benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

I ombolc: fanc di autri
scrit ai 26 January 2006 da les 18:05:43 da noeles

Politica

 

I ombolc ladins sun la streda dl oportunism y conformism

dla tripartizion te trei provinzies,  dla despartizion te doi stac y a la fin dla dedruta dla mendranza ladina - Chest é cie che oramai duc i ombolc de Badia y de Gherdeina à firmé

n comentar de Mateo Taibon

Ence trueps ombolc ladins à sotescrit la petizion di scizeri per che la Austria feje n referiment al dert de autodeterminazion de Südtirol en gaujion dla novelazion dla Costituzion. Zenza damané i conseis de comun, y chesta é demé la debleza democratica. I ombolc á firmé sciche ombolc – sciche tai ései elenchés – zenza chela consultazion che vigni democrazia se damana. Chest basta per evidenzié che an é sun la streda faleda, che l troi dla petizion é stort. Fossa chesta la democrazia dl davegnì giust y tl respet di derc de duc? Dessegur nia! L argoment é chel dla prescia. Vertoles.

 


      Tl'Austria ne suzédel te chest moment nia per cie che reverda la costituzion (a pert che mudazions costituzionales adora n gran consens, y chel ne vegn tla chestion no da la SPÖ, no dai Verc). La chestion fondamentala: Déssen per la prescia tó ju prinzips democratics? Vigni iade che al é prescia fej i ombolc da soui? Na bela prospetiva! I ombolc á ence firmé sciche ombolc y nia sciche zitandins privac, unfat co che an entorje les cosses. De chest vers él tla Tageszeitung da encuei n bel editorial de Arnold Tribus (intitolé „Zündler“)

      Storta é ence l’ideologia. Per prum l descuiliber: l’Austria dess empruma realisé cie che sia costituzion scriv dant per sies mendranzes. Ma chilò fej l’Austria la figura de n stat dassen nazionalist, al ne ti dá a sies mendranzes nience n diejim de cie che la Talia ti à dé ai todesc. Perchel pòn se damané da Südtirol finalmenter na petizion clera de solidarité per les mendranzes tl’Austria con la ghiranza da ti dé a chestes dut cie che Südtirol à giaté da la Talia. Ma no SVP no scizeri n’é chilò datant da dí na parola clera: les rejons dles mendranzes vel demé can che la mendranza é todescia. Al vegn tla petizion dantfora ence nominé les mendranzes dl'Austria, ma al é n alibi: de concret ne végnel damané nia per chestes, de concret végnel demé damané valch per i todesc de Südtirol.

      L secont motif dla ideologia storta é chel che i ladins é endò n iade sot ciar ite, ai vegn metus dlongia ai todesc sciche al fossa l medem grup etnich. Chesta ideologia de assimilisazion fej pert de na posizion nazionalista che i ombolc ladins firma a dann dla mendranza ladina (y nia a sie ben, sciche al en é che dij): i ombolc ladins s’à lascé aficé tl ciar dl nazionalism todesch. De bogn fanc, ma nia bogn da damané con clerté rejons per i ladins.

      Chisc medems ombolc ladins n’é defat nia stés bogn da fé audì sia ousc te chestions ladines. Nia firmé n’ái enscì les 11 teses per l davegnì dla Ladinia – y chestes teses ne se damana deguna sezescion statala y ales ne se damana nience n privilegh en plu per na mendranza bele privilejeda (chela todescia), ma demé l endebliment de n tort fascist. Chilò é i ombolc assenc. Chisc medems ombolc á arferé dassen y arfereia dutaorela la conferenza di ombolc y l reconesciment ofizial dla Union Generela che ne se damana deguna sezescion statala. Perchel endere va chisc ombolc a damané la autodeterminazion/sezescion per i todesc de Südtirol.

