benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

N aconsiadour dl Istitut tol posizion
scrit ai 01 February 2003 da les 18:16:32 da noeles

Ladin Standard

 

Les cosses é jüdes adascusc -La rajun de partě  ŕ trat dant ince pro i rapresentanc dles uniuns culturales 

de Lois Trebo

Al é gnü scrit che la provinzia â damané l' Istitut Ladin do so arat sön la chestiun dla adoranza dal lingaz ladin y che le consei dal Istitut dess avei fat la proposta sorantuta dala provinzia. Cösc é bën vëi y cösc fat ŕ endespré na sort de ospŕ ados al Istitut. Na pert ŕ scrit che le consei dess se dodé, che al dess dé les demisciuns desche al foss spo val' de fat. Co ésera pa stada da chë sontada dal consëi ai 17 de setember tla sonta dal Istitut a Selva ? Iu enstes n' ea nia a che sontada. Lois Trebo, rapresentant dles uniuns culturales dla Val Badia.



Por che al ne vegni nia scrit monzenaries, oressi dé na splianza plü monüda, ince sce iu enstes n' ea nia a che sontada. Ala sontada ŕ tut pert 6 membri sön 9 - nia ala sontada n' â podü ji Theo Rifesser, diretur dal Istitut Pedagogich Ladin, Albert Palfrader, ombolt de Mareo y le sotescrit por motifs familiars. Al n.6 dal ordin dal dé ęl da baié dal dagně dal Spell y döt le consei ea sté a öna da ji ennant empara. Tal protocol stal spo scrit che le president Valentin ŕ spo damané le consei, sce al foss a öna che la provinzia baratass jö le badiot y le gherdena canche ara va de scric, comunicac, leges ez co reverda entrames les valades - döt le consei ea sté a öna ! Co fossera pa jüda fora tal consei, sce al foss gnü damané, che co ea a öna da adoré le ladin standard canche ara va da i baié ados a deplü valades. Cösta proa essal podü gni fat, ince sce le resultat ne foss nia sogü tomé fora atramonter. Sce le consei ess fat fora da adoré le LS, ne l' ess la provinzia feter sogü nia sorantut, mo l' Istitut ess sogü fat plü na bela figöra. Trec se damana samben con rajun bona: sce l' Istitut Ladin fej pert dal Spell, ŕ belo dé fora cotan de scioldi por cherié le LS, ciodi n' él pa spo nia a öna por la adoranza dal LS da pert dla provinzia ? N' é cösc comport dal Istitut nia na contradiziun, se damana na pert ! i messun capě öna na cossa: tal consei él ince sen desco tres sté porsones atives tla politica desco ombolc, le rapresentant ladin y sen él ince l'assessur ladin con Edit Ploner laite. Chisc dui ea dan 3 agn za. gnüs motüs te consei desco rapresentanc dles uniuns culturales, mo dan da en ann é Florin Mussner gnü assessur y Edit Ploner ŕl tut por söa man dërta. Cöstes porsones co fej pert dal partě de maioranza se veiga sforzades da tigně cunt dla idea de so partě SVP. Te Südtirol él " usus" da meter tai conseis dai Istituc culturai y dai Musei porsones de peis politich. I ŕn ma bria da dé ete na vidlada te chisc conseis: Durnwalder é sorastant dal Museum de Ciastel Tirol, le exassessur regional dla SVPe president de chel da Sterzing, l' assessur Bruno Hosp de chel da Dietenheim, le deputat Karl Mitterhofer é sté en gröm d' agn sorastant dal Südt. Kulturinstitut, a ce dal Sender Bozen él ince önn dla SVP desco a ce dla Fondaziun dla Cassa dal Sparagn, dla Ciamena de Comerz, dla autostrada dal Brenner y de d' atres istituziuns plü altes, de cheres che la provinzia comana scialdi, ince sce na pert ŕ sorantut de chisc scagns do che ai ŕ taché la politica sön na brocia y é tan co jüs en punsiun. A cösta vita culturala entreciada ete tla politica s' ŕ la jont aüsé. Al é rio di, sce zertes istituziuns culturales ess ben tan de scioldi por söa ativité, sce al ne foss degügn rapresentanc politics tai conseis. Ideal fossal pa ben, sce al ne foss tai conseis culturai degün rapresentant politich leite y che an ti lasciass fa i programs culturai a chi co é competonc sön cösc ciamp.

