benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

I joufs ladins: Mussner vuel mete su les stanges
scrit ai 04 August 2005 da les 14:14:55 da noeles

Politica

 

I joufs dolomitans lieia dantaldut les valedes

L plan dla Svp ne tegn net nia cont che i joufs é les vies prinzipales anter les valedes ladines - Contac interladins a paiament tl davegní? - Deguna union ne ŕ protesté enfin a sen

Saré ju i joufs dolomitans al trafich lede y tré ite na sort de daz per passé, chest é l plan dl assessour Mussner che ruva tres endň sun la stampa. El se imagineia enfinamai che les prumes stanges posse vegně metudes su dl 2007. 

L davegní dl trafich anter les valedes ladines, dant vigni jouf na stazion dl daz con stanges dant?

 



Les autres provinzies, Trent y Belun, ne veid chest plan daldut nia de bon uedl, nience la Val Badia. La Academia Europea (AE) de Bulsan ŕ fat n stude che ti dŕ samben  sostegn a la politica dla Svp.

Te duta la chestion ne él endere mai gnů trat ca clermenter l aspet che i 4 joufs entourn l Sela y i joufs de Arparora y de Fauzares fova y é i trois prinzipai de comunicazion anter les valedes ladines. Messessa enuncheltant n fodom o n ampezan che abiteia a Bulsan paié doi iadesc n daz per ruvé ta Fodom o via en Ampez? O un dla Val Badia messei fé la roda a Toblach per ruvé via Cortina de Ampez, sce al ne vuel nia paié n daz.  Una na cossa él saré ju valch streda al trafich lede da na pert fora, na autra cossa él mete a paiament  les soules arteries prinzipales de moviment anter les vals ladines. L efet psicologich dastramp negatif ne é nia da sotvaluté. Liams personai y de partegnuda, liams economics: artejans ladins che roda da val a val a laoré, fornidours per l setour turistich che vegn dantaldut tla Val Badia da sud, giatassa n bel gran enciamp tles stanges che Mussner vuel mete su.

Enfin a ciamň ne ŕn audí degunes protestes ofiziales contra i plans de F. Mussner, nience da valch union di ladins, p.ej. da la Union Generela, che ne pň nia cialé pro desche vigni valeda ladina vegn scluta ju con na stangia da la valeda vejina.

L fascism á spidicé la Ladinia anter l 1923 al 1927. Tré su confins nuefs sun i joufs deida renforzé chesta tripartizion.

Sce al essa n iade da vegně trat ite na transiadura, na sort de daz, spo ne pň i ladins te degun caje vegně sotmetus a na tel grovaria nia-azetabla. Scenň auter  messéssen pensé a fé tuniei de coliament anter les valedes n pue plu albas di joufs.

Reba y dovia l Sela, l cuer dla Ladinia. 

 
 
 Siour Fonjo Clara: i joufs lieia les valedes
 Smendrě l trafich sun i joufs
 Joufs entourn l Sela: ostiers scetics
 Scluje i joufs entourn l Sela: Fodom dij nň
 Stude sun la fatibelté de scluje l jouf de Frera

 
 

 

 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 5
Oujes: 2


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: I joufs ladins: Mussner vuel mete su les stanges (ponc: 1)
da Jancarlo ai 06 August 2005 da les 09:46:33
(Infos sun l utilisadour | Ti mané n messaje privat)
L ombolt de Corvara á rejon: ciodí saré i joufs entourn l Sela, con la medema rejon podessa chi da Salurn dí stop che é cotan, cotan plu tochés dal trafich de passaje, anter l auter propi ence da chel che ruva, per plajei, ti luesc turistics dles Dolomites y per ruvé te chisc luesc méssen sovenz ence passé per luesc turistics.



