benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

L ombolt de Col Santa Lizia peia via
scrit ai 12 December 2005 da les 17:46:12 da noeles

Politica

 

Paolo Frena à clamé ite i ombolc 

Ala gnirà tegnuda a Corvara - Na enconteda daverta - Frena spenj per mete en pe n organ de coordinament y n statut

L Capocomun de Col, Paolo Frena, à clamé ite per en juebia 15 de dezember a Corvara, la pruma senteda dla conferenza di dejedot ombolc dles vals ladines dl Sela. I prums zitadins se abina enscì en via ofiziala do che ti meisc passés ài giaté dai presidenc dles trei provinzies la “benedescion” per mete en pe n organism de coordinament souraprovinzial prevedù da la lege 482/99.

L ombolt de Col, Paolo Frena.



Na conferenza che é na creatura de Durnwalder, da tres contrar che chesta funzion de coordinament ti vegne reconesciuda a la Generala. La senteda n’à degun orden dl di ofizial, ence sce Frena pérel che al ae les idees cleres sun chela che arà da ester l’impostazion dla discuscion. “L prum obietif”, dìjel,  “sarà chel de mete en pe n comité strent de cinch raprejentanc; un per Fodom, Col y Ampez, un per Fascia, un per Badia y un per Gherdeina. Da pert de Fascia y Badia àl bele abù na gran desponibelté da pert di ombolc. I staron a vedei cie che Gherdeina fej.”A chisc cinch ti tocaràl de laoré per mete a jì en via ofiziala n statut y dut chel che va de uega per l organism de coordinament souraprovinzial prevedù da la lege 482/99. Frena ne ascon nia la poura de strumentalisazions politiches. Ma degugn ne pò ascone che propi certes declarazions vegnudes fora da ombolc dla Svp tla senteda dl partí enstadì a Corvara, podessa pesé y nia puech sun l andament y sun l’impostazion de chest organism souraprovinzial. La Generala aspeta depierpul de capì cie posizion che ti gnirà assegureda te chest organism istituzional.

Lorenzo Soratroi

 

Ladin StandardLiams a d'autri articui sun la tematica comparus sun noeles.net:

 La lege 482/99 - Contegnus
 Devers l organism de coordinament 482/99: propostes da Trent
 Comentar a les lites comunales y la lege 482/99
 Lege 482/99 - Trent meina do - Bulsan arfera
 Lites de comun 2005: i ombolc mess declaré sies intenzions
 Lege 482/99 - La Generala se muev
 Union Generela: stop a Bulsan
 Generela: enconteda con les autorités provinziales de Belun
 Abineda di ombolc ladins d'otober 2004
 La lege 482: an s'entardiveia
 Pensiers soura l'assemblea dla Generela
 Union di Ladins de Fascia: touta de posizion
 L apel dl ombolt de Col Santa Lizia
 Comité interregional ladin - n comentar
 Intervista al ombolt de Col de Santa Lizia Paolo Frena
 Consei di ombolc: intervista al ombolt de Santa Cristina, Bruno Senoner
 Intervista al ombolt de Fodom Gianni Pezzei
 Comentar: poester renunzieien enfinamai a la 482/99
 I ombolc de Cianacei y de Moena respon

 Les respostes dl ombolt de Badia

 La lege 482/99 y i ladins tla provinzia de Bulsan
 Ressoluzion dla Union Generela di Ladins dles Dolomites
 Enconteda Durnwalder-Generela: la verscion ofiziala
 L consei di ombolc - enfin a sen deguna convocazion ciamò
 Comité interregional ladin - n comentar
 Lege 482/99 - I ombolc ne se á mai tout la bria
 N organism interregional: manco ombolc y plu esperc y dialetica
 Di dla Unité Ladina: unité combatuda
 Cianacei: Di dla Unité Ladina - La fana é sun l fuech
 Di dla Unité Ladina: les prumes imprescions

 Intervista al President dla Generela Nani Pellegrini

 La relazion de Bepe Detomas
 Durnwalder á enconté dantenier l president De Bona de Belun
 Cie che i autri scriv: Bulsan, la lege 482/99 y l organism de coordinament

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.492 seconc