benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

A la chirida dla identité
scrit ai 24 August 2005 da les 08:41:28 da noeles

Cultura

 

La dreta cultura é l’identité de na mendranza

A Trent va les cosses autramenter che a Bulsan

N conzet vegn vigni tant a la lum tla seconda publicazion prejenteda en gaujon dla festa te Ampez: “Alla ricerca dell’unità perduta”, scrita da De Grandi Cristina. Al se trata dl liam politich che na Union a carater general, desche la Generala, mess assolutamenter tegnì en conscidrazion. Na tel Union ne pò nia demé se bate per la cultura, ma ala mess ence dialoghé y aconsié i oms dla politica che à l dovei de garantì la basa, les condizions per l svilup dla cultura de na mendranza.

 

 



Tegnan cont dl raion interregional d’azion, d’influs y d’emportanza che la Generala tol ite, ne pòn nia pertene da na certa politica de partit che la Generala feje demé folclor, manifestazions corales, de bal, concurs de leteratura, de cripeles da Nadel, de zaindli y e i.. La dreta cultura é l’identité de na mendranza, ala é sia storia, sie vive y dantdaldut sie davegnì. Per mantegnì chesta identité ne bàstel nia demé fé damat, tegnì sfiledes per plajei ai sciori, ai turisc', ma al vuel ester impegn, idees, discuscions, educazion y na scola aladò. Al vuel ester na vijion cultural-politica dla mendranza, n intent de scomenciadives per tegnì empieda l’idea dla mendranza, sia vitalité desche comunité. 

Dut chest comporta samben finanziamenc, ence demé bele per tegnì adum i sozes che laora per l souravive cultural y politich dla mendranza y de duta la mendranza y no demé de na pert. Dut chest ne veid Durnwalder nia ite y al é dutaorela dla minonga che la cultura de na mendranza, sia identité, messe passé tres les mans di ombolc, souradut chi dla Val Badia y de Gherdeina. Y al é n spetacul miserabel messei constaté che les aziendes de turism, a una con i assessours a la cultura di comuns, organiseia demé manifestazions en funzion dl turism anuzan enchinamai les gliejies a chest fin. Iniò ne sautel fora l’idea dla mendranza sce al ne é nia valch union aposta che deida pro.

A Trent va les cosses autramenter. L fat che Trent ae reconesciù la Generala y sie a una de la tò ite tl organism interregional (lege 482/99) dij fora cler olache al é liberté y olà servitù. (uc)


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.351 seconc