benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La revista nueva dla Academia Europea - tema: l islam
scrit ai 22 July 2005 da les 18:40:20 da noeles

Politica

 

Union Europea, islam y la Turchia

L ultim numer de "Academia", la revista dla EURAC de Bulsan, trata dles relazions anter la Union Europea y l islam - An pò ence la desçiarié ju

Revista dla Academia EuropeaLa parola terorism lieien encuei feter automaticamenter a islam, nia empermò da canche al é suzedù i ultims atentac tla metropolitana de Londra. Les pilores dles esplojions, de jent teroriseda a Londra, les mesures de majera segurté te stazions, sun metropolitanes y l fat che an scomencia endò a fé controi ai confins nes fej zaco tema. L pericul che nes manacia é l fondamentalism islamich, díjen.



L ultim numer de Academia, la revista dla Academia Europea a Bulsan, ciala de sclarì tant emportanta y ciuna che é la funzion dla religion islamica tla discuscion politica, economica y soziala.
Ciáfiel da ester n islam democratich? Ciuldì ne vuel pa trueps nia che la Turchia ruve a fé pert dla Union Europea (UE)? Co brancia pa ite la UE te chestions religiouses, sce ala les regoleia? Co se stàla pa con la chestion dl "fazorel" y dl "crist" sun i pareis tles scoles? Te chest ultim numer de "Academia" végnel trat ca chestes domandes y an ciala da ti respone, zenza pregiudizes o dí cosses che an à bele audí n grum de iadesc.
La revista contegn na lingia de contribuc: tema zentral é la Turchia y tant che chest paisc de 60 milions de abitanc se fej ert de vegní devers la Europa. Anter Union Europea y Turchia él truepes descordanzes de veduda propi per gauja dla religion.  Da la Turchia rúvel dutaorela adalerch refugés politics à chirí sotet ca tl'Europa.

Na autra chestion é l enscidit "Islamic Banking":  coche les banches ti paisc islamics "engiana" la proibizion de ghiré fic scrit dant da la religion islamica.
L professour dla université de Graz Joseph Marko, manejadour dl Istitut de dert de mendranza, spliga les fondamentes dl dert islamich. En plu él laite valch articul sun la situazion d'aldidancuei de mendranzes religiouses tl Pachistan y valch auter contribut soura i derc religiousc ti Stac Unis.
La 38eisema edizion de Academia pò vegnì retrata gratis pro la Eurac a Bulsan o vegnì  desçiarieda ju dal sit 
www.eurac.edu/index_la.

 

 Academia Europea / Bulsan

 






 


 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.452 seconc