benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Union di Ladins de Gherdeina: quiz/stomat
scrit ai 31 January 2006 da les 20:20:07 da noeles

Gherdeina

 

Quiz da stomé per conesce miec la Ladinia

Les plates internet dla Union di Ladins de Gherdeina plej dassen ence foradecà

Les plates internet dla Union di Ladins de Gherdeina (UGL) é atives da auril dl 2005 y à entant dut chest temp arjont n gran enteressament y na bela cumpeida de vijitadours ence a livel internazional. Dessegur él sté na bona dezijion de publiché duc i scric tles trei rejonedes ; ladin-gherdeina, todesch y talian. Na lerch scialdi emportanta ti él vegnù dediché a les fotografies ne lascian nia demez na descrizion acorta. Les plates atuales dla ULG vegn puntualmenter atualisedes tres informazions y d’autres novités sun l’ativité y sun l laour dla Lia.

Da m.c. Luca Prinoth Internetservice, Egon Vinatzer ULG y Markus Rabanser Internet S. entant la preparazion dl quiz.



 

Da sen inant podaràn ence fé pera a n blot quiz cultural y vence de biei pesć.

Chesta é la novité dla ULG che per informé la jent sun i fac y sun les chestions culturales y storiches ladines, adora n sistem scialdi plajoul. Al se trata de n juech, n quiz. Vignitant, con termui nia prefissés,vegniràl fat n quiz sun les plates internet dla Union. Al pò ester da stomé (endoviné) fotografies de persones o de raions dla Ladinia, o plu scempl da respone a deplù domandes. Chestes reverda dagnora la cultura ladina y perchel sovenz saurì da se abiné fora les respostes, cialan tres i links desferenc dles plates ULG. Samben podarán ence abiné domandes sun de vigni sort de coriosités y argomenc. Al vegnirà traté la storia, jent emportanta, ert, geografia, sport, natura y n grum de autres domandes entourn la vita ladina.

Dagnora saràl ence da vence de blot pesć, ma sciche for él emportant fé pera, ajache ence chi che ne venc nia debota, podarà for ciamò fé pera a la gran estrazion a la fin dl ann.

Na blota ocajion per mesuré tant ben che nos conescion la Ladinia, sia cultura, sia jent y sia storia. Duc é enviés à fé pera, bona fertuna y bona orela curta. L regolament vegnirà publiché pro l quiz sun la plata www.ulg.it.


 



 
Liams emparentés
· Deplú sun l tema Gherdeina
· Chier te noeles


L articul plu liet te chest tema Gherdeina:
Na festa per n fin de ben


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.449 seconc