benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Na scomenciadiva: nosc mutons nen conta sovenz de vigni colour
scrit ai 29 June 2005 da les 17:38:36 da noeles

Desvalives

 

Chesta fossa da scrive su!

Dutes les marevueies y matades che nosc mutons nes conta - Envit ai genitours de fé pera - Al vegnirá dé fora na picera publicazion  
 
Tant de iadesc ves él pa bele suzedù che vosc mutons ves à fat na domanda o na osservazion o ves á dé na resposta che vos ne ves aspetovais nia? Valch che ves à fat dassen rì, o che ves à lascè zenza paroles. Y i eis dit anter vos: "Chesta fossa da scrive su!". An sá che i mutons à na fantasia fora de mesura y veid les cosses dla vita dagnora da n auter pont de veduda che i gragn.


Ben.... sen él vegnú l moment da les scrive su, davia che nos voléssen chirì adum dutes les marevueies che nosc mutons nes conta, per podei n di les cueie adum te na picia publicazion.

GENITOURS, fajede duc empera. Nosc mutons à tant da nes dí y tant da nes ensegné.

Chi pò pa tó pert?
Al pò tó pert duc i genitours che à mutons da 0 a 10 agn y che abiteia tles valedes ladines.

Cie pòi pa mané ite?
Al pò vegní mané ite dutes les osservazions, domandes y respostes di mutons che à n carater demarevueia, ironich o comich. Sun la letra o l'e-mail déssel vegnì dè dant l inom, cognom y la miscion de chi che mana ite (ala ne vegn nia publicheda) y samben l inom y l'eté dla muta o dl mut (che vegnirà spo ence publiché).
Al dess dagnora ester cler de cie situazion che ala se trata. Sce l mut o la muta à dé na resposta da rì, spo déssel ence vegnì descrit la situazion, la resposta o la domanda.
Ejempl:
L mut/o muta dij: "Mino de neine è spaché, i messon concé!" (Al é sté n mut de 2 agn che à fat l'osservazion)
Spo déssel vegnì specifiché che l giat dl neine é mort y l mut à damané cie che al é suzedú
.

En plu pòl vegnì mané ite fotografies di mutons y dles mutans, ence tres letra o e-mail.
N.B. Les fotografies originales ne vegnirà nia dedes zeruch

Olá pòi pa mané ite?
Sie letres che fotografies pò vegnì manedes ite a chesta miscion:

Palfrader Pablo
Ciavazin (Stichwort): "Mie mut à dit..."
Str. Plan de Corones 25
39030 Al Plan de Mareo
o ence a la e-mail: palfrader@rolmail.net

Les medemes miscions vel ence per damané do informazions.

Enfin a can pòi pa mané ite?
La dureda dla recoiuda: enfin ai 31.12.2005.



 
Liams emparentés
· Deplú sun l tema Desvalives
· Chier te noeles


L articul plu liet te chest tema Desvalives:
Aiut Alpin Dolomites: sajon da d'isté dant porta


Valutazion dl articul
Cumpeida mesana de oujes: 3.66
Oujes: 3


Preibel toledeves dlaorela de valuté chest articul:

ezelent
dret bon
bon
normal
sclet



Empostazions

 Plata da stampé  Plata da stampé

 Ti ortié chest articul a n/a amich/a  Ti ortié chest articul a n/a amich/a


Per l contegnú di comentars é l autour dl medem responsabel

Comentars anonims n'é nia ametus, preibel registredeves denant
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.381 seconc