benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Fodom: degun radio ladin da Bulsan plu
scrit ai 18 January 2006 da les 22:25:28 da noeles

Fodom

 

Gianni Pezzei desten la radio ladina dla RAI ta Fodom

900 euro ti é demassa per concé l aparat repetidour sun jouf de Pordou - La frecuenza ti vegnirà bonamenter deda a na radio taliana

L Comun de Fodom à dezidù de destudé les trasmiscions dl cuart canal radio dla RAI, cheles per nes entene, che vegn adoredes dal Radio Ladin de Bulsan per enraié si programs tl raion de Fodom. I aparac fova vegnus metus sun Col de Cuch (Pordou) adum a chi dla televijion che garantesc de vedei les trasmiscions ladines de Bulsan. Enluegia dl radio ladin ruvaràl bonamenter na radio taliana.



Ti agn passés ova la medema aministrazion de comun, viseda dal capococomun Ugo Ruaz, adum a cheles de Ampez y de Col y a les trei unions ladines, fat batalies y passé n lonch iter burocratich demé per podei ruvé a avei ence decà dai joufs chisc servisc. I ne descoron nia dles prescions fates da ambienc di neo-ladins de Belun y da la medema provinzia enfin a la RAI a na moda che chest ne posse nia suzede. Ai 24 de november, con na delibera, à la jonta de Comun dezidù de dé via les frecuenzes a na dita che manejeia i repetidours per cont dl comun y plu che segur ruvaràl enluegia dl radio ladin na radio taliana. “

 Al fin de sconé y de valorisé sia cultura ladina y les afinités con i autri comuns ladins” dij la delibera, “garantesc l comun bele l servisc de difujion dl segnal dla televijion RAI 3 de Bulsan con cosć auc y al colaboreia con radio Gherdeina per la difujion di programs dla radio. Perchel pénsen de ne mantegnì nia plu l servisc de difujion de Radio RAI 3 BZ.” Motivazions economiches a la basa de na tel dezijion.

Al fova bele da n tochet che an ne audiva nia plu la radio. Al eva n aparat rot, ma l comun ne se dezidova mai de l fé concé. Da notizies toutes su, sàn che dut essa podù vegnì comedé con 900 euro y l cost anual dla forza eletrica. Fregoles. Propi sen che al se deura i confins y che a les mendranzes ti végnel empermetù de se descore soura i joufs fora y de avei azes ai media, dezid l comun de Fodom de destudé na radio che anter l auter fej pert dl servisc publich. L Radio Ladin ova fat plu de n iade servisc sun Fodom y ti ultims meisc ti ova truepa jent de Fodom telefoné ai tecnics a damané percie che an ne l audiva nia plu. Vian Ampez ései do sen a mete su i aparac y ta Fodom i tíren demez. Olà éla pa la colaborazion tant declareda dal capocomun Gianni Pezzei con i autri trei comuns ladins? Ne él nia na contradizion bela y bona chela de dì che an scona la cultura ladina y spo does risses dessot díjen che an destuda na radio che trasmet per ladin? Canche n meso de comunicazion ti vegn tout a na comunité, tant plu sce de mendranza, ne él mai na bela notizia.



 
Liams emparentés
· Deplú sun l tema Fodom
· Chier te noeles


L articul plu liet te chest tema Fodom:
Truep entusiasm per mete su na compagnia de scizeri


Valutazion dl articul
Cumpeida mesana de oujes: 5
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.369 seconc