Durnwalder ŕ dir che la jent dl post po se anuzč i jus deban (ponc: 1)
da paulsen ai 22 August 2005 da les 08:09:22
(Infos sun l utilisadour | Ti mané n messaje privat)
Döta chësta polemica por nia...(brëia dan le ce), Dunwalder ŕ pö dit che la jënt dl post po raité ia y deban tan dî che ëi ô.



Re: I joufs ladins: Mussner vuel mete su les stanges (ponc: 1)
da paulsen ai 08 August 2005 da les 09:37:55
(Infos sun l utilisadour | Ti mané n messaje privat)
Chilň veigun mefo en pröma dldöt la posiziun ideologica dl articulist cuntra döt ci che Mussner dij y fej.

La realté é indere te chësc cajo döt n’atra: l’idea de fŕ paié n daz por passé sura i jus ia é gnöda sö bele ti agn ’90, dl’ater vers méssen ponsé che fora te Österreich paiun feter indlungh 7-8 euro sön les strades de munt y al é na cossa dldöt normala.



Re: I joufs ladins: Mussner vuel mete su les stanges (ponc: 1)
da Jandaniel ai 08 August 2005 da les 11:21:04
(Infos sun l utilisadour | Ti mané n messaje privat)
Tant scempla sciche Paulsen la descriv ne éla nia: pro les stredes alpines a daz tl'Austria se trátel esclusivamenter de "Hochalpenstraßen", vies secondares panoramiches, en genereal ciamň plu autes che i joufs dl Sela y saredes entratant la sajon da d'invern (Großglockner, Silvretta, Timmelsjoch), endut demé 6 te duta l'Austria. Chestes stredes é daldut secondares tla rei de coliament dl'Austria, donca de natura demé panoramica (dlonch él tuniei per l trafich normal dlongia o nia massa dancialá). Ales pó perchel ence vegní metudes a daz, davia che al é na sort de luxus.
Dut n auter contest onse tles Dolomites. I joufs lieia les valedes ladines, l raion de na comunité de mendranza, (che les stredes saredes tl'Austria ne fej nia). Les stredes soura i joufs é tant che dutalann davertes y messessa perdret vegní ence seguredes y jí en pert te tuniei. Chesta fossa la priorité.
I tentatifs de Mussner de porté inant n plan de i scluje, desmostra che al ne á deguna vijion che al ejisteia na comunité ladina soura la provinzia de Bulsan fora che auda ence da avei vies de comunicazions modernes y asveltes che la lieia. Per ruvé ite a Proveis y Laurein tl Deutschnonsberg án fat tuniei alangrana y an ne ŕ sconé degunes speises, enfinamai la "Dolomiten" á definí l tunel n "luxus"; ciuldí ne féjen pa nia l medem tles Dolomites, sce l trafich soura i joufs desturba tant. Chest ne é nience mai gnů tout en consciderazion.




Re: I joufs ladins: Mussner vuel mete su les stanges (ponc: 1)
da giatfosch ai 08 August 2005 da les 13:00:00
(Infos sun l utilisadour | Ti mané n messaje privat)
an veiga dantadöt la posiziun ideologica de paulsen che n'ô nia odëi les desvalianzes essenziales.
Les strades di jus é le su coliament danter les valades ladines. La tripartiziun ne i basta nia ....
Mussner fej ince l'interčs dl turism de Gherdëina, che vëiga ingert l transit tres la valada - che chi che röia tla valada gauja transit altró i é pa ben unfat - y che n'ô nia che i turisc vais ia tla Val Badia.



Re: I joufs ladins: Mussner vuel mete su les stanges (ponc: 1)
da travers ai 08 August 2005 da les 13:16:40
(Infos sun l utilisadour | Ti mané n messaje privat)
Y cie dij pa siei amisc badioc dla SVP ladina? Nia, ai é a servisc de chi de Gherdeina.



