benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Convenzion provinzia de Trent - Union Generela
scrit ai 21 July 2005 da les 17:45:36 da noeles

Politica

 

Trent deida la Union Generela

Enier da seira él vegnù firmé a Trent la convenzion trienala Union Generela-provinzia de Trent - Sostegn a la USC - Trent reconesc ence l ladin standard

La USC di LadinsLa provinzia de Trent varieia inant con sostegnì les comunités de mendranza. Enier da seira él vegnù sotescrit a Trent la convenzion anter la Provinzia Autonoma de Trent y la Union Generela di Ladins dles Dolomites, editoura de La Usc di Ladins, slarieda con passa 4.000 copies tl raion dles Dolomites. A chest organ de stampa ti végnel dé l majer peis per tegnì adum y conduje adum la comunité ladina.

 



Per la provinzia de Trent á firmé l president dla jonta Lorenzo Dellai y per la Generela l president en ciaria, Michil Costa. La convenzion ti garantesc a la USC n sostegn plu lonch tl temp y plu avisa enfin a la fin dl 2007, canche la convenzion pò endò vegní renoveda. L contribut se la roda encer i 60.000 euro al ann. A d'enjonta dl contribut finanziar à chest sostegn na valuta plu ampla y lergia che se enchedra tla politica de Trent di ultims temps de sostegnì les mendranzes y de reconesce l laour porté inant da diejenes de agn da la Generela.
Dellai à sotrissé che la provinzia ti ciala dret de bon uedl a la unité di ladins dles Dolomites y coche al ti ova bele dit en l'edema passeda a la delegazion di ladins de Belun, ál reconfermé: "Nos son a una con dut cie che deida renforzé la identité linguistica y culturala dla mendranza ladina y i nes aodon che al se svilupeie tost formes nueves de coordinament anter i ladins te cheles che la Generela dess avei na funzion emportanta adum ai 18 ombolc y ai istituc culturai ladins".
Dret content se á desmostré ence l president dla Generela Michil Costa, acompagné te chesta ocajion dal vedl president Nani Pellegrini y dal conseier ladin Luigi Chiocchetti.
"Per na comunité de mendranza", á dit Chiocchetti, "ne él nia na bisinela podei avei te ciasa vigni edema n foliet te sie lingaz, ma al é valch dret de emportant, de fondamental".
La Usc di Ladins à raijes sotes tla storia ladina, ala à abù plu predezessours (L amik di Ladins/Der Ladinerfreund, dal 1949 enfin al 1972 "Nos Ladins"). Ala testemonieia la volonté dla comunité ladina de volei souravive.
Tla convenzion se oblieia La Usc de ti dé anter l auter lerch a les comunicazions de carater istituzional dla provinzia de Trent per cie che reverda la comunité ladina de Fascia. (m.p.)

 
Liams emparentés
· Deplú sun l tema Politica
· Chier te noeles


L articul plu liet te chest tema Politica:
Südtirol: Karte mit historisch gewachsenen Namen


Valutazion dl articul
Cumpeida mesana de oujes: 0
Oujes: 0

Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Convenzion provinzia de Trent - Union Generela (ponc: 1)
da Claudio ai 23 July 2005 da les 11:40:48
(Infos sun l utilisadour | Ti mané n messaje privat)
Al ti vegn dagnora trat dant al sit www.noeles.net de ester "massa polemich", de scrive "contra la Svp". Ma ala é enscí: cie déssen pa scrive de n partí che á dagnora cialé de ti fé n dann ai ladins da do la vera encà - Pupp: le ladin ne pòn nia ensegné te scola, ladin aministratif: proposta dla svp fova todesch y talian a lita, lege litala Svp declareda anti-costituzionala, la Svp refuda dutaorela de reconesce la bandiera ladina, la Svp á trat ite enfinamai l Istitut Micurà de Rü te sia politica contra le ladin unifihcé scrit, ti fajan dann a sie inom. Per cie che reverda i letours: la ipocrisia de trueps ne podessa nia ester majera, duc liej propi gen cosses "polemiches" desche an pò vedei da la cumpeida de letours.



Re: Convenzion provinzia de Trent - Union Generela (ponc: 1)
da giatfosch ai 23 July 2005 da les 21:27:54
(Infos sun l utilisadour | Ti mané n messaje privat)
a vigni foliet che n'é nia sön la lina dl partì ti tira la SVP dant de ester "de pert". La logica dla Prawda é ciamó ti cês dl partì. Ester conscidrés de pert é porchël n onur, ajache al é l segn ch'an pensa cun so cé y ne fej nia l fant.
L'idea dla SVP (danfora i fanaticuns dla Stahlhelmfraktion) ô che i media deides fà propaganda de partì y scuté ia düt ci che sceca la Partei. "Polemica" é insciö n compliment: can che i Parteikollegen adora chesta parora él l segn che an i à metü l deit söla plaia.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.429 seconc