benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Di europeich di lingac: comunicat di 3 assessours a la scola de Bulsan
scrit ai 26 September 2005 da les 14:35:49 da noeles

Cultura


Di europeich di lingac

Deplù lingac mantegn l cervel te n bon eserzize y al resta plu dinamich da emparé cosses nueves

Tl’ Europa végnel rejoné za. 200 lingac. Na gauja chesta per festejé chesta pluralité tl “Di europeich di lingac” ai 26 de setember y per recordé l’emportanza di lingac, a pié via da chel dla oma. “L lingaz dla oma é la fondamenta per duc i autri lingac. Tl lingaz dla oma vìvel mic arcaics, lijendes y conties, la storia y l pensier de n popul”, scriv i assessours a la scola dla provinzia de Bulsan.



La conescenza de deplù lingac é nezesciara per che al souravive la pluralité linguistica y culturala dl’Europa. Al é n strument emportant per jì tl mond dl laour, per se integré sozialmenter y per podei se mueve aladò dles ghiranzes dla mobilté dl mond dl laour aldidancuei
I messon vedei ite che l lingaz n’é nia valch de stare, ma che al se svilupeia con les persones tla vita da vigni di. “N lingaz pò demé souravive sce i genitours l rejona con si mutons tla vita da vigni di, te familia, sce al vegn adoré te scola y tl temp lede” végnel dit inant tl comunicat.
Al dess gnì anuzé dutes les ocajions per mete man adora assé da emparé ence lingac nuefs. I savon tant emportant che al é da vegnì confrontés con d’autri lingac bele denant che pié via a scola.
La promozion dl lingaz dla oma y di autri lingac che vegn ensegnés mess vegnì sostegnuda te duc siei aspec: l audì, l rejoné, l lieje y l scrive. La conescenza de deplù lingac é na gran richeza y al n’é mai massa tert per se dé ju empera. Al vegn desmostré scientificamenter che la conzentrazion tl’eté atempeda é majera pro les persones che rejona deplù lingac. “Deplù lingac mantegn l cervel te n bon eserzize y al resta plu dinamich da emparé cosses nueves”, végnel scrit tl comunicat di 3 assessours a la scola. “Chesta é na gauja en plu per emparé d’autri lingac ence ciamò plu tert”. (osp)

 

Deplù informazions sot:
Di di lingac europeics


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


tema colié / temesc coliés

Aministrazion

Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Di europeich di lingac: comunicat di 3 assessours a la scola de Bulsan (ponc: 1)
da giatfosch ai 26 September 2005 da les 17:09:04
(Infos sun l utilisadour | Ti mané n messaje privat)
parores fariseiches:

tl medem mument mantign Mussner impè la proibiziun dl Ladin standard tl'aministraziun publica.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.374 seconc