Marisa Clara campionëssa taliana - Gara in domënia sön la pista "Dô Juvel" a Lungiarü
Chësc ultim fin dl'edema él sté a Saint- Oyen tla Val D´Aosta i campionac talians de liösa sön pista naturala. I atlec dl Uniun dla Sport da Lungiarü se á arjigné bun a chësc apuntamënt important . Ai se á prejenté cun na scuadra che á bele ti agn passá desmostré de ester a n bun livel y de avëi les poscibilitęs de arjunje le podest.
Oskar Clara 13 agn, Hannes Clara 12 agn, y Marisa Clara 13 agn ŕ bele pro les proes dla sabeda desmostré de ester te dër de bunes condiziuns y de podëi dě la süa sön na pista dër tecnica y dlaciada.
La domënia č la Marisa stada buna da fa registré te trames döes les manches le miú tëmp y á concuisté le podest plü alt y a chësta moda éra deventada campionëssa taliana dla categoria alievs.
Ai compagns da scuadra da Lungiarü, Hannes y Oskar Clara, ti ŕra en pü scechč tla ultima ota dla secunda manche se lascian insciö sciampč n post sigü söl paiun. Mo al ŕ impň bastč por fŕ le pröm post dla scuadra.
Le resultat de Marisa Clara č sté l´incoronamënt de tröc agn de gares y sacrifizesc fac dai atlec dla liösa da Lungiarü, y la notizia á albü n gran ressonn tl paisc. Rodunt in chësc ann che al č gnü daurí la pista dales liöses “Dô Juvel”, pista proietada por agonism y arjignada cun dötes les infrastrotöres por podëi fŕ lassura ince gares a livel internazional. La pista che se destënn sön na lunghëza de 1 km daite dal paisc de Lungiarü č arjignada cun n implant de iluminaziun , implant da fŕ dlacia y sambëgn dötes les proteziuns de sigurëza che na te' pista se damana por ester in regola. La pista é gnüda fata cun finaziamënc dl Provinzia y dl Comun da San Martin.
Sön chësta pista sarŕl in domënia ai 9 de forá la pröma gara a livel provinzal por mituns cina a 14 agn oláche düc po partezipé ince cun liöses normales.
Por informaziuns sura la gara o por anuzé la pista, ince da sëra cun iluminaziun artifizala bŕstel telefoné al diretur dla Seziun Liöses dla Uniun dl Sport da Lungiarü, Domenikus Clara ai numri 348 7043049 o 0474 590060.