      Per i todesc, ajache chesta ghiranza per i ladins tol ite demé i ladins dla provinzia de Bulsan. Te n caje de sezescion vegnissa enscí i ladins partis su nia demé te trei provinzies, ma enfinamai te doi stac. True piec che cie che Mussolini à fat. I ombolc firma chesta petizion.

Al vegn trat ca i 600 agn de storia deberieda. Ma de chisc 600 agn fej pert ence i ladins de souramunt. Fé pert fajessa endere ence l Trentin entier – an tol enscí n argoment etnich (che n’é mai sté l critere tl imper di Habsburger) y nia storich: la storia é demé la vertola.

      Ciuldì scluje fora i ladins de souramunt che fej ence pert de chisc 600 agn deberieda? Can che ala va dla conferenza di ombolc – che ne se damana deguna sezescion – méten rams tles rodes, can che ala va da damané na despartizion di ladins anter doi stac – n tort piec che chel fascist -, firma chisc medems ombolc. Zenza dì na virgola per tó ite duc i ladins – dailò fossa la petizion legitima, enscí endere él na petizion nazionalista che portassa a la scancelazion dl ladin. I ombolc ladins é dé ju na proa de na gran meseria mentala. Da tó fora demé un: Franz Pedratscher, ombolt de Corvara. Chapeau.

      N ombolt à ence splighé sia firma con l fat che an adora na protezion sce Roma essa endò da fé problems, chest l  nojel dla declarazion. La realté é n’autra: les descriminazions per i ladins é ti ultims agn vegnudes dutes da Bulsan, da la SVP, da la maioranza todescia nazionalista y si fanc ladins. Fanc che sotescriv documenc per che an romagne inant fanc.

 

 

Mateo Taibon

chef redadour dla revista “pogrom”


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 4.2
Oujes: 5


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: I ombolc: fanc di autri (ponc: 1)
da medo ai 26 January 2006 da les 20:08:31
(Infos sun l utilisadour | Ti mané n messaje privat)
La lerité e che la rajun dai Schützen che Tirol sides pêrt "naturala" de Österreich é tré massa sbürlada a l'ont. Sce la jont punsass en püch plü dô spo s'an anadassera che i Schützen n'é nia ater co parasic co ô Südtirol pa l'Austria. Al n'e nia Tirolej, mo Österreicheri.

Südtirol : Olla megn es Land oba net die Leit!!!!
Österreich=Verkaufte Heimat!

Punsede, jont, punsede!



Re: I ombolc: fanc di autri (ponc: 1)
da MateoTaibon ai 26 January 2006 da les 21:19:55
(Infos sun l utilisadour | Ti mané n messaje privat)
da dí él ince che al é na bela jopa tai argumonc por cösta autodeterminaziun.
"Jede Volksgruppe" ...blablabla dij le sorastant dla SVP. Strambo che rodunt por i ladins ne val chesc nia.

tòlon pur la sezesicun le criter storich ? spo messel ester ince l Trentin laprò y na pert dl Friûl y l'Ungaria y insciö inant! Y dantadöt düc i ladins.
tòlon l'element etnich - spo él belo na baujia meter adöm sciche önn n grup su todesc y ladins.

Che i ombolc ladins firmes na petiziun por la despartiziun dla Ladinia te dui stac ciafarà ciamó söes analises y sü articui.

Da do che ara i va ales mendranzes tl Austria pon capì ince co che ara i jess ai ladins tl Austria: ai n'esistess nia plü, deache l'Austria fej na politica nazionalista de assimilaziun.

co dij medo: punsede, jont punsede.



Re: I ombolc: fanc di autri (ponc: 1)
da Alex_Girardi ai 27 January 2006 da les 12:17:44
(Infos sun l utilisadour | Ti mané n messaje privat)
Él zacai che pò publiché chesta petizion famoja? I fosse corious de la lí per vedei ci che al é avisa scrit laite, dantaldut sce al é laite la parola "sezescion"



Re: I ombolc: fanc di autri (ponc: 1)
da MateoTaibon ai 27 January 2006 da les 12:46:44
(Infos sun l utilisadour | Ti mané n messaje privat)
al basta ciaré ti foliec, la petiziun é gnüda publicada plü gonot.

la parora "sezesciun" ne ven nia adorada, mo la parora "Selbstbestimmungsrecht" - co é sezesciun.



