benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Reunion generala dla Moviment Politich Ladins
scrit ai 23 November 2005 da les 17:47:15 da noeles

Politica

 

I LADINS dij no a la scluta di joufs dolomitics

En chesta sabeda reunion generala a Selva, da les 15.00 tla sala de calonia

La reunion generala dl moviment politich LADINS, en sabeda, ai 26, da les 15 te calonia de Selva, à dui temesc zentrai sun l program: la scluta o l daz sun i joufs dolomitics y l sistem nuef da lité l parlament talian en auter ann da d'aisciuda.



La union y la colaborazion anter les valedes ladines à sia fondamenta tla comunicazion che ne dess nia vegnì strenta ite o taieda via, ma mioreda y daideda.La posizion contra sclutes y daz ,dantdaldut per duta la popolazion dles valedes ladines, ma ence per l turism che é bele debel assé d'isté, messessa vegnì fora clera te chesta reuniun. Ence i media é enviés a la senteda.

Program

Sabeda, ai 26 de november 2005, da les 15.00 a Selva te sala dl teater de calonia
- relazion sun la situazion y l'ativité dl Moviment Politich Ladins de Heinrich Demetz y de si colaboradours
- Nia scluje i joufs, nia paié daz, ma soluzions alternatives y plu amples per smendrì l trafich. Reladour: Pezzei Christian
- Endò na lege litala contra les mendranzes. Reladour: Carlo Willeit
- Discuscion y ressoluzions.

Per la Val Badia végnel organisé n bus (5 Euro de speisa). Preibel prenotedeves pro l numer de telefon 0474 590069 o 348 8720721, al plu tert enfin ai 23 de november.
Al peia via:
La Pli 13.00, Al Plan 13.15, Lungega 13.25, Picolin/bourcia 13.35, Pederoa 13.40, Pedraces 13.50, La Ila 14.00, Corvara 14.10, Colfosch 14.15.

Comentar

Finalmenter zachei, do la Comunanza Ladina de Bulsan, che tol posizion contra i plans tl Govern provinzial de Bulsan de scluje y mete a daz i joufs dolomitics. I joufs é i liams prinzipai anter la jent dles valedes ladines dles Dolomites, i scluje vuel dì desdruje chisc liams. Nia da creie, ma te n comentar sun la USC ova rodunt l president dla Union Generela, M. Costa, declaré dant n valgugn meisc de ester a una con saré i joufs al trafich lede y che la enconteda anter i ladins dess ester plu tl spirit che tla enconteda fisica. Demé una de sies toces? Da d'aisciuda fòvel slisolé fora con "talebans",  l sistem politich te Südtirol òvel definí stalinist y e.i. Fat él endere che la Generela ne à nia tout posizion. Demé la Comunanza ladina a Bulsan à fat audí sia posizion: n no net y cler contra dezijions unilaterales en cont de n daz. Chest ann à la Generela festejé i 100 agn de union ladina, ma al ti mancia na posizion clera. Entratant se enjigna Bulsan a saré i joufs, plans y termins é bele sun meisa, demé i comuns mess plu dé pro. La chestion ne é endere fosc nia tant saurida, se tràtel pu de stredes statales che ti é vegnudes sourandedes per cie che reverda la manutenzion a la provinzia, ma nia la proprieté, al podessa ester lerch per recursc giudiziars.



 
 N daz sun i joufs: chi che vuel chestes sieves vuel desdruje les relazions interladins
 Siour Fonjo Clara: i joufs lieia les valedes
 Smendrì l trafich sun i joufs
 Joufs entourn l Sela: ostiers scetics
 Scluje i joufs entourn l Sela: Fodom dij nò
 Stude sun la fatibelté de scluje l jouf de Frera
 I joufs ladins: Mussner vuel mete su les stanges
 Joufs a paiament: an met man con l Timmelsjoch y l Stilfserjoch
 Joufs selans: AT de Gherdeina y Alta Badia a una

 

 Relevazions EURAC sun l trafich soura i joufs 



 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Reunion generala dla Moviment Politich Ladins (ponc: 1)
da giatfosch ai 23 November 2005 da les 23:50:30
(Infos sun l utilisadour | Ti mané n messaje privat)
un po' jì da Balsana Maran zenza paié daz, ince da Bornech a Porsenù, ince da Porsenù al Brenner etc. (l'autostrada pon evité). mo n badiot messass paié por jí te Gherdëina ?! la tripartizion ne basta nia, gnun con la cin-partizion.
l mur dla Ladinia: l daz.



Re: Reunion generala dla Moviment Politich Ladins (ponc: 1)
da travers ai 24 November 2005 da les 09:06:37
(Infos sun l utilisadour | Ti mané n messaje privat)
La Generela? Do che ala à sclut ju les festes per i cent agn de union ladina degugn ne sa o capesc olà che ala va y cie programs che ala à per l davegnì. Se tratòvel mo a Dispruch de la sepoltura dl moviment ladin?



Re: Reunion generala dla Moviment Politich Ladins (ponc: 1)
da Jandaniel ai 26 November 2005 da les 11:08:13
(Infos sun l utilisadour | Ti mané n messaje privat)
I soui che ne à ciamò mai traté chesta tematica, a pert valch cossa de cronaca, depierpul che Alto Adige, Dolomiten, foliec nia-ladins l à fat, ti dan ousc a les perplessités, é propi la USC di LADINS, organ dla Generela, che schiveia duc i temesc che podessa pizié politicamenter ......


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.372 seconc