benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lites comunales 2005 a Bulsan: lista LADINS ne ruva nia ite
scrit ai 07 November 2005 da les 20:11:05 da noeles

Politica

 

Al ne é nia sté meso de ouje plata

N capitul se scluj - La Consulta per i problems ladins sen metuda en discuscion

Al ne é nia plu sté meso de ouje plata do les lites de chesta aisciuda. La lista LADINS a Bulsan ne ti l'à nia fata con 169 oujes de lista; piec ciamò la cumpeida de oujes se à ciamò n iade feter smesé do les ultimes lites comunales dl 2000. 15 agn de prejenza tl Consei de Comun de Bulsan va enscì a fin. A nia ne à jové ti recordé ai litadours con cenc de letres les arjontes dla lista: la Consulta per i problems ladins y la Ciasa Alberch y e.i.
 
Do 15 agn degun raprejentant plu.
 


La Lista LADINS fajova pert dla coalizion davagnenta de Luigi Spagnolli, l ombolt é lité, la lista resta endere defora.
A Bulsan resultòvel da la ultima cumpeida 700 declarés ladins, ruvé demé a 169 oujes é perchel dret n sclet resultat che met en domanda l empegn dles persones che à laoré per tegnì inant la lista y les ativités dla Consulta per i problems ladins. La Consulta à metù a jí te duc chisc agn n grumon de iniziatives y de manifestazions, valch ence de relevanza souracomunala, y ala se à batù con determinazion per la Ciasa Alberch. La resposta dla maioranza litadours ladins: unfat sce ala é o ne é nia. Con na relevanza litala tant minima é la motivazion per tegnì n pe na tel strutura a livel comunal tamben minima, tant deplù che sen màncel n referiment politich tl Consei. Sce an rata che anter cheles 170 oujes en él na bona pert che ne é nience ladins, ma talians y todesc che à lité per simpatia la lista LADINS, deventa la cossa ciamò plu antia.
L travert de arjonje cheles 700 oujes che jiva debujegn fova bonamenter ence massa aut, do che an fova bele ruvés dl 2000 a entourn 350. Chest iade en jível debujegn 500 per ruvé ite. Rie da individué y da conesce les gaujes. Ciuldì pa nia tegnì adum pro les lites? Dessegur àl na outa mancé la sensibelté per i obietifs y la solidarité con la conseiera en ciaria Dolores Dariz. En plu se trátel de n eletorat dastramp rie da arjonje zenza n prozes de politisazion: pro i ladins ne se tràtel nia de na prejenza compata, ma de persones singules "sternudes" anter talians y todesc che é vegnudes a sté a Bulsan da les valedes ladines y che se orienteia ence politicamenter aldò de chestes comunités. La seconda generazion é oramai assimileda deplen y ne rejona de regola nia ladin, nience sce trami i genitours é ladins. Chi che laora pro la provinzia a Bulsan ne lita nia a Bulsan y à de regola la residenza te n comun ladin, giatéi pu la famousa "Ladinerzulage", bendebot de retuda speises per pendolars, per jí ite y fora. L gre de politisazion anter i ladins a Bulsan arjont  a ciaval di agn '80 y '90 à adoré na preparazion de passa 10 agn, ma al se à damprovia desfanté te chisc ultims 10 agn desche chestes ultimes lites confermeia. Da avei la mueia, ma n capitul se scluj.

 

 

 Touta de posizion dla lista LADINS sun les lites comunales
 Lites comunales 2005 a Bulsan: lista LADINS ne ruva nia ite

 Veles comunales a Bulsan ai 6 de november 2005
 La lista LADINS a Bulsan - i inoms
 Lites de comun a Bulsan: l program dla lista LADINS
 Lites: la lista ladins vegn metuda en pe
 Lites de comun a Bulsan: dantaldut unité
 Bulsan: raprejentanza politica te comun
 

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Lites comunales 2005 a Bulsan: lista LADINS ne ruva nia ite (ponc: 1)
da travers ai 07 November 2005 da les 22:00:44
(Infos sun l utilisadour | Ti mané n messaje privat)
N capitul se scluj no deme' a Bulsan ma te duta la Ladinia. L 2005 volova ester n ann de festa per pie' via da nuef, en realte' someiel tres de plu a na sepoltura a tapes dl moviment ladin. Y chest tl dejenteres total dla jent y ence de na pert dles organisazions culturales, dantaldut te Badia y Gherdeina. Ma unfat, la festa jira' inant y l ji' sot e' pu ence bel, no pa? (...e il naufragar m'e' dolce in questo mare.....)

















Re: Lites comunales 2005 a Bulsan: lista LADINS ne ruva nia ite (ponc: 1)
da Jandaniel ai 10 November 2005 da les 16:18:18
(Infos sun l utilisadour | Ti mané n messaje privat)
Le resultat pòn ma definí n te' mez dejaster, ajache an minâ veramenter che cun na lista autonoma fóssela jüda damí. Al vegn a lüm la solita identificaziun negativa, le mender denominadú deboriada "ladins" veigon che ne basta nia pur trá usc, bele dales lites provinziales nia ....


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.405 seconc