Na pert se damana: ŕ mo Balsan ince damané d' atres istituziuns culturales ladines do söa minunga desco le Istitut Pedagogich Ladin, la Uniun di Maestri Ladins, les Uniuns di Ladins, la Uniun Generela ? Ess mo Balsan tignit cunt dles respostes de cöstes istituziuns ? Al é pa trep che l' Istitut Ladin é gnü damané da pert da Balsan. Le decret é motü jö, deliberé y firmé y jü en forza, mo al acuntonteia po ma na pert, chi co n' ŕ nia ciamó capě che le LS foss ince en raforz por i idioms locai y de valada. I ne se lasciun nia scialtrě da cösc decret co n' arŕ nia vita lungia, deache an spera che chi ladins dla SVP co é cuntra le LS möri bel plan fora o se convertesci. Balsan aspeta na soluziun definitiva co foss la adoranza dal ladin unifiché por ches comunicaziuns co é delotes a deplü valades ladines. Na valütaziun s' ŕ le lingaz ladin empň ciafé, ince sce ma dui idioms.I ne sa nia, tan de gherdenes co liarŕ leges scrites por badiot y tan de badioc co liarŕ leges motüdes jö por gherdena. Iu sun dla minunga che chisc scric gness lic deplü, sce ai foss motüs jö tal ladin standard, deache al é plü saurě da capě le ladin unifiché co l' idiom dles atres valades.

Balsan n'ŕ nia albü le coraje da scri dant la adoranza dal ladin unifiché, deache le pom n' ea nia ciamó madü. I sun ma plü ot mensc danciarŕ dales lites provinziales y porchel él bonamonter gnü tut la soluziun co fej manco la bua ai partis politics. Deache nosta jont conesc ciamó tre' massa püch le LS, él salté fora la soluziun plü morjela co po i ji bun ala gran pert dla jont. I guerns de Coira y de Bern ŕ mostré plü coraje co Balsan; dan agn ŕi fat fora che le rumanc unifiché, tlamé rumanc grijun, ven adoré desco lingaz ofizial da pert dal Ciantun Grijun y dla Federaziun Svizera, dal guern da Bern.
Tlň da nos ésera enzescü: chi paisc ne ti an po nia massa al LS olache le ladin ess le plü bojügn de en raforz. Tla Val Badia n' é le LS mai sté tema de critiches o de gran discusciuns, le problem é Gherdena y cis Ortijei co ess le plü bojügn de en raforz dal ladin. Adoré le LS ô dě automaticamonter raforzé y arichě le idiom local y a ci moda messon pa spo ester cuntra la adoranza dal LS ? Le rumanc unifiché o rumanc grijun ŕ encö na gran resonanza tla leteratöra rumancia, tles aministraziuns, tles legislaziuns, tai inserac rumanc; al ven odü desco en gran vare ennant por saulé i idioms regionai co ciafa dal rumanc grijun en gröm de parores nees, ai ven raforzés y svilupés ennant a idioms moderns co po gni adorés por scrit te vigne ciamp dla vita moderna da encö. Vigne lingaz messa cresce, se adaté al svilup.

Na secunda pert dl articul de Los Trebo tla chestiun gnarŕ publiché plü inant.

 
Liams emparentés
· Deplú sun l tema Ladin Standard
· Chier te noeles


L articul plu liet te chest tema Ladin Standard:
Dal latin al ladin: storia dla evoluzion dl lingaz ladin


Valutazion dl articul
Cumpeida mesana de oujes: 4.12
Oujes: 8


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: N aconsiadour dl Istitut tol posizion (ponc: 1)
da giatfosch ai 01 February 2003 da les 21:49:32
(Infos sun l utilisadour | Ti mané n messaje privat)
al é begn na malta!
Mussner y Ploner é dl assessorat, mo é tl cunsei pur les uniuns culturales. funziun dopla incompatibla. conflit d'interesc grandiscim! ei se fej fŕ na delibera te so interés, interés de partí y nia ater.
sciöche rapresentanc dles uniuns culturales:
ŕi pa damanč les uniuns culturales? canch'ara va de na dezijiun tan importanta messassi damanč. La uniun di ladins n'é nia gnüda damanda, sciöbegn che al é chi i prüms che laôra debann pur le lingaz ladin.

ch'ai dais les dimisciuns!





