benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Université de Bulsan / Istitut Ladin: deguna lerch per l ladin standard
scrit ai 07 February 2006 da les 21:47:03 da noeles

Politica

 

Enconteda retoura dla université y Consei dl Istitut MdR

Deguna parola sun l ladin standard - Al resta demé per fé bleita- De concret ne él dutaorela feter nia, dut mess empermó se svilupé

Valch sofl nuef, n vent che vegn da lassù ju y no da lavia ca. Chest à volù dì la enconteda dla retoura dla Université da Bulsan, Rita Franceschini, con l Consei dl Istitut cultural ladin "Micurà de Rü" (MdR) en vender domesdì, ai trei de fauré, tla senta dl Istitut. L tema é sté chel dla colaborazion anter Université, souraldut la filiala de Persenon, y l Istitut. Daverta y interesseda la retoura.



L Istitut à prejenté i programs ch'al é tl realisé. Al é vegnù conté su i programs che vegn anuzés per chirì adum esprescions ch'an giata n pue te dutes les valedes: terminologies vedles y esprescions nueves, l material coiù adum y metù a saul tla banca di dac. La richeza de material ti à fat demarevueia a la Franceschini. Samben él vegnù mostré su i vocabolars bele dant man y chi ch'an é tl mete adum.

Tegnan cont dla colaborazion con la Université, y plu avisa con chela da Persenon, àn imaginé n valgugn projec concrec che podessa vegnì touc en conscidrazion n iade ch'al sarà prejent l professour responsabel dla linguistica ladina. Projec liés samben a la preparazion de i ensegnanc de ladin. An à rejoné en general de projec poscibli zenza na definizion particolara. La colaborazion reverda ence l Istitut pedagogich y perchel messarà la Université coordiné n team de colaboradours per arjonje les mioures y majeres sinergies poscibles y podei a chesta moda evité laours dopli. N laoré deberieda per realisé i strumenc scolastics nezesciars y plu debota ch'ala va. Tl medem temp àn enscì ence na supervijion concreta dl material realisé.

 Les biblioteches de i doi istituc: cultural y pedagogich vegnirà metudes a desposizion dla Université. Per enjigné ca miec i studenc ladins, che jirà tla Université da Persenon y che à fat la matura te scoles nia ladines, vegniràl organisé dal Istitut "Micurà de Rü" cursc de ladin. Te chest vers él vegnù fat la proposta che chisc cursc posse ence valei desche ejam de trilinguism. Vigni sort de cursc per ladin dess tò ite pro l Istitut cultural na pert emportanta de sia ativité. Deguna parola é tomeda sun l problem dl Ladin Standard, dl lingaz unitar. A la domanda a cie moda ch'an ne n'à nia toché la chestion él vegnù dit che l argoment ne n'é nia ciamò azeté da la populazion, no de Gherdeina y no dla Val Badia. Chest vuel dì ch'an anuzeia i strumenc y i programs eletronics per archirides de terminologies prejentes te dutes les valedes demé per bleita, i savon bele dantfora ch'ales ne vegnirà mai adoredes, ajache aldò dles autorités dl Istitut y dla politica SVP tol ite l mond ladin demé la provinzia da Bulsan. Deguna resposta sce la retoura Franzeschini é almanco vegnuda informeda dla chestion. Na persona tant daverta essa ence podù dé n consei.

 La daurida di doi istituc, chel cultural y chel pedagogich, a la colaborazion con les Universités é dessegur grana. Al basta pensé a chela con Dispruch, con Salzburg y con tantes autres, con cheles dla Svizra y talianes. L sfuei cultural "Ladinia" vegn metù adum da les Universités. La competenza é dessegur grana y majera. La pert scientifica ti vegn enscì sourandeda a la colaborazion dles universités. Lascé fora l'université da Bulsan fossa sté zenz'auter n fal, él pu chela che à tles mans l mond scolastich. De concret ne n'él ciamò feter nia, dut mess empermò vegnì svilupé. Al é vegnù metù la basa giuridica, an à daurì la streda per s'enconté, per se conesce y emparé a laoré adum. L'imprescion é steda da trames les pertes dassen bona. Passé da les paroles ai fac ne n'é pa nia dagnora saurì. An se aoda che dut vae tla direzion giusta, a ben dla cultura, dl lingaz y souradut dla mendranza, ence sce chesta vegn dassen limiteda da les vijions de Südtirol. La retoura é dessegur plu daverta. (uc)

 

Ladin Standard

 Na consciderazion al memorandum dles Unions Culturales
 Université de Bulsan/Persenon: memorandum dles Unions




 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Université de Bulsan / Istitut Ladin: deguna lerch per l ladin standard (ponc: 1)
da MateoTaibon ai 07 February 2006 da les 22:11:23
(Infos sun l utilisadour | Ti mané n messaje privat)
empede les ciacoles y les encuntades fates por i media, mo nia por la cossa, fossel gran ora da meter sö n Istitut de Ladinistica.
Cösc istitut foss gnü empormetü belo dan zacotan d'agn, mo mantignì les empormetüdes n'é mefo nia la maiú virtù dla politica, tan manco de chera dl SVP can ch'ara va di ladins.





Re: Université de Bulsan / Istitut Ladin: deguna lerch per l ladin standard (ponc: 1)
da Jepele ai 11 February 2006 da les 10:47:52
(Infos sun l utilisadour | Ti mané n messaje privat)
Oramai él cler che tla chestion de ladin standard onse da fé con n vuet de direzion culturala, sibe tl Istitut Ladin, tla Intendenza che te chel Pedagogich, dutes istituzions metudes perdret su per promueve l ladin. Degun de chisc diretours ne á l coraje de brancé ite la chestion ...


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.397 seconc