benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Mendranzes: la Austria ne respeteia nia sia costituzion
scrit ai 21 January 2006 da les 19:10:32 da noeles

Politica

 

Ciarencia: i slovens romagn zenza sies rejons

La chestion bizara dles tofles bilinghes tla Ciarencia - Na sentenza dla Court Costituzionala ne vegn nia respeteda - Ence te Südtirol ne vegn la toponomastica ladina nia dlonch respeteda

L nazionalism con la benediscion dla ÖVP (Österreichische Volkspartei). Nience la costituzion ne vegn respeteda: L’Austria é dassen nazionalista con sies mendranzes, scialdi plu nazionalista che la Talia con les sies, ma la SVP é apeina bona da articulé na parola nience de “critica”, ma de “dejaprovazion”: can che l nazionalism é todesch, val ben, y i derc dles mendranzes vel demé per chi che rejona todesch.

Foto a manciancia: entratant na protesta de chisc dis.

Foto a man dreta: Haider dij ne ester nia competent - can che ala va da mete su tofles bilinguales. Competent se séntel can che ala va ta les tó demez (ence sce ales vegn scrites dant da la Court costituzionala): la demontaja comaneda da Haider per tó ju na tofla bilinguala a Vellach/Bela.


        La chestion dles tofles bilinghes todesces-slovenes tla Ciarencia deventa tres plu bizara. Na sentenza dla Court Costituzionala à doi iadesc confermé che al mess vegnì metù su tl teritore bilingh todesch-sloven tl sud dla Ciarencia en basa al "Staatsvertrag", sce la mendranza slovena fej fora apresciapuech l 10%. Chesta sentanza enstessa é vegnuda arjonta te na forma dret bizara: n funzionar dla union di slovens dla Ciarencia, Rudi Vouk, é ju aposta massa debota con l auto y se à giaté na straufonga. Chesta àl pluré enfin a tles istanzes giudiziares plu autes dl stat, dijan che les tofles ne fova nia bilinghes y che al ne à nia entenù. La Court Costituzionala, che ti à dé rejon y che à ence confermé che al mess vegnì metù su tofles bilinghes.

        La sentenza dla Court costituzionala é vedla bele 4 agn, ma enfin a encuei ne ésela nia vegnuda metuda en doura. L president dla Ciarencia Jörg Haider – en pert deberieda con i comuns interessés - se para con pisc y con mans, al les inventa dutes per ne mete nia  su tofles bilinguales. Haider ne reconesc nia la Court costituzianala, al à dit che la Court costituzionala n’á nia la competenza aladò, al á empermetù da mete su tofles vuetes, al à ence dit che al lasciará sposté de valch metri les tofles, ajache enscila messessa i slovens mete man l’iter giuridich da nuef. Haider fej dles dutes per ne lascé nia mete su les tofles scrites dant da la costituzion, ma tl medem moment díjel ence che al n’é nia competent. Na tofla che fova vegnuda metuda su à Haider endò lascé tó demez, ajache al mancia, enscì sia spligazion, “la basa giuridica”. Ma cie basa giuridica dess pa valei sce nia la costituzion?
Haider, che vegn sovenz ence coiené da si aversars sciche “Karawankenduce”, é defora da la costituzion democratica. Ma da pert de si partners de coalizion ÖVP ne végnel nia segnai clers de contraposizion da tó en conscidrazion. Enscila é l canzelier Wolfgang Schüssel demé sté datant da dì che la costituzion é da realisé. Paroles de critica a Haider endere n’ál nia articulé. Ma Schüssel é enstes na gauja che la sentenza dla Court costituzionala ne vegn nia realiseda. Enscí ova Schüssel cherdé ite na “Konsenskonferenz”: al volova, enscí sia posizion ofiziala, porté la chestion a na soluzion tl consens. Demé che les unions nazionalistes dla Ciarencia (desche l Kärntner Heimatdienst, che à de bones relazions ence con politics de Südtirol) à dit cler de ne volei nia deplú tofles bilinguales.
Foto: bele dl 1972 òven trat ju a ries les tofles bilinghes, degunes de chestes persones (dantaldut dl Kärtner Heimatdienst, na sort de Schützen/scizeri ciarentians) é vegnudes  pluredes dant al Tribunal per chest at de vandalism.
 
