Moena à festejé l or olimpich de Cristian Zorzi
Medaia de or tla gara de paslonch a stafeta arjonta deberieda con Fulvio Valbusa, Giorgio di Centa y Pietro Piller Cottrer
En vender seira à la comunité de Moena y de Fascia tout ite con sons da festa Cristian Zorzi (prum da man ciancia), davagnadour dla medaia de or a les Olimpiades de Turin, tla stafeta a 4 de paslonch. Davagné or olimpich ne é nia valch de saurì, ma propi chest ti él garaté a Cristian Zorzi de Moena tla stafeta deberieda con Fulvio Valbusa, Giorgio di Centa y Pietro Piller Cottrer. Na medaia che à empié na gran legreza te Fascia. Anter les bandieres de salut ence chela ladina.
Ai 19 de fauré fova Valbusa y Di Centa stés bogn de ti tegnì bot tl paslonch a duc i aversars plu stersc, tla terza pert dla stafeta ti à Pietro Piller Cottrer, clamé ence "CaterPiller", tout la venta, se lascian do l spinel duc canc y passan spo la stafeta al atlet moenat Cristian Zorzi che à amplié l vantaje enfin al travert de ben 35 menuc envers al secont plazé, l todesch Angerer y al terz plazé, l svedeis Fredriksson.
