La Consulta Ladina a Balsan y les manifestaziuns 2003

Ince en chësc ann á le Comun da Balsan metü 24.100.- euro a desposiziun por la Consulta ladina y por so program d’ativitês. Le contribut è tomé fora 2.200 euro plü alt co l’ann passé. Tla ultima  sentada dl Consëi dla Consulta él gnü deliberé al’unanimité le program por l’ann 2003.

Al gnará metü a jí: na sëra d’ informaziun cun la comunité ladina, en conzert de musica lirica, la presentaziun di dui libri „Dolomites" (Pescoller/Erardi) y „La roda dl tëmp" (Mischì/Clara), en teater por ladin (idiom dla Val Badia), na festa al Ciastel Roncolo cun les musighes (Val Badia, Gherdëna, Val de Fascia y Cortina d’Ampëz) y n convëgn cun la stampa dles relaziuns al Ciastel Maretsch, n Conzert cun la fam. Schuen da La Val y dedô la ciastagnada, en plü 3 sëres d’ informaziun cun dates ciamo da stabili. Sciöche in l'ann passé se fistidiarán de pité cornisc musicala intratan le marcé da Nadé. Al gnarà cherdé ite na musiga a soné y en ocajiun dl Advënt gnarál spo ince organisé na festa ala jënt vedla che é te na ciasa de palsa cun le cor di mituns da Lungiarü. Tröpes manifestaziuns gnará organisades y en pert finanziades dala Comunanza ladina cun le sostëgn finanziar dla Provinzia Autonoma da Bulsan y dal Comun da Bulsan. La segreteria dla Consulta ladina Cherubina Nagler se cruziará por l’organiziaziun.