Viade tla Engiadina Auta y tla Val Müstair
Sabeda ai 24 y domenia ai 25 de setember 2005: prenotazions pro l president Ivan Lezuo
Chest ann à la Comunanza Ladina fat fora de organisé n viade cultural de doi dis tla Svizra per jì a vijité i raions romanc-ladins dl’ Engiadina Auta y dla Val Müstair y l paisc extradoganal de Livigno.
L convent (claustra) de Son Gion a Müstair, declaré monument mondial da l'UNESCO.
L priesc per tò pert a chest viade é de € 65.00. (la marena de domenia 25 de setember é da paié extra). A chest viade é enviés de cuer duc i ladins y aderenc; chi che vuel tò pert é priés de se anunzié al numer de telefon 0471-952197 de Lezuo Ivan.
En sabeda jonse a vijité l paisc extradoganal de Livigno y do marena passonse soura la Forcola de Livigno fora per arjonje l jouf de Bernina. Plu tert jonse a la ‘’Chesa Planta’’ de Samedan olà che podon tò pert a na vijita viseda al museum etnografich y al archif cultural dl’Engiadina Auta. Da seira ruvonse al Hotel Restorant ‘’Chasa Chalavaina’’ de Müstair, ciasa storica dla storia grijona, olà che i ston a cené y a dormì. L di dedò che é domenia jonse da mesa a les diesc a scuté pro la messa cianteda en romanc tla gliejia dl convent de Son Gion. Da mesdì jonse a marena tl pice y plajoul paisc de Lü, n comun de 50 abitanc a 1920 m d’auteza. Domesdì jonse a vijité l paisc de Fuldera y puec dedò jonse zeruch a Müstair olà ch’an pò tò pert a na vijita viseda al museum y a la gliejia dl Convent de Son Jon, declaré patrimone cultural dl’Unesco.
PROGRAM
SABEDA 24 DE SETEMBER 2005
|
Ores |
8.00 |
L bus dla Firma Mahlknecht da Steinegg va demez da la senta dla Comunanza Ladina a Bulsan (Streda Roen n. 6) y furneia su per la val dl Venuost enfin a Glorenza/Glurns. Da chilò peiel su per la Val Müstair, passa l confin de Tubre/Taufers y sta chiet a S.Maria per n 1/4 d’ora de paussa. Da chilò vàl soura l ‘’Pass dal Fuorn’’ fora y al ruva a Livigno da les 11.00. Chilò duc pò jì a vijité l paisc enfin a l’ora de marena. |
|
Ores |
12.30 |
Marena al restorant Hotel Palù de Livigno con spezialité dl luech. Da les 14.30 pionse via per l jouf de Bernina olà che ruvonse da les 15.00 per na paussa de na mesora. Da chest post pòn amiré l Piz Palü (3905 m), l Piz Bernina (4049 m) y l glacier dl Diavolezza. Sce i on fortuna podonse ence vedei passé la conesciuda ferata “Bernina Express” che da Tirano furneia enfin a St. Moritz/San Murézzan. |
|
Ores |
16.00 |
Vijita viseda a la ‘’Chesa Planta’’ de Samedan, museum etnografich y archif cultural dl’Engiadina Auta. Chi che ne à nia interes a vedei l museum pò se fé na spazireda te chest bel paisc. Da les 17.30 peia l bus via da Samedan y va contra Zernez y da chilò inant vàl fora per l Parch Nazional enfin a l’Hotel Chasa Chalavaina de Müstair olà ch’al ruva entourn a les 18.45. |
|
Ores |
19.30 |
Ceina tl restorant dl’Hotel Chasa Chalavaina con spezialités dla Val Müstair. Te chesta vedla ciasa à i sourastanc dles lies grijones dormì la nuet dant la gran batalia de Chalavaina/Kalvenschlacht l ann 1499 ; do passa 506 agn stonse ence nos chilò souranuet. |
DOMENIA 25 DE SETEMBER 2005
|
Ores |
9.30 |
Messa cianteda en romanc tla gliejia dl Convent. Do messa vijita al paisc de Müstair y entourn a les 11.30 jon duc canc su a vijité Lü (1920 m), l plu pice y plu aut comun d’Europa. |
|
Ores |
12.00 |
Marena al Gasthof Hirschen de Lü a n bon priesc con vijita al paisc y a la picera gliejia reformeda. |
|
Ores |
14.15 |
Vijita dl paisc de Fuldera y partenza per Müstair entourn a les 14.45. |
|
Ores |
15.00 |
Vijita viseda al museum dla ‘’Clostra de Son Gion’’ y a la gliejia, patrimone dl’Unesco. Da les 16.30 peia l bus via da Müstair per jì zeruch a Bulsan. |
|
Ores |
18.00 |
L bus ruva a Bulsan pro la senta dla Comunanza Ladina. |
