Noeles.net - Informazion ladina - Lites parlamentares 2006: prelites te Fascia

benvegnus Noeles.net - Informazion ladina

Noeles.net


Vos ne seis nia loghé ite. [ Loghé ite ]

Lites parlamentares 2006: prelites te Fascia
scrit ai 10 October 2005 da les 20:04:17 da noeles

Politica

Prelites te Fascia per les lites parlamentares 2006

La Union Autonomista Ladina (UAL) sostegn l candidat Romano Prodi dl Ulivo - Bepe Detomas y Luigi Chiocchetti: Ladins tegnon adum, la forza vegn dal grum

Ai 16 de auril vegnirál tegnù les lites primares (prelites) per designé l candidat premier dla Union che dess ti tó la venta a les lites politiches de chesta aisciuda al zenter-man dreta de Berlusconi. La UAL promuev adum ai raprejentanc dl Ulivo-SVP chestes prelites per sostegnì l candidat Romano Prodi.

La Union Autonomista Ladina cherda i litadours a les prelites. Luigi Chiocchetti y Bepe Detomas ti dà l sostegn a Prodi y vuel arjonje na candidatura ladina.

"Nosta valeda s'à embasté l am ti ultims agn de ruvé a d'avei, canche al parova belau imposcibel, na raprejentanza istituzionala. Raions vejins nes ciala per chest con respet y consciderazion", dij l deputat Bepe Detomas y l conseier ladin provinzial y regional Luigi Chiocchetti y spliga les rejons y l'emportanza dla partezipazion di litadours a les prelites:
"Te chest moment che al vegn tout la dezijion sun les candidatures per les lites politiches dl 2006 vàl debujegn che Fascia mostre endò de ester unida y determineda. L critere per chirí fora l candidat ne é nia demé les capazités desmostredes da la persona ti ultims agn, ma la candidatura depen ence dal consens che Romano Prodi arjonj anter la populazion en gaujion dles prelites.
Les prelites é na ocajion emportanta per desmostré ciamò n iade la volonté di fascians de tó pert dezijivamenter a les lites politiches y de podei tó pert ence con n sie raprejentant".

L scagn lital dles prelites per Fascia é loghé tl salf auditorium dles scoles mesanes de Poza de Fascia y é davert da les 8.00 a les 22.00 en domenia ai 16 de otober 2005.
La UAL preia la jent de jí a lité y de partí con ela l empegn y de daidé a chesta moda che la val de Fascia posse jí inant sterscia y unida politicamenter. Ladins, tegnon adum la forza vegn dal grum!

Liams emparentés

· Deplú sun l tema Politica
· Chier te noeles

L articul plu liet te chest tema Politica:
Südtirol: Karte mit historisch gewachsenen Namen

Valutazion dl articul

Cumpeida mesana de oujes: 0
Oujes: 0

Empostazions

Plata da stampé

Ti ortié chest articul a n/a amich/a

Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Lites parlamentares 2006: prelites te Fascia (ponc: 1)
da travers ai 10 October 2005 da les 23:11:38
(Infos sun l utilisadour | Ti mané n messaje privat)

La SVP che lauda soura duta l'Europa l model de sconanza dles medranzes pratiché te Sudtirol se desmentia dagnora de dì che i ladins dl Trentino se stà encuei miec che chi de Sudtirol. I fascians à n certl lital ladin, n comprensore ladin, n istitut cultural che se bat per l'unité culturala y linguistica di ladins (cie che an ne pò nia dì dl istitut "Micurà de Rü" y dl assessour Mussner), y ai pò conté sun l sostegn politich y finanziar dla provinzia zenza messei perchel ti liché l cul al partit o al capo che comana a Trent. Y te Gherdeina y Badia? Südtirol über alles, l ladin é na entité secondara che depen da la bona volonté dla SVP (finamai Mussner é steda na "invenzion" dl capo, ipse dixit Durnwalder).

Re: Lites parlamentares 2006: prelites te Fascia (ponc: 1)
da Jancarlo ai 11 October 2005 da les 20:15:46
(Infos sun l utilisadour | Ti mané n messaje privat)

Finalmenter n stop da Trent y dai ombolc de Fascia al plan de Mussner de scluje ju i joufs anter les valedes ladines.

Re: Lites parlamentares 2006: prelites te Fascia (ponc: 1)
da Jandaniel ai 11 October 2005 da les 21:47:03
(Infos sun l utilisadour | Ti mané n messaje privat)

"I fascians à n certl lital ladin, n comprensore ladin, n istitut cultural che se bat per l'unité culturala y linguistica di ladins (cie che an ne pò nia dì dl istitut "Micurà de Rü" y dl assessour Mussner)" ... y al é da speré che ai ti tegne inant bot, dantaldut tles problematiches interladines: joufs y dantaldut ence ladin standard.
Ti ultims dis él vegnù tegnù l "forum cultural ladin" metù a jí dal assessorat a Uritjei. Al ne é nience tomé na parola sun l ladin standard, nience da pert dl reladour l Intendent Roland Verra che à schivé l tema, se baudian dl auter vers al é massa puec "fruidours" de leteratura ladina, n certl massa pice de letours. El ova ciamó dant da puec agn dit "chi che é contra l ladin unifiché scrit" vuel tegnì l ladina n livel de folclor y de sotmiscion". ´
L Consei dl Istitut Ladin a San Martin de Tor, almanco liejan l articul soura la lita dl president nuef tla USC, rejona enfinamai sen de na forma unificheda, ma demé anter Badia y Gherdeina. Cie suzédel pa? Razionalmenter ne él nia meso splighé chest comportament.

Re: Lites parlamentares 2006: prelites te Fascia (ponc: 1)
da travers ai 12 October 2005 da les 18:15:13
(Infos sun l utilisadour | Ti mané n messaje privat)

La spligazion dl comportament dl Istitut "Micurà de Rü" pò vegnì chirida tles paroles dl intendent Roland Verra che dant da puec agn ova ciamó dit "chi che é contra l ladin unifiché scrit vuel tegnì l ladin a n livel de folclor y de sotmiscion". Sen, volens nolens, se àl ence el sotmetù al diktat dla SVP y de sie patron Mussner.

Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com

Implatazion: 0.376 seconc