Re: I joufs ladins: Mussner vuel mete su les stanges (ponc: 1)
da giatfosch ai 08 August 2005 da les 13:26:57
(Infos sun l utilisadour | Ti mané n messaje privat)
te ne pensaras pö nia che valgügn ais l coraji da articulé na söa posiziun (sc'ai n'á üna) !?



Re: I joufs ladins: Mussner vuel mete su les stanges (ponc: 1)
da travers ai 08 August 2005 da les 14:41:38
(Infos sun l utilisadour | Ti mané n messaje privat)
Donca n clap de biesces con n famei ghedeina y n patron puster. Can podonse mo vedei l "Almabtrieb" valbadiot?



Re: I joufs ladins: Mussner vuel mete su les stanges (ponc: 1)
da Jepele ai 08 August 2005 da les 15:10:11
(Infos sun l utilisadour | Ti mané n messaje privat)
Dlonch tla Europa tňlen ju les stanges, tla Ladinia en vuelen mete su.
Nos on parenc via en Gherdeina. Messássen tl davegní paié l daz Mussner per jí via, depierpul che duc pň autró jí liberamenter sun les stredes? Sce, spo dess duc vegní tratés unfat. Les stredes soura i joufs é de interes publich y nia "privates" dla provinzia de Bulsan che ala pň scluje o daurí desche ala vuel.

Ie son dla minonga, desche giatfosch scriv, che l assessour fej demé l interes dl turism de Gherdeina .... l auter é demé bla, bla, bla .....



brëia dan ai ces de tröc ladins (ponc: 1)
da paulsen ai 08 August 2005 da les 17:00:49
(Infos sun l utilisadour | Ti mané n messaje privat)
Vigun po s’la ponse sciöche al ô, l vize-president dla CIPRA ŕ dit incö che l unich meso de desgorje l trafich dai jus č i saré por val’ora al dč, iö ti da dërt.

La vertora che i jus podess ester de dann ala mendranza ladina č pö dldöt na inveziun de val’ berba. De dann ai ladins č pö döt val d’ater, nia les strades, mo che brëia dan ai ces de tröc ladins.



Re: I joufs ladins: Mussner vuel mete su les stanges (ponc: 1)
da giatfosch ai 08 August 2005 da les 17:56:47
(Infos sun l utilisadour | Ti mané n messaje privat)
Paulsen é begn na persona che jora der bas.
Ciodě ne meton nia n daz sön la strada de Puster, che ŕ tan tröp trafich?
La breia dant al cé a chi ladins che se doda de söa identité, m mo tira dant la "breia" a chi che ô mantigně cösta identité ... y ne röia te söa vita mai sora i confins dl taě dla SVP y de Südtirol fora. Strentöra de cé spaventosa, orizont cultural degün. Imparé da se cüfé dant ala podesté, nia ater. I dijon de tai ince a Magnago che ai ess pa na breia enzaolá?
Por ci é bun n daz - sce no por les finanzes dla provinzia; y por fŕ paié chi che va sora le jú ia:


l contat interladin sarŕ tl dagně a paiament.





Re: I joufs ladins: Mussner vuel mete su les stanges (ponc: 1)
da Jancarlo ai 08 August 2005 da les 18:58:07
(Infos sun l utilisadour | Ti mané n messaje privat)
I me ŕ sen aposta liet ju l stude dla EURAC de Bulsan´sce al contegn valch referiment sun la emportanza per i contac interladins di joufs, nia de nia. Samben ne é chest nience n argoment per la CIPRA, per ela se trátela dla sconanza dl ambient.
I son tres ciamň dla minonga che da achieté ju l trafich déssen mete man autró y nia sun i joufs dles Dolomites che á dlongia l turism ence bendebot de emportanza per la jent locala per se mueve, ence per motifs turistics.
I fossa ence a una da i saré, ma an mess crié alternatives, p.ej. tuniei sotfora per podei jí liberamenter da valeda a valeda.
Cie breia dant l cef miena pa Paulsen? El tira dant chest, ma ne dij nia cie y co y ne porta nience dant n argoment, ciuldiche al rata dert scluje o fé a paiament i joufs? Demé ciuldiche al é la Svp che meina do?



