benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Prejentazion dl vocabular dl ladin-fodom / talian-todesch
scrit ai 28 November 2005 da les 19:40:43 da noeles

Fodom

 

Per tegnì vif l ladin ence tles generazions joenes

L vocabular é vegnù dé fora con l finanziament dla lege 482/99

Al é vegnù prejenté enier domenia, 27.11.2005 tl Salf di Congresc de Reba, l nuef dizionar Fodom – Talián Todësch, metù adum da Sergio Masarei y dé fora dal Istitut Cultural Ladin Cesa de Jan. Sun paion à tegnù sie referat Giovanni Mischì, espert de lessich y autour el enstes de medemes publicazons per l idiom ladin-badiot, Nadia Chiocchetti dla Union Generela che à laoré truep laite percie che chest dizionar fodom veide la lum y samben l autour Sergio Masarei che à conté les motivazions che l à spent a n tel laour.

 



 Per Paola Agostini, ex diretoura dl Istitut Cesa de Jan, “l gran laour fat dal maester Sergio Masarei per enjigné ca l nuef “Dizionar fodom- talián – todësch” l à abù l muet de vegnì a la lum desche publicazion te n moment de maiour sensibilisazion dl descore ladin porté a livel istituzional da la lege 482/99. Ma per podei scrive y descore aldidancuei co che ai nes à ensegné te nostes families y souradut per podei tegnì vif l ladin ence tles generazions che vegnirà vuelel ester zeche che posse ester n pont segur de referiment de esperienza y de stude. “L nuef dizionar fodom de Sergio Masarei” scriv tles paroles dantfora l president dl Istitut Cesa de Jan, prof. Vito Pallabazzer, “é l’evoluzion de n laour enrescì fora dantavia da Th. Gartner, Ch. Schneller y J. Alton tl secont mez dl secul XIX. Dl 1973 l pere franzescán prof. Adalberto Pellegrini, touc su i studes bele fac, ova enjigné l “Vocabolar fodom – talián – todësch Wörterbuch. Da ilò peia via l laour fat dal Masarei. Sen desche sen pòn di che l fodom é anter i idioms dl Sela chel miec documenté y scrit, ajache l laour de archirida é vegnù slarié fora cotant y aprofondì. Te chest laour ne végnel traté nia demé l basament storich y costitutif dl fodom, ma ence les mudazions portedes ite tl descore da la val dl Cordoul su y a dut chel che i sistems nuefs de comunicazion à porté adalerch. Chest document jirà dessegur de uega per i studiousc, ma ence per duc chi che vuel conesce l ladin. Al à n gran valour souradut per i tosac da scola, che sen à na maiour poscibelté de tò su y de studié l descore de sia mere, te n mond che muda tant debota. “Al eva de gran debujen de na tel publicazion, souradut tla vijion de n slariament dl fodom scrit, che con la aprovazion dla lege 482/99 à ciapé dut sie dert de ruvé tla scola, ti documenc dl’aministrazion publica y enscì inant. L domesdì cultural é vegnù moderé dal assesoura comunala Teresa Pezzei con n antermez musical dla Famila da Pradac y de Eleonora Demattia. L dizionar l é vegnù dé fora con l finanziament dla lege 482/99 y dla Union di Ladins da Fodom per les traduzions tl todesch y l cuertl. Al ti vegnirà scinché a vigni famila de Fodom. ( ls )



 
Liams emparentés
· Deplú sun l tema Fodom
· Chier te noeles


L articul plu liet te chest tema Fodom:
Truep entusiasm per mete su na compagnia de scizeri


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Prejentazion dl vocabular dl ladin-fodom / talian-todesch (ponc: 1)
da travers ai 28 November 2005 da les 23:14:30
(Infos sun l utilisadour | Ti mané n messaje privat)
N gran compliment a Sergio. Sie dizionar e' n
contribut essenzial no deme' al revival linguistich-cultural de Fodom ma de duta la Ladinia. La Ladinia a' debujegn de Fodom: sie idiom, sies tradizions, sia storia e' pert integranta dla Ladinia.
Per la publicazion dl dizionar de Sergio a' Fodom aprofite' dla lege statala 482/99. Te Sudtirol vegn chesta fontana de contribuc refudeda con la vertola dl'automia. En realte' ti proibesc la SVP ai ladins de Badia y de Gherdeina de aprofite' de mesi che ti speta per lege.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.392 seconc