Prum resson dal IV Colloquium Retoromanistich
scrit ai 30 August 2005 da les 13:45:08 da noeles |
|
L luminous y scur de San Denêl tl Friul
L miour resultat é chel che al vegne rejoné, che an s’enconta y che an empare a se conesce
 L IV Colloquium retoromanistich a San Denêl tl Friul à dé zenzauter n’autra sburla a la conescenza interladina tres na lingia de referac che à ence toché i raporc i vedli y nuefs anter i trei grups de ladins: furlans, dolomitans y rumanc. Almanco a livel de scienza ésen tres y plu a una che l raport linguistich à sie fondament. Souraldut dalonc é ciamò i raporc a livel politich, ma ence a chel pratich de colaborazion.
Sun plaza a San Denel/San Daniele da seira.
Bona é steda la partezipazion da pert de i ladins de Trent con la Majon y sies autorités; degunes de chestes da pert de Bulsan. Bona la raprejentanza dla Union di ladins de Gherdeina y per valch moment ence chela dla Generala. Viva la prejenza dl comelich y dl Istitut cultural de Borcia. L miour resultat é chel che al vegne rejoné, che an s’enconta y che an empare a se conesce. La sfessa é ciamò grana, ma ala vegnirà stopeda pro n puech a la outa. Valgugn da Bulsan se sgricia ciamò de chisc contac, ajache per chisc é l mond demé Südtirol y ai ne veid nia ite l’emportanza dla mendranza a livel europeich. (jp)
|