Re: N aconsiadour dl Istitut tol posizion (ponc: 1)
da Jandaniel ai 01 February 2003 da les 23:26:42
(Infos sun l utilisadour | Ti mané n messaje privat)
Te na materia de na te' importanza por la mendranza ladina te chësta provinzia gnanca damanč öna na uniun culturala, ci che ara nen dijess, é bëgn na grana, fŕ ia döt te na sentada por destrighé "n problem de partě" y spo fŕ sciöche nia ne foss .... y dedň ciŕfon tla delibera "cun bonarat dl Istitut" ....... n bonarat čsson messü lascč fŕ da na comisciun independënta scemai, componüda ince de esperc de linguistica/romanistica/standardisaziun .... no da n consëi prevegnü y in pert anti LS.

Chësta data jarŕ ite tla storia sciöche öna dles plü burtes ....



Re: N aconsiadour dl Istitut tol posizion (ponc: 1)
da travers ai 02 February 2003 da les 15:45:42
(Infos sun l utilisadour | Ti mané n messaje privat)
I messun aspeté la secunda pert dl articul de Lois Trebo denant che dé jö n comentar definitif. Le articul contëgn tröpes critiches al comportamënt dl Consëi de istitut MdR ince sce Trebo tol sö düt cun n cer fatalism ("Na pert ŕ scrit che le consëi dess se dodé, che al dess dé les demisciuns desche al foss val' de fat", o tla provinzia él "usus" che i istituc culturai é sot ghirau dla politica). Damanč les demisciuns dl Consëi, che é controlé dal partě de maioranza, é dessigü irealistich o na ince provocaziun, mo sce al ess por ipotesa da suzede fňssel dessigü val'de fat. Al foss n segnal, n messaje che al vëighe ite le fal, che le ladin standard alda da gně sostegně con i fac y no ma cun les paroles`: Scé , le projet dess jě inant mo intratan vëgn le ladin standard stlüt fora dal'adoranza tla aministraziun. I todësc ess chilň la dërta espresciun "Lippenbekenntnis".
Mo le "scandal" n'é nia tan le placet ala delibera (tröc se l'aspetâ) mo la mancianza de trasparënza. La dezijiun dl Consëi é gnüda tuta praticamënter adascusc dala jënt y ala é ince gnüda tegnida ascognüda cina dň la delibera dla jonta ("politica dei fatti compiuti", por talian). Y ince ailň él sté n jurnalist che ŕ messé jě a chirě l'informaziun por capě ci che al é sozedü. Chësc ti fej onur a noeles.net, dessigü nia al Consëi y al presidënt de MdR.



Re: N aconsiadour dl Istitut tol posizion (ponc: 1)
da Janpire ai 04 February 2003 da les 00:21:33
(Infos sun l utilisadour | Ti mané n messaje privat)
"Caro Professore (minč čl l'articul dl prof.dr. Walter Belardi" plu inju), purtroppo non si tratta di roba da Medioevo ma da Ventennio, con scambio di ruoli... e di vittime.


Belavisa insciö: la lege statala dl 1989 che ŕ odü danfora l'introduziun dl lingaz ladin sciöche lingaz ufizial, ilň rajonân ciamň de "....seguito dal testo in LADINO" ..... Istitut Ladin Micurŕ de Rü y assessorat "ladin" tla provinzia da Balsan condüj la despartiziun "fascista" sëgn cun la norma de atuaziun dla junta revardënta l lingaz ofizial da adorč tla provinzia da Balsan n vare plü inant, "gardenese" e "badiotto" vel, i atri nia plü .....



Re: N aconsiadour dl Istitut tol posizion (ponc: 1)
da giatfosch ai 04 February 2003 da les 23:02:48
(Infos sun l utilisadour | Ti mané n messaje privat)
anfat co ch'an l'ojes: chesta dezijiun - IL y guern/Mussner - raforzeia l tort dal tripartiziun fascista. I cumplimenc a chi ch'l'ŕ fat.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.386 seconc