benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Calender de Gherdeina 2006: prejentazion
scrit ai 28 November 2005 da les 23:21:04 da noeles

Gherdeina

 

N calender saurí da lieje, da colour y davejin da la populazion

I argomenc va dal sport a les stories da zacan y les recordanzes, zeche per duc - President dla ULG é endò Egon Vinatzer

Feter dut l ann laoura la redazion dla ULG per l bon garaté dl Calënder. Ai 9 de dezember da les 18h saràl la prejentazion. L grup “Cater Tonns” sonarà de blotes melodies.

L Calender de Gherdeina 2006.




Per nia ne àl inom “Calënder de Gherdëina”. Chest liber, tant aspeté y stimé da truepa jent de temp o joena dla valeda é na publicazion che fej revive memories de nosc atenac y che met a lum ence scric emportanc dl moment che dess spo resté per for tla storia de nosta valeda y sia populazion.

Sia carateristica é propi l calender che vegn vigni meis acompagné da de beles fotografies con na curta descrizion, chest ann ti él gnù dediché na lerch emportanta a les uties plu vedles de nosc raion, con l contribut fotografich de Alber Moroder Sodlieja. Ma ence ti fueis che vegn do pòn abiné articui scialdi enteressanc. Con de bloc scric de vigni sort y con de beles fotografies atuales ma ence storiches manedes ite da la populazion enstessa, végnel trat ca argomenc plu desferenc, contan na cronica enteressanta passeda o atuala dla vita de valeda dl vigni di. I argomenc va da avenimenc dl sport, de gliejia o cosses suzedudes entant l ann, ma ence stories da zacan giata sia luegia, y nia per ultim i aniversars plu emportanc che vegn gen fermés tles recordanzes y tla storia tres l Calender.

L Calënder de Gherdeina é n liber scialdi stimé da la jent dl luech, ma ciamò de plu dai ladins che viv defora dla valeda.

“Ence chest ann, sciche vigni ann puech dant Nadel, onse endò la legreza de podei ti dediché na blota prejentazion a na edizion nueva. Feter te vigni ciasa giata chesta publicazion te stua o te n auter luech adaté, n post de onour. Vigni scrit y vigni fotografia te chesta publicazion deventarà tl temp n toch de storia emportanta de nosta valeda y de nosta jent. Perchel ti sent la Union di Ladins de Gherdëina de gré a duc chi che à judé pera, manan ite articui o documentazions fotografiches” enscì Egon Vinatrzer Presidënd dla ULG y a cef dla redazion dl Calender.

Propi ajache i scric vegn da la populazion enstessa, é l Calender tant saurì da lieje, tant da colour, tant real y enscì tant davejin a la populazion.

“Degugn ne vuel se l perde, perchel végnel ence chest ann stampé te 1.200 copies y l priesc é bele da deplù agn resté l medem, chest per ti gnì ciamò plu encontra a la populazion”, sotrisseia Vinatzer.

Dagnora laoura per chest liber truepa jent anter chi che scriv, chi che comeda, chi che ti ciala do, chi che met adum, chi che se festidieia per les fotografies y chi che stampa, duc con l enteres de fé la publicazion plajoula y saurida da lieje.

La prejentazion dl Calender de Gherdeina 2006 é en vender ai 9 de dezember da les sies da seira tla biblioteca dla Cësa di Ladins a Urtijëi. Al sonarà per abelì la seira l grup “Cater Tonns”.

 

 

L consei nuef dla Union di Ladins de Gherdëina che restarà en pe per trei agn y raprejenteia za.300 scric ite, é metù adum enscì:
Da m.c. dovia en pe: Walter Fabbro, Ewald Karbon, Stefan Kasslatter y Günther Pitscheider
Dant ca da m.c. Alex Moroder (aministradëur), Manuela Piazza (vizepresidënt), Egon Vinatzer (presidënt), Michaela Perathoner y Gilo Prugger.
Les enciaries
president: Egon Vinatzer
vizepresident: Manuela Piazza
aministradour: Alex Moroder
conseiers: Stefan Kasslatter, , Ewald Karbon, Michaela Perathoner, Günther Pitscheider, Valter Fabbro y Gilo Prugger.

 
 
 

 

 

 
Liams emparentés
· Deplú sun l tema Gherdeina
· Chier te noeles


L articul plu liet te chest tema Gherdeina:
Na festa per n fin de ben


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.368 seconc