Re: I joufs ladins: Mussner vuel mete su les stanges (ponc: 1)
da Jancarlo ai 09 August 2005 da les 15:11:08
(Infos sun l utilisadour | Ti mané n messaje privat)
"Le prime indicazioni sono di far pagare 5 euro alle autovetture e alle motociclette, 12 euro ai furgoni ed ai camper e ben 25 euro ai pullman. L’assessore Mussner ha ribadito che contatterŕ le Province di Trento e di Belluno per riuscire a trovare un accordo sull’introduzione del pedaggio attorno al gruppo del Sella", da lieje encuei tl Alto Adige.
Speron che Trent y Belun ti dije n bel no da ai plans dla Svp. Al mess vegní giaté de autres soluzions.




Re: I joufs ladins: Mussner vuel mete su les stanges (ponc: 1)
da Claudio ai 09 August 2005 da les 22:53:11
(Infos sun l utilisadour | Ti mané n messaje privat)
Dede sö vigni speranza!!
Mussner ne fajarŕ nia per condüje adöm la Ladinia, ci che al ŕ fat cina segn le desmostra tlermenter:
- dal scomenciament inant boicot dl ladin unifiché scrit;
- al dij scé al sbarament lital cuntra i ladins, scebegn che la Curt Costituzionala ŕ tlermenter dit no al sbarament tla provinzia de Balsan
- boicot dla Generela tl cheder dla lege 489/99. Al oress avei i scioldi dla lege (por finanzié la Cesa di Ladins a Urtijei), mo nia la colaboraziun interladina;
- al ne ŕ mai cherdé ite i ombolc, al gnarŕ sforzé nuncheltant, mo al ne ŕ degönes vijiuns (so no al lingaz scrit unifiché le desmostra), tambegn che al
ó saré i jus por interes dl turism de Gherdeina y oress la oje sciöche sce al foss n "benefatur".



Re: I joufs ladins: Mussner vuel mete su les stanges (ponc: 1)
da Jancarlo ai 12 August 2005 da les 17:03:16
(Infos sun l utilisadour | Ti mané n messaje privat)
Paulsen scuta: se ŕl mo tut demez la breia dant al cé?



Re: I joufs ladins: Mussner vuel mete su les stanges (ponc: 1)
da Claudio ai 15 August 2005 da les 11:14:14
(Infos sun l utilisadour | Ti mané n messaje privat)
Che al é ence d'autres soluzions a scluje ju les stredes pón vedei tla auta Val de Puster, oláche al é vegnú fat dlonch zirconvalazions di paisc y tuniei, sen vŕn saurí te na picia mesa ora da Bornech al confin de stat ....

Ence per i joufs dolomitics méssen naouta pensé a zirconvalazions y a tuniei denant che scluje l trafich ... n plu soura i joufs él demé puec meisc al ann n gran trafich



Re: I joufs ladins: Mussner vuel mete su les stanges (ponc: 1)
da Claudio ai 23 August 2005 da les 20:41:11
(Infos sun l utilisadour | Ti mané n messaje privat)
Paulsen scriv: da paulsen ai 22 August 2005 da les 08:09:22
(Userinfo | Ortié l articul)
Döta chësta polemica por nia...(brëia dan le ce), Dunwalder ŕ pö dit che la jënt dl post po raité ia y deban tan dî che ëi ô.


Cie vuel pa dí jent dl post: de dutes les provinzies confinantes? Canche ala vegn a les dretes vuei vedei, sce an fej de tel distinzions. Messen porté para la declarazion al grup linguistich? Sce un ne ŕ nia la residenza te n comun confinant méssel fé la outa per ne paié nia? O méssel aspeté n valgunes ores denant che podei passé?


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.420 seconc