L’Intendenza ladina lascia al savei che l termin per scluje ju i contrac de laour nia a termen (rode) y per l’assegnazion di posć ledesc sun la basa di concursc y dla graduatoria permanenta toma ai 11 de aost 2005 da les 9.00 inant tla Intendenza Ladina, Bindergasse 29, a Bulsan.

Da les 9.00 vegniràl partì fora i posć ledesc tles scoles elementares. Da les 9.30 inant vegniràl assegné i posć ledesc y les catedres a temp parzial tles scoles mesanes y autes. Dutes les persones interessedes é enviedes a tò pert.

L envit vel per chestes classes de concurs:

Scola mesana: talian, todesch, conc, ladin, ingleis, educazion artistica, educazion tecnica, mujiga, sostegn. Catedres a temp parzial: mujiga, educazion tecnica.

Scola auta: fotografia y grafica publizitara, tecnica aziendala y comerziala, dessegn geometrich y architetonich, ert plastica, dessegn y storia dl’ert, lingaz y leteratura taliana, conc, matematica aplicheda, matematica y fisica, lingaz y cultura ingleisa, materies leterares per todesch, scienzes naturales, chimica y geografia, storia dl’ert, lingaz y cultura ladina. Catedres a temp parzial: matematica aplicheda, materies giuridiches y economiches, lingaz y cultura ingleisa, lingaz y cultura spagnola, geografia, matematica y fisica, materies leterares per todesch. (osp)