Re: I ombolc: fanc di autri (ponc: 1)
da Alex_Girardi ai 27 January 2006 da les 22:59:12
(Infos sun l utilisadour | Ti mané n messaje privat)
de chel ne fossi nia tant segur - i ne creie nia che n referendum (ence sce nia realistich) per passé a Österreich giatessa al moment na maioranza - te Österreich ne essa Südtirol ben nia ne tel'autonomia che pla Talia. Mo enteressanta me savessa la minonga di ladins: ái na minonga a pert o ti saltessai dò ai todesc?



Re: I ombolc: fanc di autri (ponc: 1)
da Alex_Girardi ai 27 January 2006 da les 23:18:50
(Infos sun l utilisadour | Ti mané n messaje privat)
PS: Ie mini samben la jent y nia i ombolc...



Re: I ombolc: fanc di autri (ponc: 1)
da MateoTaibon ai 28 January 2006 da les 01:28:07
(Infos sun l utilisadour | Ti mané n messaje privat)
samben, t'as rajun: ince iu arati che al ne foss daldöt nia na maioranza, anzi, les enrescides stlaresc dötes che sc'an röa a n 10 % co ô jì con l'Austria él döt adöm.

La cuestiun é ndere n'atra:
Por i todesc de Südtirol se damanai l'autodeterminaziun = sezesciun, por i ladins le contrar: i ladins jess con la ciar dai todesc y despartiss la Ladinia te dui stac. Cösc é le grop, le "springender Punkt". Le rest ài splighé tl articul, arati.
Ciodí che cösta rajun ne dess nia valei por i ladins, n'á degügn mai dit.
Y la figöra da dodé ven fora tler sc'an la confrunteia co les arforades che i ombolc i dà a na colauraziun interladina che n'á nia da fà con na sezesciun. Por i atri firmai, por i ladins fejai le contrar. te ne mo daras mino tort.




Re: I ombolc: fanc di autri (ponc: 1)
da Jandaniel ai 28 January 2006 da les 10:22:43
(Infos sun l utilisadour | Ti mané n messaje privat)
Enrescides via o ca, cie che conta é n resultat ofizial. A pert che al ne vegnirà nia a na tel "seconda opzion", almanco enfina che nos son en vita, dijessi ie che i ladins en general, ne sà nia cie pié a mans empera.
Ai ne lita la SVP nia per posizions ideologiches, ma ciuldiche ala à la boursa dai scioldi.



Chest l test (ponc: 1)
da Jancarlo ai 28 January 2006 da les 11:08:39
(Infos sun l utilisadour | Ti mané n messaje privat)
Chest é l test:

"1. Die Republik Österreich anerkennt die historisch gewachsenen Volksgruppen in Österreich und setzt sich für Schutz und Förderung der mit Österreich geschichtlich verbundenen deutschsprachigen Minderheiten, insbesondere auch der Südtiroler, ein.
2. Die Republik Österreich bekennt sich zur Wahrung des Selbstbestimmungsrechtes des vom Land Tirol abgetrennten Tiroler Volkes deutscher und ladinischer Sprache und zum besonderen Schutz der Rechte der Südtiroler auf der Grundlage des Völkerrechtes.“