        N “consens” n’é enscila scemplamenter nia poscibel – n trich de Schüssel per ne realisé nia la sentenza dla Court costituzionala. Schüssel á mostré ence tres n auter detai de ester da la pert dl nazionalist Haider: La colpa per la mancianza de “consens” ti àl dé ai slovens. Ai slovens ti òvel damané de renunzié a na bona pert dles tofles che ti vegn garantides da la Court costituzionala, y ajache i slovens n’á nia azeté chest “compromis” ti à Schüssel dé la colpa a d'ei. Che na sentenza dla Court constituzionala é da realisé y nia da sciacaré, ne vuelel nia capì. Enscí él passé plu de cater agn da la sentenza – y chesta n’é dutaorela nia realiseda. 
Haider y sie partì BZÖ entant met fora chi slovens che se damana les rejons garantides da la costituzion desche “estremisc'”.
        Sun la chestion él sen ence antervegnù l president austriach Heinz Fischer che ghira che les tofles mess gní metudes su, sotlinian che la sentenza é lienta y mess gnì respeteda, sce l'Austria vuel ester n stat de dert. Fischer á ence dit che an ne adora nia “Zurufe von außen” (clams da defora). Ma rodunt l’Austria á fat n “Zuruf von außen” canche ala jiva di todesc de Südtirol: la contradizion va enscila enfin a sunsom l stat.
        Pieté fej les toutes de posizion da Südtirol. Pueces y cheles pueces en gran pert stra-diplomatiches. L ton determiné dles ghiranzes per l grup todesch sparesc atira canche ala ne va nia de na medranza todescia: i derc dles mendranzes vel demé per i todesc. Cie dijessa pa la SVP dl stat talian sc’al se comportassa enscì? A si amisc dla ÖVP ne dij la SVP samben nia che ai é nazionalisc' che ne respeteia nience la costituzion. L president dla provinzia Luis Durnwalder à dit che la sentenza é da realisé y basta. Tl medem moment ál endere ence dit che al ne vuel nia se mescedé ite te chestions dla Ciarencia. Ma can che ala va di todesc de Südtirol, é la SVP la pruma – tla storia y tl’atualité – che se damana che l’Austria se mesceide ite desche “Schutzmacht” (forza protetoura). I derc dles mendranzes vel mefo per i todesc, per i autri él pa ben manco zite ...
        Ence te Südtirol ésen dalonc dal respet dla aplicazion dl lingaz ladin y dla toponomastica ladina. Entratant che i todesc se damana ence les zetoles dles medejines te sie lingaz, se desmentiei dl lingaz ladin te ambienc de basa. Y desche tla Ciarencia vegn chi esponenc dla mendranza che se damana sies rejons criminalisés desche “estremisc'” o piec. Ence chest tl segn: i tant sovenz nominés “Minderheitenrechte” vel demé per i todesc, i autri dess tajei. Tl segn de chest nazionalism y egoism todesch é ence les reazions a la politica nazionalista de Jörg Haider y Wolfgang Schüssel: La politica é n anel. An ruva tres endò al medem pont.
 
Mateo Taibon

 

Österreich
 
Wenn die Verfassung nicht gilt
 
Ortstafeln in Kärnten: Urteil des Verfassungsgericht bleibt toter Buchstabe: Es wird einfach nicht umgesetzt. Doch welche Mittel anwenden, wenn selbst das Verfassungsgericht verhöhnt wird?
Österreich lobt seinen Minderheitenschutz über den grünen Klee, man stellt sich als Musterbeispiel in Europa dar. Die Minderheiten selbst sind da freilich anderer Meinung, doch ihre Vertreter werden nicht gefragt – nicht von der Politik, nicht von den Medien. Über die Angelegenheiten der Minderheit wird meist mit Stellungnahmen nur von der Mehrheit bzw. Mehrheitsparteien berichtet.
 
