benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Enrescida sun la delibera dla provinzia
scrit ai 01 February 2003 da les 07:08:32 da noeles

Cultura

 

Dede ju vosta ousc!

La delibera dla provinzia sun l'adoranza dl lingaz ofizial, sostegnuda con n bonarat dal Istitut, ne ti à plajù a trueps nia (ciala ence articui dessot). Ence te internet végnel debatù da edemes sun chest tema y nia demé sun chest sit, ma ence tl forum sun www.stol.it. Na picera curiosité, la delibera é demé vegnuda ortieda fora per todesch y talian con letra d'acompagnament per ladin olache les istituzions vegn cherdedes a souravidlé y a se tegnì a chestes desposizions. 

Sul retrat: una dles truepes publicazions dedes fora sun la tematica. Chesta é dla Union Maestri Ladins dl 1993. L argoment ne à nia plu bria de vegnì aprofondì "scientificamenter". Al é straconesciù.



Dret demarevueia é propi la dezijion dl Consei d'Istitut che à danter si fins statutars chel de renforzé la coscienza ladina. La creazion de n lingaz standard ladin é na vedla aspirazion che va zeruch ai temps de Micurà de Rü (1800). L'Istitut, metù su dl 1977, ova ence sourantout chesta funzion. L ex diretour Craffonara Lois - do l'esperienza garateda ti Grijons - ova riesc tout su  contac con H.Schmid, l ideadour dla "Wegleitung" dl standard ladin (1993)  y ova enviè via la colaborazion con l Istitut de Fascia. I temps fova bogn chi agn, a desvalianza de encuei, dl 1985 en gaujion dl Ann di Ladins, fova n standard scrit ladin, na "einheitliche Schriftsprache", vegnù metù sun la lista dles priorités dl govern tla provinzia da Bulsan (ciala sfuei publiché da la provinzia enlaouta, an adorova enchinamai ciamò la bandiera ladina, che dova deventé con at formal dl govern ence ofiziala). Do l 1994 él vegnù fora publicazion do publicazion, ence da pert dl Istitut tla tematica, dizionars provisors tl standard dal 1997 inant y e.i. Perchel ne pon nia dì sen che al ne é nia operatif tl setour aministratif o  se tré sotfora dijan che la cossa ne é nia madura, o che al ne vegn nia azeté da la jent y e.i. La chestion é bele da passa 15 agn sun meisa y straconesciuda. L ladin standard é operatif y po vegnì adorè de gre en gre olache al se pieta sciche soluzion ideala (p.ej. material dles lites, comunicazions per trames les valedes y e.i.). A mandreta sot "enrescida" tl menu sun pruma plata podeise dé ju vosta ousc o dé ite n comentar.

Da mete averda: sce vos voleis dè ite n comentar, messeise ves registré al sit, na bona ocajion!


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 4


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Enrescida sun la delibera dla provinzia (ponc: 1)
da Dolasila ai 01 February 2003 da les 10:36:56
(Infos sun l utilisadour | Ti mané n messaje privat)
impede se crüzié ch'al vegnes adoré l ladin, se cruziai che al ne vegnes nia adoré l ladin standard.
na delibera pur tignì fora l ladin standard ma por todesch y talian: ince roba da medioevo.



Re: Enrescida sun la delibera dla provinzia (ponc: 1)
da Jandaniel ai 01 February 2003 da les 12:17:08
(Infos sun l utilisadour | Ti mané n messaje privat)
Jun mo a ti ciarè che che à bele adorè le ladin standard n iade o l'ater o ince cotan, chisc ne à degügn problems impara :

Usc di Ladins (tröp)
Ert por i Ladins (articui tl Calender Ladin)
Comunanza Ladina a Balsan (tröp)
Consulta Ladina a Balsan (ara dà ince fora sües deliberes por ladin standard - tröp)
Union Generela di Ladins
Istitut Ladin de Fascia (so sit internet è por ladin standard)
Union Scritours Agacins (tröp te articui sön l'Alto Adige)

Döt uniuns che se crüzia de chestiuns ladines.

Mësson se lascè dè dant dal certl dla "Regula" (che ne à mai fat nia) y dala SVP de Urtijei le tempo de aplicaziun tl ladin standard????



Re: Enrescida sun la delibera dla provinzia (ponc: 1)
da Janpire ai 02 February 2003 da les 19:46:54
(Infos sun l utilisadour | Ti mané n messaje privat)
La delibera dla provinzia, cun laite la nominaziun dl arat positif dl Istitut M.R., le desmotra indo n iade, l ladin standard é por l'Istitut na comedia y la partezipaziun al proiet na sort de "alibi", nët degöna convinziun iadedò, le resultat unse odü.... i me damani ma ci che ai fej te n te' Consëi .....

deperpo che tröpes uniuns à ciarè de fà promoziun ti ultims agn (articui tla Usc, tl Calender Ladin, tla stampa y i.i.), ci à pa fat la direziun dl Istitut M.R.?
gnanca da baiè spo dl assessorat che n'è gnanca stort pro al convëgn söla standardisaziun .... döt na gran savaiada, cina inultima ....

Gran comedia .... gran colloquium Retoromanistich ...

intratan dëida organisé l'Istitut Ladin cursc de todësch y inglesc ....



News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.399 seconc