Re: I ombolc: fanc di autri (ponc: 1)
da Jepele ai 28 January 2006 da les 12:23:43
(Infos sun l utilisadour | Ti mané n messaje privat)
Empruma me vegníssel da dí: truep stuep per nia, ma sce an ti ciala plu avisa y met tl contest, spo él ben valgamia na cossa demarevueia tla Europa da encuei: n stat member desche la Austria met ite te sia costituzion na passaja che revendicheia n dert per n teritore/popul che ne fej nia pert de sie teritore, ma de n stat vejin. Al fossa desche la Italia metessa ite n paragraf che revendicheia n dert per i talians istrians che viv tla Croazia y tla Slovenia. La competenza de na costituzion ne pò prinzipalmenter nia jí soura l stat fora. Cie utl essa pa n tel paragraf ence, che al podessa ti "declaré vera". L dert a l'audoterminazion é n dert natural che ne à nia da chirí te chest caje. Te chest contest vuelel plulere dí n scí dla Austria a la "sezescion", zenzauter n afront diplomatich tla Europa da encuei.



Re: I ombolc: fanc di autri (ponc: 1)
da MateoTaibon ai 28 January 2006 da les 13:03:30
(Infos sun l utilisadour | Ti mané n messaje privat)
sce, le problem é chest: co po n stat avei te söa costituziun n paragraf che reverda l teritro de n ater stast - laprò la opziun por la sezesciun ?
ci dijess mo l'Austria sce la Slovenia damanass le dert de sezesciun por i slovens dl Austria?
Mo can che ara va dai slovens, n'´é Khol, l'iniziadù dla petiziun, nia a öna da realisé ci che la costituziun se damana. Ince él é insciö n nazionalist che damana rajuns por chi de lingaz todesc y ne i les ô nia dé a chi de n ater lingaz.



Re: I ombolc: fanc di autri (ponc: 1)
da MateoTaibon ai 28 January 2006 da les 13:27:24
(Infos sun l utilisadour | Ti mané n messaje privat)
comunicat stampa:


Solidarität mit den Kärntner Slowenen!
Setzt ein Zeichen - setzt eine Unterschrift auf www.prokaernten.at

Die Gesellschaft für bedrohte Völker lädt alle Südtirolerinnen und Südtiroler, v.a. aber die Unterzeichnter der Petition für die Selbstbestimmung, dazu auf, eine Solidaritätserklärung mit den Kärntner Slowenen zu unterzeichnen. Vor allem jene, die für die Südtiroler nach Selbstbestimmung rufen, sollten die Erklärung auf www.prokaernten.at unterzeichnen.

Bei den Kärntner Slowenen geht es nicht um besondere Privilegien oder um Selbstbestimmung, sprich Sezession, sondern nur darum, die von der Verfassung geforderten Rechte umzusetzen. Umso mehr kann man erwarten, dass jene, die für die eine Minderheit die Selbstbestimmung fordern, für die andere wenigstens die Einhaltung der Verfassung fordern. Es ist mehr als zumutbar.

Die Unterschrift wäres ein Zeichen dafür, dass die Minderheitenrechte für alle gelten und nicht nur für die Deutschen. Nur für sich selbst fordern alle. Wer nur für sich selbst fordert, ist nichts außer ein Nationalist. Indem man auch für andere fordert, setzt man ein Zeichen für Minderheitenschutz.

www.prokaernten.at


____________________

olá é tlo i ombolc ladins co á firmé por la sezesciun?



Re: I ombolc: fanc di autri (ponc: 1)
da Alex_Girardi ai 29 January 2006 da les 21:24:18
(Infos sun l utilisadour | Ti mané n messaje privat)
Enteressant ci che la stampa fora de Südtirol dij. Dò pro pérel che nosc ombolc ái fat na bela berta

Die von 114 Südtiroler Bürgermeistern unterzeichnete Petition des Schützenbundes an Nationalratspräsident Andreas Khol stößt jetzt auch in der Südtiroler Volkspartei zunehmend auf Kritik. Landeshauptmann Luis Durnwalder kritisierte am Sonntag im Corriere della Sera die Wahl des Zeitpunktes als "völlig verfehlt". Die Partei werde sich eingehend mit Planung und Hergang der Aktion beschäftigen, die den italienischen Rechtsparteien seit gut einer Woche als Wahlkampfthema diene. SVP-Obmann Elmar Pichler-Rolle räumte ein, dass der "Zeitpunkt unglücklich gewählt" sei. Der Parteichef hatte selbst in einem Brief an die Bürgermeister appelliert, "die Petition möglichst geschlossen zu unterschreiben".