        Selbst die in der Verfassung festgelegten Rechte der Minderheiten werden in Österreich nicht erfüllt. Selbst dann nicht, wenn es aufgrund einer Klage zu einem eindeutigen Urteil des Verfassungsgerichtes kommt. 2001 hatte das Verfassungsgericht aufgrund einer Klage die bestehende Ortstafel-Regelung aufgehoben: Es müssen weit mehr zweisprachige Ortsschilder aufgestellt werden. Doch getan wird fast nichts. Die Bundesregierung in Wien sitzt den Konflikt aus, die Kärntner Landesregierung mit dem Nationalisten Jörg Haider an der Spitze verweigert die Umsetzung offen. Seine Verbündeten sitzen in dieser Angelegenheit in allen Parteien – mit Ausnahme der Grünen – und besonders in den nationalistischen „Heimatverbänden".
 
        Landeshauptmann Haider, der ideologische Vater der radikalen Gegenerschaft, der immer stärker einen deutschnationalen Kurs fährt, wies zwar wiederholt die Verantwortung des Landes Kärnten für die Aufstellung zweisprachiger Ortstafeln zurück. Das sei eine Angelegenheit des Bundes. Ganz anders sieht es aus, wenn es um die Entfernung der Ortstalfen geht. Gerade der nicht zuständige Jörg Haider war es, der die zweisprachige Ortstafel „Vellach-Bela" in der Gemeinde Bad Eisenkappel im November 2005 entfernen ließ. Haider veranlasste die verfassungswidrige Entfernung mit der Begründung, es fehle die „rechtliche Basis" – das Verfassungsgericht erkennt Haider nicht an. Für österreichweites Aufsehen sorgte die Entfernung der Ortstafeln, weil sich der Gemeindevorstand der slowenischen Einheitsliste, Franz Josef Smrtnik, an einer der Tafeln angekettet hatte. Die Tafeln waren erst in der Woche zuvor aufgestellt worden. Bei der Entfernung legt Haider also ein gehöriges Tempo ein, während das Urteil des Verfassungsgerichts selbst nach vier Jahren noch toter Buchstabe bleibt: Haider stemmt sich dagegen, die Regierung in Wien schiebt die Angelegenheit auf die lange Bank.
Auch sonst entwickelte Haider in den letzten Wochen und Monaten eine selbst für ihn ungewöhnliche antislowenische Aktivitiät.  
 
        Für Mitte Dezember berief er so eine Gesprächsrunde auf Kärntner Ebene ein. Thema war die slowenische Liturgie: Deutschnationalen Kreisen ist die Verwendung der slowenischen Sprache ein Dorn im Auge, die als Diskriminierung der deutschen Mehrheit ausgelegt wird. Den ideologischen Linien der deutschnationalen Verbände folgend, lud Haider so Kirchenvertreter ein, dazu Vertreter der SP, VP und seiner Partei, dem BZÖ, sowie Bürgermeister. Nicht eingeladen waren die Grünen, nicht eingeladen auch die slowenische Partei „Enotna Lista", die zwar nicht im Landtag sitzt (dafür sorgt eine Wahlhürde von 10%), aber in verschiedenen Gemeinderäten (dort konnte die slowenische Partei nicht ausgeschlossen werden). Nicht eingeladen auch der Rat der Kärntner Slowenen, die Gemeinschaft der Kärntner Slowenen und der Zentralverband slowenischer Organisationen. Die Minderheit selbst kommt also nicht zu Wort.
 
      Beim Treffen ging es selbstverständlich auch um die Ortstafeln: Der nicht zuständige Haider will die Erkenntnisse des Verfassungsgerichts nicht anerkennen, sondern eine eigene Regelung aufstellen, die die Vorgaben der Verfassung schlicht außer Kraft setzt. Gleichzeitig strebt Haider eine „Verfassungsbestimmung" an, um die Angelegenheit dem Zugriff des Verfassungsgerichts zu entziehen. Um zweisprachige Ortstafeln zu verhindern, will er sogar – damit erreicht Haider das Niveau des lächerlichen Extremismus – leere Ortstafelen aufstellen. (mt)

 

 GfbV: deplù sun la tematica - ciala ence liams judapé
 Plata dla Enotna Lista/Einheitsliste con deplù informazions sun i slovens ciarentians
 Union di slovens deportés entratant l temp nazist

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.393 seconc