benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Cesa di Ladins a Urtijei: 1 n milion de euro é assegurés
scrit ai 20 July 2005 da les 20:31:52 da noeles

Cultura

 

Egon Vinatzer: denant che pié via, messonse seguré l finanziament

L ombolt de Urtijei, Ewald Moroder y l assessour Florian Mussner a una de sostegnì l projet - Ewald Moroder cherdarà ite tost duc trei i ombolc dla valeda

Sun proposta dl ombolt de Urtijëi Ewald Moroder se à enconté encuei dantmesdì (20.07.05) l president dla Union di Ladins de Gherdëina (ULG), Egon Vinatzer con  l assessour provinzial Florian Mussner, l ombolt enstes y Alex Moroder, seva dla ULG, per porté inant l caje "Cësa di Ladins".

Da manciancia: Alex Moroder, Egon Vinatzer (president dla ULG), Ewald Moroder (ombolt) y Florian Mussner (assessour provinzial) se ciala ju l projet.



I doi raprejentanc politics se à tout scialdi dlaorela per chesta audienza che à porté per la ULG n valgunes noveles scialdi positives. L ombolt Ewald Moroder dà pro che la Cësa di Ladins a Urtijëi é na realté emportanta per la cultura y per l’identité ladina te Gherdëina, perchel se darál ca de cherdé ite al plu prest na enconteda de duc trei i ombolc de Gherdëina y na delegazion dla Union di Ladins de Gherdëina. "L Chemum de Urtijëi é a una de sostegnì l projet de restruturazion dl fabricat sibe tres n contribut finanziar che ence con sostegn moral y politich. Samben jiràl debujegn de bendebot de aiut finanziar da pert dla Provinzia", enscì l ombolt Ewald Moroder.
L assessour Florian Mussner à dé na gran sburla morala de jì inant con l proiet, dijan che da d'aisciuda dl 2006 pò la Union di Ladins zenzauter pensé de scomencé i laours de fabriché. "Con 1 n milion de euro de contribut da la provinzial tant che segurs, pòn a poura nia envié via les pratiches y sourandé i prums laours. La Union messarà cialé de Egon tegn l projet tles mansmete ju n plan de finanziament, cialan de abiné ca contribuc ence da d'autres pertes sciche dal stat tres la lege 482/99 y da l’Europa", à dit Mussner, mostran de avei creta tl projet y de avei la volonté de colaoré ence con i comuns dla valeda per seguré ju l finanziament.
Egon Vinatzer, president dla ULG, é dla minonga che i laours de restruturazion dla Cësa pò vegnì scomencés demé con na garanzia de n finanziament segur. Sen se trátela de mené inant
l projet dl inj. Siegfried Comploi y de se festidié dl plan de finanziament.
La Cësa mess vegnì dertureda y restrutureda per ester a l'auteza di temps y pité lerch, segureza y bensté a les lies culturales che laora laite.
Ti proscims dis se encontarà na delegazion dla Union con i ombolc dla valeda. Chesta enconteda vegn tamben cherdeda ite dal ombolt de Urtijëi Ewald Moroder.

Egon Vinatzer ti ciala con uedl plen de festide al model tles mans, co tré su l finanziament? L preventif se la roda entourn i 3 milions de euro, de chisc en à la provinzia empermetù 1.


 
Liams emparentés
· Deplú sun l tema Cultura
· Chier te noeles


L articul plu liet te chest tema Cultura:
Sotescrivede l Manifest LADINIA 2005!


Valutazion dl articul
Cumpeida mesana de oujes: 3
Oujes: 1


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant

Re: Cesa di Ladins a Urtijei: 1 n milion de euro é assegurés (ponc: 1)
da giatfosch ai 21 July 2005 da les 17:44:38
(Infos sun l utilisadour | Ti mané n messaje privat)
n miliun? na coienada!
n emplant de portamunt indô l'ater ciafa 5 miliuns.
Ci varizia.


News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.404 seconc