benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Copa dl Mond de Snowboard a Al Plan de Mareo
scrit ai 15 January 2006 da les 21:43:16 da noeles

Sport

 

I elvetics ti é stés souracef a duc  

I "azurs", la scuadra taliana, à depierpul messù reconesce na desfata - miec les eles che i ei

Belavisa desche tla sajon passeda dla NOKIA Snowboard FIS Copa dl Mond 2005/2006 é i elvetics stés i mairenc (miours) tl paralel gigant tegnù sun la pista Pré da Peres sun jouf de Furcia. Pro les eles à davagné Daniela Meuli che se la à fata a valei, condut che ala fova desfreidida, tla competizion con Julie Pomagalski (FRA).

Foto: Simon Schoch (2), Philipp Schoch (1) y Marc Iselin (3) y Gilles Jaquet (4).



Terza sun paion la canadeisa Alexa Loo, per l prum iade te sia cariera. Desche l ann passé se à la italo-americana Michelle Gorgone plazé al cuart post. Pro i ei à Philipp Schoch (SUI) ciamò n iade confermé la deventa dl ann passé sun Plan de Corones. Tles finales, te familia, ti la àl sticheda a sie fre plu vedl, fajan na reventa do les finales de Le Relais. Ence la garejeda per l terz plazament é steda plenamenter svizra, con Marc Iselin che ti é sté souracef a Gilles Jaquet.

Do sia terza deventa te chesta sajon fova la svizra Daniela Meuli dret stancia desche ala dij: „Canche i son leveda encuei dadoman, me sentivi propi stancia. I sperove demé che i me remetesse entratant la gara. Bele do la cualificazion me sentivi desche i esse sauté pro na maratona. Per fortuna sonsi steda bona de gre en gre, da manche a manche, de deventé plu sterscia

Ence la pruma en ciaria de copa dl mond de snowboard, la franzeisa Julie Pomagalski, dij de ester steda dassen stancia: „Encuei é la gara steda stranciousa, ma dret bela. I son propi a tera. Tla seconda manche dles finales me ài empò embasté l am de ruvé damprò a Daniela, ma spo ài baudi arenté na porta y i son slisoleda fora de striara. Con l resultat arjont pòi perchel demé ester contenta.“

Philipp Schoch, dassen ligher desche sia conazionala, con avei arjont a Al Plan la terza deventa te chesta sajon. „Les finales é stedes do la rata puech stressantes. Che enultima se àl spo traté ence de n duel anter doi fredesc é propi na ciareja sun la tourta. I ne me à nience anadé che Simon à fat n fal tla pert auta dl trat de gara.“, àl declaré.

Desplajeis depierpul pro i “azurs” che se à giaté encuei na dreta desfata. Anter i ei ne él sté degugn che è stés datant de arjonje les finales. Duc, sclut ite i campions Walter Feichter y Meinhard Erlacher, ne se à nia cualifiché per les finales. En pue damiec éla juda depierpul con les does joenes Marion Posch y Carmen Ranigler. Trames à arjont les finales, ma ales à spo messù azeté la desfata y la eliminazion al prum rode. Demé Lidia Trettel che fova ti otafs rodunt aversara dla Posch, é ruveda inant enfin al chert de finala.

Foto: Julie Pomagalski (2), Daniela Meuli (1), Alexa Loo (3) y Michelle Gorgone (4).


 
Liams emparentés
· Deplú sun l tema Sport
· Chier te noeles


L articul plu liet te chest tema Sport:
Carolina Kostner porta a ciasa da Mosca la medaia de bron


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.357 seconc