benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Ciarencia: na situazion nia da creie
scrit ai 24 January 2006 da les 19:08:11 da noeles

Politica

 

"Tla Ciarencia ŕn sen l messia"

Depierpul che an drama ite groviamenter  sun la mendranza slovena tl'Austria, fej rodé l President dl Parlament Andreas Kohl na petizion ti comuns de Südtirol per mete ite na passaja tla Costituzion austriaca che feje referiment a les mendranzes todescia y ladina te Südtirol 

L chef di sozialdemocrac dl'Austria, Alfred Gusenbauer, ova dejout polemiches con n'esternaziun sun Jörg Haider, estremist nazionalist che é Landeshauptmann dla Ciarencia. Haider é demé plu lede, enscě Gusenbauer, ajache an ŕ tl'Austria la psichiatria daverta. Les critiches é stedes dret dures - da pert dal BZÖ, l partě de Haider, y ence da pert dla ÖVP, partě che forma con l BZÖ la coalizion de govern tl'Austria.

 Jörg Haider: "Vor 2000 Jahren ist einer auferstanden und hat den Grabstein verrückt. Heute findet sich ein Landeshauptmann, der die Ortstafeln verrückt." (Dant 2000 agn él ressorě y ŕ brodolé demez la pera de fossa. Encuei giŕten n "Landeshauptmann" che sposteia les tofles").



      Jörg Haider enstes ŕ sen cialé da ti dé rejon a Gusenbauer y da evidenzié dant a duc tant fora de vigni criter che al é con sie gran senn chauvinist contra i slovens. Dant a raprejentanc de sie partě s'ŕ Hadier paredlé a Gejů y a sia ressurezion: "Wahrlich, ich sage euch: Vor 2000 Jahren ist einer auferstanden und hat den Grabstein verrückt. Heute findet sich ein Landeshauptmann, der die Ortstafeln verrückt." Chest per tň per l cul la giustizia y les normes de sconanza a ben di slovens vedudes dantfora tl Staatsvertrag dal 1955  y fé a na moda che l iter giuridiziar messe pié via tres endň da nuef.

      Critiches él gnů da la gliejia y dai autri partis - ma la ÖVP, che ova tant dassen critiché Gusenbauer  per sia esternazion, ne dij nia. An ŕ enscě chilň l sfrutament dla religion per fins de nazionalism y de assimilisazion. Ma l partě "cristian" ÖVP - enstes nazionalist y zenza toleranza per la mendranza slovena - scouta chiet.

      Atif é l partě perchel autró. L president dl Parlament austriach, Andreas Khol, ŕ fat pié via n'iniziativa per mete Südtirol tla costituziun austriaca. I scizeri á porté inant la chestion te Südtirol, oramai duc i ombolc ŕ firmé la petizion (113 sun 116 comuns aut-atesins). Na cossa a pert é la metoda: Khol met a jě l'iniziativa de na petizion che ti vegn spo sourandeda a Khol. L livel é veramenter bas, da comediant de ostaria. Rodunt te chi meisc ch'al vegn fat dl dut per ne ti conzede nia ai slovens sies rejons costituzionales, méten a jě n'azion per la mendranza che é defora dal stat austriach. Desche dit: les rejons dles mendranzes vel demé can che ala rejona todesch.

      Interessant é ence che i scizeri n'é enfin a encuei nience un n iade stés bogn da declaré sia solidarieté con la mendranza slovena tl'Austria. Ma nia demé. I scizeri scraia contra la toponomastica taliana de luesc todesc o mescedés. Tl medem moment endere adora i scizeri porí la toponomastica todescia ence per luesc ladins. Te chest caje ne rejňnei samben nia de nazionalism y de fascism. Samben, i derc dles mendranzes vel demé per i todesc.

 
Mateo Taibon

 GfbV: deplů sun la tematica - ciala ence liams judapé
 Plata dla Enotna Lista/Einheitsliste con deplů informazions sun i slovens ciarentians
 Union di slovens deportés entratant l temp nazist

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Ciarencia: na situazion nia da creie (ponc: 1)
da amich_dl_dolomitan ai 25 January 2006 da les 22:29:18
(Infos sun l utilisadour | Ti mané n messaje privat)
I ombolc ladins de Südtirol firma ben les petizions di scizeri, ma nia les 11 teses (che fossa veramenter na cossa importanta per i ladins) - chel la dij longia sun sia competenza culturala. Al sarŕ perchel da damané Kohl sce al organiseia ince na petizion per l manifest "Ladinia 2005"



Re: Ciarencia: na situazion nia da creie (ponc: 1)
da MateoTaibon ai 28 January 2006 da les 01:48:26
(Infos sun l utilisadour | Ti mané n messaje privat)
tlo ne dij degüng de chisc gran dla "sconanza dles mendranzes" nai. Defat, ai n'á degün interés ala sconanza dles mendranzes, mo mâ al todesch. Na mendranza ŕ por ëi mâ n valur sc'ara é todescia. Y insciö n'á nia da ne n fŕ con "Minderheitenschutz", mo porí con "Deutschtümelei". Con nazioanlism todesch. Y in pert ince con fascism todesch.

co ŕ l Lia popui manacęs niade scrit:

Der Faschismus stört nur, wenn er italienisch spricht.




News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.368 seconc