Pichler-Rolle, der den umstrittenen Appell als Bozner Vizebürgermeister selbst unterzeichnet hat, brachte damit Bürgermeister Luigi Spagnolli in Bedrängnis, gegen den das Rechtsbündnis einen Misstrauensantrag einbringen will. Der SVP-Wirtschaftsausschuss kritisierte die Petition als "unangebracht". Es gebe "keinen Anlass für eine solche Aktion, über die in der Partei nie gesprochen" worden sei, erklärte der Vorsitzende Gerhard Brandstätter.

"Total verrückt"

Der bekannte Bozner Unternehmer Franz Staffler kritisierte die Petition als "total verrückt". Sie sei "völlig unsensibel" und richte "einen nicht abschätzbaren politischen Schaden" an. SVP-Senator Oskar Peterlini, der im Wahlkreis Bozen wieder für den Senat kandidiert, verurteilte die Aktion als politisches Eigentor: "Jetzt müssen wir mit einem Sieg des Rechtsbündnisses in Bozen rechnen." Zudem sei nach der Verunsicherung der italienischen Wähler der Pakt mit dem Mitte-links-Bündnis gefährdet.

Die postfaschistische Nationale Allianz bedankte sich dagegen bei der SVP für die "unbezahlbare Unterstützung" ihres Wahlkampfs. Der italienische Oppositionsführer Romano Prodi bezeichnete die Petition, mit der die Verankerung des Selbstbestimmungsrechts in der österreichischen Verfassung gefordert wird, als "sinnlos": "Die Idee, in die Verfassung eines Landes Klauseln einzufügen, die direkte Auswirkungen auf eine andere Nation haben, ist politisch und juristisch nicht sinnvoll." Mit der Petition an Wien leugne die SVP überdies die Geschichte und Politik der vergangenen 60 Jahre, kritisierte Prodi.

Verzichtbar

Zusätzliche Wahlkampfmunition für das Rechtsbündnis kann der Oppositionsführer derzeit durchaus entbehren. Während sein Gegenspieler Silvio Berlusconi täglich mit langen Fernsehauftritten für Diskussionen sorgt, muss Prodi das Gerangel seiner elf Koalitionsparteien um sichere Sitze in Kammer und Senat schlichten. Einen Appell von Staatspräsident Ciampi zu "größerer Ausgewogenheit im Fernsehen" hat Berlusconi abgelehnt. Der gleichberechtigte Zugang aller Parteien zum Fernsehen wird erst mit dem offiziellen Wahlkampfbeginn am 11. Februar wirksam. (DER STANDARD, Printausgabe 30.1.2006)




Re: I ombolc: fanc di autri (ponc: 1)
da Janpire ai 30 January 2006 da les 16:16:26
(Infos sun l utilisadour | Ti mané n messaje privat)
2. Die Republik Österreich bekennt sich zur Wahrung des Selbstbestimmungsrechtes des vom Land Tirol abgetrennten Tiroler Volkes deutscher und ladinischer Sprache und zum besonderen Schutz der Rechte der Südtiroler auf der Grundlage des Völkerrechtes.“



N particolar interessant é che an rejona de "Tiroler Volk", an entité nueva te chest cheder. Tl Vedl Tirol vivòvel perdret adum todesc, ladins y talians (trentins) y ence chisc fajessa perdret pert de chest "Tiroler Volk", sce al esistessa valch de tel. An veid atira che al se trata demé de ascone de na "mossa" nazionalistica todescia. Y i ombolc ladins vegn aficés ite a tré deberieda chestes ambizions y ti dé parvenza de legitimité.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.549 seconc