La Lista Ladins ma in pert contënta cun la delibera dl Govern Provinzial - Standard por ac publics adressà a düc i ladins - Ara se damana ince le reconescimënt di idioms da suramunt pro l'ejam de trilinguism
Cun la soluziun provisoria deliberada chisc dis dal Govern provinzial da adorè tl setur publich le badiot y le gherdëna é la Lista LADINS prinzipalmënter a öna, tan inant che al se trata de documënc che reverda öna dles döes valades; mo por ac publics in general che interessëia la mendranza ladina intiera, sciöche p.ej. leges y ordinamënc dla provinzia/regiun y i.i., recorda la Lista LADINS che la poscibilité da adorè la forma de ladin standard é incö porater bele dada. A odüda lungia é na forma standardisada de lingaz de scritöra val’de nezesciar y d’inevitabl.
Chësc nia ma por scemplifiché la burocrazia, mo ince por portè les valades ladines danter ëres plü adöm y por renforzé süa cosciënza y identité culturala. Implü se damana la Lista LADINS che la Provinzia reconësces ince i idioms ladins dles döes provinzies vijines (fodom, fascian y ampezan)a na manira da ti garantí ai zitadins interessà n azès parifiché ai concursc publics y al ejam de trilinguism.
