l'aministrazion de comun sun la basa dles esperienzes bele fates tla Val de Fascia tl 2004;
mete ju fascicui o stampes per les relazions con la jent che descor ladin (modiei, schedes, ez..);
fé na lista di terms aministratifs per scomencé damprovia de introduje ti ac aministratifs dl luech l bilinguism, tres  sun la basa dles esperienzes bele fates tla Val de Fascia y tla Val Badia.


L curs é de 20 ores endut y la partezipazion é debant. Al vegnirà metù a jí te doi luesc desvalifs:
a Cortina d'Ampez tl salf dl consei o tl salf dla cultura dl comun de Cortina la juebia domesdì da les 2.30 enfin a les 5.00 da seira te chisc dis: 9 e 23 de merz; 6, 13 y 27 de auril; 4, 11 y 18 de mei 2006.
a Fodom l mercui domesdì da les 2.30 enfin a les 5.00 da seira tl salf dla Scola Elementara de La Plié, te chisc dis: 15 y 29 de merz; 5, 12 y 26 de auril; 3, 10 y 17 de mei 2006.


Per la realisazion dl curs à l Istitut volù aprofité dla colaborazion dl personal con cualifica metù a disposizion dal Ofize Linguistich dla Union Generela di Ladins dles Dolomites, adum a pratics dl luech.


Chi che é interessés a partezipé o che vuel de autres informazions pò clamé l Istitut Cultural Ladin "Cesa de Jan" al numer de telefon 0437/720609.

 Istitut Ladin Cesa de Jan: curs de lingaz aministratif

 Prejentazion dl vocabular dl ladin-fodom / talian-todesch

 Vocabular ladin-fodom: Relazion dl dr. Giovanni Mischì
 La pruma publicazion dl Istitut Ladin Cesa de Jan

 Col de Santa Lizia: Istitut Ladin Cesa de Jan

 Enaudazion dl Istitut Ladin Cesa de Jan a Col Santa Lizia

 Istitut Cultural Ladon: an ponta sun l ladin standard

 Istitut Ladin Ciasa de Jan a Col de Santa Lizia

 N terz Istitut Cultural Ladin