benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Lites de comun a Bulsan: l program dla lista LADINS
scrit ai 04 October 2005 da les 15:21:13 da noeles

Cultura


La Lista LADINS ti dà sostegn a Spagnolli

N valgugn ponc fora dl program - Bulsan dess giaté na cialadura plu "ladina" con valch scrites sun edifizes publics 

Pro la cumpeida dla jent dl 2001 se ova l 0,71% dla populazion de Bulsan declaré ladina y l 4,37% a livel provinzial. La lista LADINS é dla minonga che Bulsan, desche majer luech dla provinzia de Bulsan y senta aministrativa, dess reconesce i valours storics-culturai, sozio-linguistics y economics dla componenta ladina. I ladins de Bulsan à does animes, chela de zitadin de Bulsan y chela de fé pert dla comunité ladina.



De chest dess la aministrazion comunala tegnì cont. Sovenz  à i ladins n raport plu spontan y diret che i zitadins talians y todesc y é daverc a laoré adum, ma ei rata che al sie emportant de mantegnì inant sia identité.

Program dla Lista LADINS
 
La lista LADINS de Bulsan compartesc i prinzips y les linges generales dla Moviment Politich LADINS. Ala compartesc tamben l program aministratif dl candidat a d'ombolt Luigi Spagnolli y chel dla lista liada a d'el. Laprò dess chest program vedei dantfora n valgugn ponc particolars dla lista LADINS:
- la partezipazion di ladins al manejament dla zité, capitala dla provinzia, con na raprejentanza efetiva te valch organisms de govern y de partezipazion comunala;
- consciderazion efetiva dl personal ladin te comun;
- fé vedei deforavia, tres scrites, traduzions y reclams che ence i zitadins ladins fej pert dla zité.

Demé na relazion plu avaliveda anter benester economich, svilup cultural y sconanza personala y ambientala permet che i zitadins tole pert duc a una al progres dla zité.

Na aministrazion reidla y endretura
Cie che al é suzedù tl passé desmostra tant saurì che certes politiches pò deventé clientelares y comporté desvalivanzes de tratament di zitadins. Dlongia regoles rejonoules y n control vàl debujegn de responsabelté y de n bon servisc. An se damana:

- na couta sun l refudam aldò de criteres de chi che l gaujeia;
- la poscibelté de parché per i pendolars che sta te n apartament o te na ciamena en afit via per l'edema a Bulsan;
- che al vegne raté da nuef la couta ICI;
- la comedura di trois da jí con la roda te posc' de pericul;
- la sconanza y garanzies per i consumadours che compra cuartiers y deplù control canche al ti vegn sourandé laours de costruzion a dites;
- architedes dl bus dantaldut dlongia les ciases da paussa
- l potenziament dl servisc de trasport publich con mini-bus per i raions de Firmian, Don Bosco, Villa Europa y les cliniches privates;
- che al vegne metù plu averda canche al vegn tout su personal per les ciases de paussa;
- che al vegne fat na cumpeida dles persones atempedes soura i 75 agn che giata na pension minima y che viv da soules o che ne à nia parentela, per podei ti sporje n sostegn.

Ponc particolars ladins:
 
Scrites per ladin (standard)
Al va debujegn de fé plu cler che tla zité vível ence ladins, anter l auter tres la denominazion de edifizes publics plu emportanc dla zité per ladin (p.ej. nuef teater comunal), pro la indicazion dles plazes y tla denominazion dla zité enstessa, reconescian efetivamenter la comunité ladina tres scrites trilinghes (talian, todesch y ladin).
Traduzion de scritures promozionales y dl statut de comun ence per ladin standard.

La Ciasa-Alberch
I ladins se ghira de manejé enstesc la Ciasa-Alberch te Via Novacella (raion ex-fiera) y la revijion di criteres, en particolar per cie che reverda la fascia de davagn. En plu vuelen vedei dantfora la poscibelté de fité via i cuartiers ence a ladins che vegn da Fascia, Fodom, Col S. Lizia y Ampez, atualmenter sarés fora da la deliberazion dla jonta provinziala.
Per mané inant les ativités dla Consulta per i problems ladins se damànen na alogazion finanziara aldò.

Scolines
Sce i genitours se l damana, déssel vegnì individué les scolines oláche al é n majer numer de mutons ladins, per introduje valch ora de cultura ladina.



 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Lites de comun a Buslan: l program dla lista LADINS (ponc: 1)
da giatfosch ai 05 October 2005 da les 14:57:18
(Infos sun l utilisadour | Ti mané n messaje privat)
der interessant sciöche la Dolomiten ne scrij nia n articul sön i Ladins. N grömun de listes ven prejentades, mo la lista Ladins nia.
Prawda docet: Brett vor dem Kopf.

Mo spo can che ara va da dé fora insinuaziuns y comentars che criminaliseia i ladins, é la Dolomiten atira arjignada.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.389 seconc